Marɨko15
1Mo mambya matsɨbʉ, abaheri bakʉlʉ mobaya nama hagʉma n'abakʉlʉ b'abandʉ, n'abakangɨrɨtsya b'oMʉgomba n'obʉshenge bʉkʉlʉ boshi. Mobamɨna Yesʉ, n'ɨmʉthwala ewa kafʉrʉnalɨ Pilato.2Pilato mwabʉtsya Yesʉ athɨ: «Ewono! Ɨwe wo Mwamɨ w'aBayuta?» Yesʉ mwamʉshʉbɨtsya athɨ: «Ɨwe wo wamanegena.»3Abaheri bakʉlʉ mobasitaka Yesʉ yo bɨnwa bɨngɨ.4Aho Pilato mwashʉba mʉbʉtsya athɨ: «Uthashubitsye kiro na kɨnwa? Shʉnga ebɨnwa byoshi abakusitakako!»5Hewethuwe Yesʉ mwathashʉba shubya kiro na kɨnwa. Aho, Pilato mwashweka.6Ko bʉlɨ kɨro kɨkʉlʉ ky'ePasaka, Pilato abyaga abegere ɨmɨnʉla mʉndʉ mʉgʉma wa muliki yo bandʉ bathamʉshaba.7Kwabyaga mʉndʉ mʉgʉma wa muliki, erɨtsɨna lɨwe nɨ yo Baraba. Omʉndʉ oyo amɨnawa hagʉma na bathengʉ bagʉma bʉshana n'obwithi na bʉthengʉhe bo bakolaga.8Aho, abandʉ mobagendera Pilato, mobathanga ɨmʉshaba akolerebo nga kw'abyaga abegere ɨkolerabo.9Pilato mwabʉtsyabo athɨ: «Omushondya nyɨbamɨnʉlɨre omwamɨ w'aBayuta?»10Anegenaga athyo kʉshangwa mwamɨnya kw'abaheri bakʉlʉ bamahothera Yesʉ bʉshana n'ɨmʉfwa mwisho.11Hewethuwe abaheri bakʉlʉ abo mobuhya abandʉ bashabe Pilato amɨnʉlɨrebo Baraba.12Pilato mwashʉbabʉtsya omuhindano athɨ: «Aho omushondya nyɨyɨre omʉndʉ yo mwahʉlamo mwamɨ w'aBayuta oyu yo nyɨthɨ?»13Mobashʉba hambala bathɨ: «Mʉbambe ko mʉsalaba!»14Pilato mwashʉbabʉtsyabo athɨ: «Akolire kɨbɨ kɨhe?» Hewethuwe mobatsitsinia mw'ɨhambala kʉtsɨbʉ bathɨ: «Mʉbambe ko mʉsalaba!»15Pilato agendaga ashondya imoya abandʉ, aho mwamɨnʉlɨrabo Baraba. Honyuma kw'aho mwahamʉla bahumbe Yesʉ yo mbasha, na mwamʉhana bʉshana abambwe ko mʉsalaba.16Abashirikani mobathwala Yesʉ mo rʉba lw'enyʉmba ya kafʉrʉnalɨ, na mobabɨrɨkɨra balikyabo boshi.17Mobambikya Yesʉ yo lʉkɨmba lwa ngʉla , na mobalʉka kakira mʉ mʉthahɨ alɨko mɨshakɨ na mobamwambikyako ko muthwe.18Honyuma kw'aho mobathanga ɨmʉketsya bathɨ: «Woyo he, mwamɨ w'aBayuta!»19Bagenda abamuhumanga lʉsheke ko muthwe n'ɨmʉtsɨrako mathandɨ. Honyuma kw'aho mobafʉkama n'iunama embere sɨwe.20Babere bamamala ɨmʉshekeretsya, mobamwambʉlako olʉkɨmba lw'engʉla olo, n'ɨshʉba mwambikya esongɨmba sɨwe. Honyuma kw'aho, mobamʉhʉlʉkɨtsya embʉga bʉshana n'ɨya mʉbamba ko mʉsalaba.21Babere banemʉgenda, mobahindana na muyira mʉgʉma w'iKurene yo wagenda ahʉlawamo Simoni, ishe wa Likisa na Rʉfʉ . Simoni oyo agenda athoka engero. Abashirikani mobamʉkara-kara aheke omʉsalaba wa Yesʉ.22Mobahikya Yesʉ yo handʉ aho hanahʉlwamo Ngolingota, n'ɨnegena mbʉ: «Handʉ h'ɨfʉha lya kahangali» 23Mobamʉha tifayi yabyaga niyithulungene na manemane, hewethuwe mwathɨndaro.24Honyuma kw'aho, mobamʉbamba ko mʉsalaba. Mobagaba esongɨmba sɨwe mw'ɨkoleratho bwɨkɨ, bʉshana bamɨnye nga nɨ lʉkɨmba lʉhe lo bʉlɨ mʉgʉma atholere ɨheka.25Bwabyaga saha ishathu sa makerakera, babere bamʉbamba ko mʉsalaba.26Mobashaka kʉ kɨshayɨ ebɨnwa byo byalekaga nɨbamʉsohera olʉholo. Ebɨnwa ebyo byabyaga bishakire ko kɨshayɨ ekyo nibinegenire bɨthɨ: «Mwamɨ w'aBayuta».27Na kuthyo mobabamba bashamuli babɨrɨ ko mɨsalaba hagʉma na Yesʉ, mʉgʉma ko lʉnda lʉwe lw'amalyo n'ogʉndɨ ko lwa malembe. [28Amashako Abuyirire wo anegenire athya mwabererera: «Mwaganzwa hagʉma n'abakoli b'ebɨbɨ.»] 29Abandʉ bo bagenda abatsʉka aho, mobamuhangya niabathengania emithwe yabo. Nɨabanegena bathɨ: «Mbe tha! Ɨwe washondaga ɨshambʉla eNyʉmba ya Gongo n'ihimba yɨndɨ mʉ bɨro bɨshathʉ,30ɨngo, yɨshabʉle wowene, n'iyikimya ko mʉsalaba!»31Abaheri bakʉlʉ n'abakangɨrɨtsya b'oMʉgombanabo kuthyo mobashekeretsya Yesʉ, nɨabanegena bathɨ: «Mwashabʉla abandɨ, hewethuwe lɨno amalemwa ɨyɨshabʉla yowene!32Ewo, amabya n'ɨye yo Kirisito, Mwamɨ w'aBaisiraeli, ayikimye ko mʉsalaba bʉshana nethwe thʉlole na thʉmwɨkɨrɨtsye.»
Abo babambawa hagʉma naye, nabo kuthyo mobamuhangyako.33Bwabere bwabya saha ndathʉ, omwitsimya mwabya ko kɨhʉgo kyoshi ihika kʉ saha mwenda.34Ko saha mwenda, Yesʉ mwahambala athɨ: «Eloi, Eloi, lama sabakatani.» N'ɨnegena mbʉ: «Gongo waye, Gongo waye, bʉshana na ki wamanyishiga?»35Bagʉma mo bandʉ bo babyaga aho, babere bamwonvwa, mobanegena bathɨ: «Mwonvwe, abɨrɨkɨra Elia.»36Na mʉgʉma wa mʉbo mwangʉha tsʉba, mwathobetsya kɨrɨmbo mo tifayi ɨtsʉkɨrene n'ɨmɨnɨrakyo kʉ lʉsheke. Honyuma kw'aho, mw'ɨrʉkɨtsyaro Yesʉ, bʉshana ashomero. Nɨanegena athɨ: «Mwathalika, thʉlole nga Elia ahika imukimya ko mʉsalaba.»37Hewethuwe Yesʉ mwahambala mʉ mʉlenge mʉnene, na mwatsa omʉthɨma.38Aho epasɨya y'omo Nyʉmba ya Gongo moyabereka bɨhande bɨbɨrɨ ɨthangɨra elʉgʉ ihika ahishi.39Omʉkʉlʉ w'abashirikani yo wabyaga imene embere sa Yesʉ, abere ashʉnga nga kw'amatsa omʉthɨma, mwanegena athɨ: «Kwenene omʉndʉ oyu athalɨ Mʉgala wa Gongo!»40Habyaga bakatsɨ bagʉma bo bagendaga abashʉngɨrabyo hale. Mo kathi kabo habyaga Marɨa w'ɨMangɨndala, Marɨa nyinya w'omʉtsana Yakobo na Yose na ʉndɨ mʉkatsɨ ye Salome.41Abakatsɨ aba nɨ abo bakwamaga Yesʉ n'ɨmʉkolera mo mʉgʉlʉ abyaga iNgalilaya. Na kuthyo bandɨ bakatsɨ bangɨ bo bɨrʉkɨraga naye ɨYerʉsalemʉ.42Bwabere bwagoroba, kʉshangwa kyabyaga kɨro ky'erithegekania eSabato,43mʉndʉ mʉgʉma erɨtsɨna lɨwe nɨ yo Yosefʉ w'iArimatea, mwahika. Yosefʉ oyo abyaga mʉndʉ niashikibwe mo Bʉshenge Bʉkʉlʉ, na kuthyo abyaga nialindirire erihika ly'obwamɨ bwa Gongo. Mwagenda na muhwa ewa pilato bʉshana n'ɨyashaba omʉbɨrɨ wa Yesʉ.44Pilato mwashweka kʉtsɨbʉ abere onvwa ko Yesʉ amamala ɨfwa. Aho mwabɨrɨkɨra omʉkʉlʉ w'abashirikani oyo n'ɨmʉbʉtsya nga kwanamatsʉka ndambi nyɨre ho Yesʉ afwirire.45Abere amamala ɨhʉlɨkɨrɨtsya omʉkʉlʉ w'abashirikani oyo ko Yesʉ amalire ɨfwa, Pilato mwɨmɨra ko Yosefʉ aheke ekinda kya Yesʉ.46Yosefʉ mwagʉla tarape, mwathokya ekinda kya Yesʉ ko mʉsalaba, mwabʉnga-bʉngɨrakyo mo tarape eyo, n'ihirakyo mw'ɨsɨnda lyo lyathimawa mo lʉkʉka. Honyuma kw'aho mwakʉmbagalɨtsya ibwe ho kyɨngɨrɨro ky'erɨsɨnda eryo.47Marɨa w'ɨMangɨndala na Marɨa nyinya wa Yose babyaga nɨabayɨthegeretsya aho Yesʉ athabawa.
Abo babambawa hagʉma naye, nabo kuthyo mobamuhangyako.33Bwabere bwabya saha ndathʉ, omwitsimya mwabya ko kɨhʉgo kyoshi ihika kʉ saha mwenda.34Ko saha mwenda, Yesʉ mwahambala athɨ: «Eloi, Eloi, lama sabakatani.» N'ɨnegena mbʉ: «Gongo waye, Gongo waye, bʉshana na ki wamanyishiga?»35Bagʉma mo bandʉ bo babyaga aho, babere bamwonvwa, mobanegena bathɨ: «Mwonvwe, abɨrɨkɨra Elia.»36Na mʉgʉma wa mʉbo mwangʉha tsʉba, mwathobetsya kɨrɨmbo mo tifayi ɨtsʉkɨrene n'ɨmɨnɨrakyo kʉ lʉsheke. Honyuma kw'aho, mw'ɨrʉkɨtsyaro Yesʉ, bʉshana ashomero. Nɨanegena athɨ: «Mwathalika, thʉlole nga Elia ahika imukimya ko mʉsalaba.»37Hewethuwe Yesʉ mwahambala mʉ mʉlenge mʉnene, na mwatsa omʉthɨma.38Aho epasɨya y'omo Nyʉmba ya Gongo moyabereka bɨhande bɨbɨrɨ ɨthangɨra elʉgʉ ihika ahishi.39Omʉkʉlʉ w'abashirikani yo wabyaga imene embere sa Yesʉ, abere ashʉnga nga kw'amatsa omʉthɨma, mwanegena athɨ: «Kwenene omʉndʉ oyu athalɨ Mʉgala wa Gongo!»40Habyaga bakatsɨ bagʉma bo bagendaga abashʉngɨrabyo hale. Mo kathi kabo habyaga Marɨa w'ɨMangɨndala, Marɨa nyinya w'omʉtsana Yakobo na Yose na ʉndɨ mʉkatsɨ ye Salome.41Abakatsɨ aba nɨ abo bakwamaga Yesʉ n'ɨmʉkolera mo mʉgʉlʉ abyaga iNgalilaya. Na kuthyo bandɨ bakatsɨ bangɨ bo bɨrʉkɨraga naye ɨYerʉsalemʉ.42Bwabere bwagoroba, kʉshangwa kyabyaga kɨro ky'erithegekania eSabato,43mʉndʉ mʉgʉma erɨtsɨna lɨwe nɨ yo Yosefʉ w'iArimatea, mwahika. Yosefʉ oyo abyaga mʉndʉ niashikibwe mo Bʉshenge Bʉkʉlʉ, na kuthyo abyaga nialindirire erihika ly'obwamɨ bwa Gongo. Mwagenda na muhwa ewa pilato bʉshana n'ɨyashaba omʉbɨrɨ wa Yesʉ.44Pilato mwashweka kʉtsɨbʉ abere onvwa ko Yesʉ amamala ɨfwa. Aho mwabɨrɨkɨra omʉkʉlʉ w'abashirikani oyo n'ɨmʉbʉtsya nga kwanamatsʉka ndambi nyɨre ho Yesʉ afwirire.45Abere amamala ɨhʉlɨkɨrɨtsya omʉkʉlʉ w'abashirikani oyo ko Yesʉ amalire ɨfwa, Pilato mwɨmɨra ko Yosefʉ aheke ekinda kya Yesʉ.46Yosefʉ mwagʉla tarape, mwathokya ekinda kya Yesʉ ko mʉsalaba, mwabʉnga-bʉngɨrakyo mo tarape eyo, n'ihirakyo mw'ɨsɨnda lyo lyathimawa mo lʉkʉka. Honyuma kw'aho mwakʉmbagalɨtsya ibwe ho kyɨngɨrɨro ky'erɨsɨnda eryo.47Marɨa w'ɨMangɨndala na Marɨa nyinya wa Yose babyaga nɨabayɨthegeretsya aho Yesʉ athabawa.
The Seed Company