LUKA19
1Yesʉ abere ɨngɨra mo muyi w'iYeriko mwakirukania mʉwo.2Kwenzi ko muyi oyo kwabyaga muyira mʉgʉma nɨ yo Sakayo. Sakayo oyo abyaga mʉkʉlʉ wa bakarani b'ekoli. Kandɨ abyaga mushoki.3Agenda ashondya alole Yesʉ nga nɨ ndɨ. He ng'oko abyaga mofɨ, mwathakotsya ɨmʉlolako bʉshana n'obʉngɨ bw'abandʉ.4Bʉshana n'ekyo mwathɨbɨtha embere, n'ɨshamba kʉ mʉthɨ bʉshana ashʉnge kʉ Yesʉ, kʉshangwa aho ho Yesʉ abyaga niangatsukire.5Mo ndambi Yesʉ abere ahika aho, mwashʉmba amesho n'ɨbwɨra Sakayo athɨ: «Sakayo, kima tsʉba kʉshangwa nyɨtholere nɨnyagonzera omwawe munobwire.»Sakayo ashamba ko mʉthɨ bʉshana ashʉnge kʉ Yesʉ6Sakayo mwakima tsʉba, na mwakokya Yesʉ na lʉmogo lʉnene.7Mo ndambi abandʉ boshi babere bashʉnga kw'ebyo, mobarʉkʉma bathɨ: «Ɨyaa! Amayagonzera omw'omukoli w'ebɨtsɨbʉ!»8He Sakayo mwimana embere sa Yesʉ n'ɨnegena athɨ: «Nyinya-kowethʉ, onvwa! Nyaha kɨtse ky'ebɨndʉ byaye ky'abatsene. Nyamabya nɨmonyanyagʉla kɨndʉ kya mʉndʉ mʉ mabesɨ nyamʉshʉbʉlɨtsyakyo ngendo ine.»9Aho Yesʉ mwamʉbwɨra athɨ: «Munobwire, Gongo amashabʉla abandʉ b'omo nyʉmba eno, kʉshangwa nawe kuthyo ʉlɨ w'omo lʉganda lwa Abʉrahamʉ.10Kʉshangwa ingye Mʉgala w'oMʉndʉ nyahikaga bʉshana n'ishondya bo babyaga nibaherire n'ɨshabʉlabo.»11Abandʉ babyaga nɨbane mwonvwa ebɨnwa byo Yesʉ agenda anegena, kʉshangwa abyaga nɨalɨ hofɨ n'ɨYerʉsalemʉ. Aho abandʉ bagenda abaganɨtsya ng'oBwamɨ bwa Gongo bʉlɨ hofɨ n'ihika. Bʉshana n'ekyo Yesʉ mwatsɨrabo ʉndɨ mushinga athɨ:12«Kwabyaga mʉndʉ mʉgʉma w'omo kɨhanda ky'elyamɨ abyaga niashondya ɨgenda mʉ kɨhʉgo kya hale bʉshana n'iyasingibwayo. Enyuma y'erisingibwa lɨwe angashubwire ayathegeke ekɨhʉgo kɨwe.13Embere agende ɨyasɨnga, mwabɨrɨkɨra bandʉ ikumi mo bakoli bʉwe. Mwaha bʉlɨ mʉndʉ yo kɨtsere kɨgʉma kya faranga, mwabwɨrabo athɨ: “Mʉkole buhingania mo bɨtsere ebyo ihika ko kɨro nyandashʉbʉla.”14Hewethuwe abandʉ b'omo kɨhʉgo kɨwe nibamubayire. Bʉshana n'ekyo, mobamʉthʉmɨra bagendi enyuma kw'ɨye bamʉbwɨre ko bathalɨ abashondya abye mwamɨ wabo.15Hewethuwe omʉkʉlʉ oyo mwanasɨnga. Mwashʉba mo kɨhʉgo kɨwe. Abere ahika mwanegena athɨ bamʉbɨrɨkɨrɨre abakoli ikumi abo amikiraga ebɨtsere, kʉshangwa abyaga niashondya ɨmɨnya endundi yo bathabona mo buhingania bakolaga.16«Omukoli mʉmbere mwahika mwanegena athɨ: “Nyinya-kowethʉ, ekɨtsere wambaga mokyathʉndire bɨndɨ bɨtsere ikumi.”17Nyinya-kowabo mwamʉbwɨra athɨ: “Wamakola! Ʉlɨ mukoli mʉbʉya. Kʉshangwa mowabya w'iyinihirwa kʉ bɨndʉ bɨke nyamakʉha maka w'ɨthegeka miyi ikumi.”18«Omukoli wa kabɨrɨ naye mwahika n'ɨnegena athɨ: “Nyinya-kowethʉ, ekɨtsere wambaga mokyathundire bɨndɨ bɨthano.”19Nyinya-kowabo mwamʉbwɨra athɨ: “Nawe kuthyo nyamakʉha maka w'ɨthegeka miyi ithano.”20Honyuma kw'aho ogʉndɨ mukoli naye mwahika n'ɨnegena athɨ: “Nyinya-kowethʉ, shʉnga! Nyamakʉlethera ekɨtsere kyo wanyɨhaga. Ekɨtsere kɨno monyabɨkakyo kʉbʉya mʉ kakɨmba.21Monyakʉbaha kʉshangwa unabya muyira mʉtsɨbʉ. Ɨwe ʉnagenda ʉthola ekyo ʉthabɨkaga, na kandɨ ʉnagenda ʉhʉlʉla ebyo ʉthaheraga.”22Nyinya-kowabo mwamʉbwɨra athɨ: “Ɨwe ʉlɨ mukoli mʉbɨ! Nyakʉsoha ɨkwamana n'emɨnegenere awe. Wabyaga niwetsi ko nyɨrɨ mʉtsɨbʉ, enyɨnagenda enyɨthola ebyo nyɨthathabɨka na kandɨ enyɨnahʉlʉla ebyo nyɨthaheraga.23Aho bʉshana na ki mogʉthabɨka ekɨtsere kyaye ky'omo nyʉmba yo banagenda ababɨkamo esofaranga? Na omw'ɨshʉbʉla lyaye, nyangathokitsye ky'omo n'endundi yakyo!”24Aho nyinya-kowabo mwabwɨra abandʉ bobabyagaho athɨ: “Omukoli oyo mʉmʉnyage ekɨtsere ekyo na mʉhekyo oyo uwithe kw'ikumi.”25Mobamʉbwɨra bathɨ: “Nyinya-kowethʉ, oyo ahera awithe kʉ bɨtsere ikumi!”26Nyinya-kowabo oyo mwashubya athɨ: “Nɨ kwenene enyɨbabwɨra nyɨthɨ, nɨ yo uwithe kɨndʉ yo andahabwa kɨndɨ. He oyo uthawithe kɨndʉ andanyagʉlwa n'akake awitheko.27Hewethuwe esonzigu saye bobathashashaga nyibye mwamɨ wabo mʉlethebo hano na mʉkererebo mo mesho aye.”»28Mo ndambi Yesʉ abere amamala ɨnegena ebɨnwa ebyo, mwalola ebʉshondotsɨ mo lʉgendo lʉwe lw'erɨrʉkɨra ɨYerʉsalemʉ nɨalɨ embere s'omuhindano.29Mwahika hofɨ n'omuyi w'ɨBetefake na w'ɨBetanɨa, ko mʉnda w'ekɨthwa ky'eMiseituni. Mwathʉma babɨrɨ b'oko bɨga bʉwe n'ɨbwɨrabo athɨ:30«Mʉgende mo muyi owalɨ embere senyu. Mwabya mwahika mʉwo, mweyamo kyana kya pʉnda kihangire ekyo kɨthahera kyathikalwako na mʉndʉ. Mʉhangʉlekyo na mʉlethekyo.31Na mʉndʉ amababʉtsya athɨ bʉshana na ki omʉhangʉlakyo, nɨmwamʉshʉbɨtsya mʉthɨ Nyinya-kowenyu alayire kʉkyo.»32Abɨga bobathʉmawa mobagenda. Mobeya emyatsɨ nɨyɨnalɨ ng'oko Yesʉ athabwɨrabo.33Babere banemʉhangʉla ekyana ky'epʉnda ekyo, abenyekyo mobabʉtsyabo bathɨ: «Imwe! Bʉshana na ki omʉhangʉla ekyana ky'epʉnda ekyo?»34Mobashʉbɨtsyabo bathɨ: «Nyinya-kowethʉ alayire kʉkyo.»35Honyuma kw'aho mobalethera Yesʉ y'ekyana ky'epʉnda ekyo. Mobashesha kʉkyo kw'esongɨmba sabo, aho mobashambya Yesʉ yo kʉkyo.36Babere banemʉgenda, abandʉ mobagenda abashesha esongɨmba sabo mo nzɨra. 37Yesʉ abere ahika hofɨ n'ɨYerʉsalemʉ, mo bwandagala bw'ekɨthwa ky'eMiseituni, omuhindano woshi w'abɨga bʉwe mwamoga kʉtsɨbʉ. Mobahalamba Gongo nɨabahambala kʉtsɨbʉ bʉshana n'ebɨthɨko-thɨko byoshi bathashʉngako.38Mobagenda nɨabanegena bathɨ:«Agashanɨrwe oMwamɨ yo uhika kw'ɨtsɨna lya Nyinya-kowethʉ!Obʉholo bubye elʉgʉlʉ kʉtsɨbʉ,na Gongo asingibwe! »39Bafarisayo bagʉma bo babyaga mo muhindano w'abandʉ mobabwɨra Yesʉ bathɨ: «Mʉkangɨrɨtsya, kemera abɨga bawe batsɨre.»40Yesʉ mwabwɨrabo athɨ: «Enyɨbabwɨra aba bamahʉlɨkɨrɨra, nɨ amabwe nɨ ɨwo ahambala!»41Yesʉ abere ahika hofɨ n'omuyi w'ɨYerʉsalemʉ na abere ashʉnga kʉwo, mwalɨrɨrawo.42Mwanegena athɨ: «Munobwire wangaminyire ekyangakʉlethere obʉholo! He ekyo kibishirwe kw'ɨwe munobwire ʉthangakotsya ɨshʉngakyo.43Kʉshangwa ebɨro byandahika, aho esonzigu sawe sandakuthimbako bʉshana n'ɨkʉlwɨsa. Sandabya sahimba oluhimbo lw'ɨyɨkakɨra hofɨ nawe sandakʉyɨndɨrɨtsya ko mbande soshi.44Sandakʉshambʉla ɨwe hagʉma n'abandʉ bawe. Sithindakumikire n'ibwe kʉ lɨndɨ mw'ɨwe, kʉshangwa moʉthamɨnya endambi Gongo ahikaga ɨkʉshabʉla.»45Yesʉ mwɨngɨra mo mbʉga y'eNyʉmba ya Gongo, abere ahikamo mwathanga iligitha bo bagenda abahingania.46Mwabwɨrabo athɨ: «Bishakirwe mo Mashako Abuyirire bɨthɨ: “Enyʉmba aye yandabya nyʉmba y'ɨnyɨshabɨramo.” He imwe mwayiriremo kabishamo k'abashamuli! »47Ko bʉlɨ kɨro Yesʉ agenda akangɨrɨtsya abandʉ mo Nyʉmba ya Gongo. Abakʉlʉ b'abaheri n'abakangɨrɨtsya b'oMʉgomba n'abakʉlʉ b'abandʉ, bagenda abashondya imwitha.48Hewethuwe mobabʉsha omwanya w'erimwitha, kʉshangwa abandʉ boshi bagendaga abamʉhʉlɨkɨrɨtsya kʉtsɨbʉ.
The Seed Company