Yoani20
1Moyenga mo mambya matsɨbʉ, kwabere kʉkɨnalɨ mwitsimya, Marɨa w'ɨMangɨndala mwaya kw'ɨsɨnda. Abere ahika eyo, mwalola kw'eribwe lyabyaga likingire olukyo lw'erɨsɨnda lyamalire ɨkʉmbagatsɨbwa.2Aho mwangʉha eyɨrɨ Simoni Petero n'eyɨrɨ ogʉndɨ mwɨga yo wabyaga atsiirwe na Yesʉ n'ɨbwɨrabo athɨ: «Bamalire ithokya omʉbɨrɨ wa Nyinya-kowethʉ wo mw'ɨsɨnda na thuthetsi nga bathwerewo hayi.»3Aho Petero n'ogʉndɨ mwɨga oyo, mobangʉha tsʉba n'ɨya kw'ɨsɨnda.4Ababɨrɨ boshi mobangʉha tsʉba nɨabathɨbɨtha, hewethuwe omwɨga oyo mwangʉha tsʉba kʉlenga Petero, mwamʉthanga kw'ɨsɨnda.5Ɨye mwunama n'ilungulira mw'ɨsɨnda, mwashʉnga ebɨtambara nibyamalire ihirwa emʉsɨke, hewethuwe mwathɨngɨra mʉlyo.6Simoni Petero yo wabyaga enyuma, mwahika n'ɨngɨra mw'ɨsɨnda. Mwashʉnga ebɨtambara nibyamalire ihirwa emʉsɨke,7kuthyo mwashʉnga ekɨtambara kyabyaga kishwikire omuthwe wa Yesʉ, ekɨtambara ekyo mokithahirwa hagʉma n'ebɨndɨ. Hewethuwe kyabyaga nikitsingirwe n'ihirwa ɨkyo kyene emʉsɨke.8Aho ogʉndɨ mwɨga yo wathangaga ihika kw'ɨsɨndana naye kuthyo mwɨngɨra mw'ɨsɨnda. Naye mwɨkɨrɨtsya abere amamala ɨyɨlolera.9Kʉshangwa ihika aho abɨga ba Yesʉ babyaga nibathetsi bamɨnya kw'aMashako Abuyirire owanegenire athɨ Yesʉ atholere ilubuka mo baholi .10Honyuma kw'aho, abɨga babɨrɨ abo mobashʉba ewabo.11Mo ndambi eyo, Marɨa abyaga nimene embʉga hofɨ n'erɨsɨnda, alɨ alɨra. Abere anemʉlɨra, mwunama n'ilungulira mw'ɨsɨnda,12mwashʉnga bamalaɨka babɨrɨ bambithe ngɨmba sa mʉshohe nibikere ho mʉbɨrɨ wa Yesʉ abyaga abombekirwe. Omʉgʉma abyaga ikere ho habyaga omuthwe wa Yesʉ n'ogʉndɨ abyaga ikere ho habyaga ebɨshando bɨwe.13Abamalaɨka abo mobamʉbʉtsya bathɨ: «Mbe mʉkatsɨ, ʉlɨra bʉshana na ki?» naye mwashʉbɨtsyabo athɨ: «Kʉshangwa bathokitsye omʉbɨrɨ wa Nyinya-kowethʉ, nangye nyithetsi nga bathwerewo hayi.»14Abere amamala ɨnegena ebɨnwa ebyo, mwabɨndʉkɨra enyuma, mwashʉnga Yesʉ nimene aho, hewethuwe mwathamɨnya ko nɨ ɨye.15Yesʉ mwamʉbʉtsya athɨ: «Mʉkatsɨ, ʉlɨra bʉshana na ki? Ushondya ndɨ?» Marɨa mwaganɨtsya athɨ kʉthɨ nɨ mulimi wa mw'ɨshwa eryo, mwamʉbwɨra athɨ: «Nyinya-kowethʉ, wamabya nɨ ɨwe wahekire omʉbɨrɨ ʉwe, unyikangye aho wahirirewo nangye nyendawo ho.»16Yesʉ mwamʉbwɨra athɨ: «Marɨa!» Naye mwabɨndʉka, mwanegena mo kɨebʉranɨa athɨ: «Rabuni!» Nɨ ɨnegena mbʉ: «Mʉkangɨrɨtsya.»17Yesʉ mwamʉbwɨra athɨ: «Ʉthanyɨkolagako , kʉshangwa nyithetsi nyagenda ewa Thatha. Hewethuwe ʉgende eyɨrɨ bagala bethʉ ʉbwɨrebo ʉthɨ: enyɨrʉkɨra ewa Thatha, naye kuthyo nɨ Thatha wenyu, ɨye nɨ Gongo waye na kuthyo nɨ Gongo wenyu.»18Aho Marɨa w'ɨMangɨndala mwayafʉlɨra abɨga bw'omwatsɨ kw'amashʉnga Nyinya-kowethʉ, na kw'amamʉbwɨra ebɨnwa ebyo.19Omw'igolo ly'ekɨro kɨsha-kɨsha ky'eyenga ekyo, abɨga mobahindana mʉ nyʉmba n'esonyuyi saro mosakɨngwa, kʉshangwa babyaga ni bubahire abakʉlʉ b'aBayuta. Aho n'aho Yesʉ mwahʉlʉkɨrabo n'imana mo kathi k'abo. Mwabwɨrabo athɨ: «Obʉholo bubye hagʉma nemwe!»20Abere amamala ɨnegena ebyo, mwakangyabo ebɨganza bɨwe n'olʉkanga lʉwe. Aho abɨga mobamoga babere bashʉnga Nyinya-kowethʉ.21Yesʉ mwashʉba bwɨrabo athɨ: «Bʉholo kw'imwe! Nga ko Thatha anyɨthʉmaga, nangye kuthyo nyamabathʉma.»22Abere amamala ɨnegena ebɨnwa ebyo, mwabʉha kʉbo n'ɨbwɨrabo athɨ: «Mwangɨrɨre oMʉthɨma Mwerʉ.23Abandʉ boshi mwandaganyɨra ebɨtsɨbʉ, bandaganyɨrwa. N'aboshi mʉthɨndaganyɨre bathɨndaganyɨrwe .»24Hewethuwe Tomasɨ yo ʉnahʉlwamo «mʉhasha» yo wabyaga mʉgʉma w'oko bɨga ikumi na babɨrɨ, athabyaga hagʉma nabo Yesʉ abere ahika.25Abandɨ bɨga mobamʉbwɨra bathɨ: «Thwamashʉnga Nyinya-kowethʉ.» Hewethuwe Tomasɨ mwashʉbɨtsyabo athɨ: «Nyithashungire ko byuna by'emisumali mo bɨganza bɨwe, n'ihira omunwe aye mo byuna ebyo, na nyithingitsye omunwe aye mo lʉkanga lʉwe nyɨthangɨkɨrɨtsya na hake.»26Honyuma kw'aho, habere hahwa yenga ngʉma, abɨga ba Yesʉ mobashʉba hindana mo nyʉmba ngʉmegerera eyo, lero Tomasɨ abyaga hagʉma nabo. Namo sonyuyi sabyaga nisinakingire, Yesʉ mwashʉba hʉlʉkɨrabo, mwimana mo kathi kabo n'ɨnegena athɨ: «bʉholo kw'imwe!»27Honyuma kw'aho, mwabwɨra Tomasɨ athɨ: «Hira omunwe awe wo hano na ʉshʉnge ko bɨganza byaye, na lambʉla okʉboko kwawe na uhire eminwe awe y'oko lʉkanga lwaye. Ʉthashʉba thɨka-thɨka, hewethuwe wɨkɨrɨtsye lero.»28Tomasɨ mwashubya athɨ: «Nyinya-kowethʉ na Gongo waye!»29Na Yesʉ mwamʉbwɨra athɨ: «Wamɨkɨrɨtsya kʉshangwa wamanyɨshʉngako? Bagashanɨrwe abo bɨkɨrɨtsya bathanyilolireko!»30Yesʉ mwakangania bɨndɨ bɨmɨnyɨkalo bɨngɨ ko bɨga bʉwe byo bithashakirwe mo kɨtabo kɨno.31Hewethuwe bɨno mobyashakwa bʉshana mwɨkɨrɨtsye ko Yesʉ nɨ Kirisito, Mʉgala wa Gongo, na mwɨkɨrɨtsye, mʉbone bʉyɨngo mw'ɨtsɨna lɨwe.
The Seed Company