Yoani15
1Ingye nyɨrɨ musabibu w'ekwenene na Thatha yo muhingi.2Bʉlɨ mʉthahɨ anyilashireko ow'athahekire biguma anatsawo. Hewethuwe bʉlɨ mʉthahɨ ow'ahekire biguma anasarɨrawo bʉshana aheke biguma bɨngɨ kw'aho.3Imwe mwamalire ɨera bʉshana n'ekɨnwa nyababwɨraga.4Mwikale emwishi saye nga ko nyikere emwishi senyu. Kʉbʉshɨ hathalɨ mʉthahɨ wangaheka biguma wowene alɨ athalashire ko musabibu. Nemwe kuthyo mʉthangaheka biguma muthikere emwishi saye.5Ingye nyɨrɨ musabibu, nemwe mʉlɨ mɨthahɨ. Yo wikere emwishi saye, nangye nyikere emwishi sɨwe, oyo andaheka biguma bɨngɨ. Kʉshangwa muthikere emwishi saye mʉthangakola kɨndʉ.6N'omʉndʉ amabya athikere emwishi saye, andagʉshwa embʉga nga kw'abanagʉsha omʉthahɨ nawo n'ɨʉma. Emɨthahɨ yɨrɨ ng'eyo, ɨnakʉmwa-kʉmwa n'ɨʉshwa mo mʉtsanwa naro niyahya.7Mwamikala emwishi saye n'ebɨnwa byaye byamikala emwishi senyu, mʉshabe ebyo mushashire, nemwe mwandahabwabyo.8Mwamaheka biguma bɨngɨ, Thatha nɨandahalambwa, n'aho ni mwabya bɨga baye kundu.9Nga ko Thatha anyɨtsɨɨraga, nangye kuthyo nyibatsiire. Aho, mwikale mo lwanzo lwaye.10Mwamashikya amathegeko aye, mwandikala mo lwanzo lwaye, nga ko nangye monyashikya amathegeko wa Thatha, na nyikere mo lwanzo lʉwe.11Monyɨbabwɨra ebɨnwa ebi, bʉshana olʉmogo lwaye lubye mw'imwe, n'olʉmogo lwenyu lubye lʉnene kʉtsɨbʉ .12Erithegeko lyo nyɨbaha lye lɨno: mʉtsɨɨrane bagʉma kʉ bandɨ nga ko nyabatsɨɨraga.13Hathalɨ mʉndʉ yo uwithe lwanzo lʉnene kʉlenga yo ʉhana obʉyɨngo bʉwe bʉshana n'abira bʉwe.14Imwe mʉlɨ bira baye mwamakola ebyo enyɨbahamʉla.15Nyɨthɨshʉbe bahʉlamo bakoli, kʉshangwa omukoli athamɨnya ebyo nyinya-kowabo akola. Enyɨbwahʉlamo bira baye lɨno kʉshangwa monyababwire ebyoshi nyonvwaga ɨthoka ewa Thatha.16Mʉthalɨ imwe mwanyɨshombolaga, hewethuwe n'ingye ngyo nyabashombolaga. Nyamabathʉma mʉgende mʉyaheke biguma, n'ebiguma byenyu bɨthɨndahwe. Aho, ebyoshi mwandashaba Thatha kw'ɨtsɨna lyaye andabahabyo.17Erithegeko nyamabaha lye lɨno: mʉtsɨɨrane imwe kw'imwe.18«Abandʉ ba mo kɨhʉgo bamababaga, mʉmɨnye ko mobanyɨbaga embere bababage.19Mwangabere bandʉ b'ekɨhʉgo, abandʉ b'omo kɨhʉgo bangabatsiire nga balikyabo. Hewethuwe monyabashombola ɨthoka mo kɨhʉgo kɨno. Nemwe mʉthakɨrɨ bandʉ b'omo kɨhʉgo. Nɨ bʉshana n'ekyo abandʉ bababayire.20Mwɨbʉke ebɨnwa nyababwɨraga nyɨthɨ: “Omukoli athalɨ mʉkʉlʉ kʉ nyinya-kowabo .” Balɨ mobanyagatsya, nemwe kuthyo bandabagatsya. Na balɨ mobashikya ebɨnwa byaye, bandashikya n'ebɨnwa byenyu kuthyo.21Hewethuwe bandabakolera ebyoshi ebyo, bʉshana n'erɨtsɨna lyaye kʉshangwa bathetsi yo wanyɨthʉmaga.22Nyɨrɨ nyithahikaga na nyɨrɨ nyɨthasɨmolaga nabo, bathangabere bakoli ba bɨtsɨbʉ. Hewethuwe lɨno bathangayɨgana ebɨtsɨbʉ byabo.23Yo unyibayire niabayire na Thatha kuthyo.24Nyɨrɨ nyɨthakolaga bɨmɨnyɨkalo ebyo ʉndɨ mʉndʉ mo kathi kabo athangakotsya ɨkola, bathangabere bakoli b'ebɨtsɨbʉ. Hewethuwe mobalola kʉbyo, he namo bɨnalɨ bithyo, bathubayire ingye na thatha.25Hewethuwe ebibya bithyo, nɨ bʉshana kɨbererere ekɨnwa kishakirwe mo Mʉgomba wabo kɨthɨ: “Mobanyɨbayɨra bʉsha .”26oMwangɨrɨtsɨ nyandabathʉmɨra ɨthoka ewa Thatha andabya ahika, andabya mutimo aye. Ɨye nɨ oMʉthɨma ow'ekwenene ow'athoka ewa Thatha.27Nemwe kuthyo mwandabya batimo baye, kʉshangwa mʉlɨ nangye ɨthoka ko ndangɨro.»
The Seed Company