ಹಮಾರಖ್ಹಾಜೆ ಪ್ರಾರ್ಥನೆ ಕರೊ
1ಹಮಾರ ಭೈಯೆ ಭೇನೆವೊ, ಹಮಾರಖ್ಹಾಜೆ ಪ್ರಾರ್ಥನೆ ಕರೊ, ಪ್ರಭುನಿ ವಚನ್ ತುಮಾರಾಮ ಫೈಲೀತೆ ಇಮ್ಮಸ್, ಬಿಜಿಖ್ಹಾರಿ ಬಾಜು಼ಮಾಬಿ ವಗ್ಗಿಸ್ ಫೈಲೈನ್ ಮಹಿಮೆ ಹುವಾದೆ.2ಅಜು಼ ದೇವ್ ಹಮೂನ ಮೂರ್ಖ್ ಹುಯಿರ್ಹೂತೆ ಖರಾಬ್ ಅದ್ಮಿನ ಹಾತೇಥಿ ಬಚಾ಼ಡನಿ ಘೋಣಿಬಿ ಪ್ರಾರ್ಥನೆ ಕರೋಕಿ, ಕ್ರಿಸ್ತನು ವಿಶ್ವಾಸ್ ಅಖ್ಖಾಸ್ಮ ರ್ಹೆಯಿಕೊಯ್ನಿನಿ.3ಕತೋಬಿ ಪ್ರಭು ವಿಶ್ವಾಸ್ವಾಳೊ, ಯೋ ತುಮೂನ ಶಕತ್ ದೀನ್, ಖರಾಬ್ನ ಹಾತ್ಮ ಖ್ಹಪಡ್ನುನಾತೆ ಇಮ್ ಬಚಾ಼ಡ್ಶೆ.4ಹಮೆ ಬೋಲ್ಯಾತೆ ಇಮ್ ತುಮೆ ಕರುಕರಸ್ ಅಜು಼ ಖ್ಹಾಮ್ಣೇಬಿ ತುಮೆ ಕರ್ಷುಕರಿಬಿ ಪ್ರಭುನೆ ಹಮೂನ ಭರೋಖ್ಹೊ ದೀರಾಖ್ಯೊಸ್.5ತುಮೆ ದೇವ್ನಿ ಲಾಡ್ಮಾಬಿ ಕ್ರಿಸ್ತನು ಖ್ಹಮಾಳಿಲ್ಯಾವಾಮಾಬಿ ಮಳಾನಿಘೊಣಿ ಪ್ರಭುಸ್ ತುಮೂನ ಚಲಾವದೆ.ಕಾಮ್ನು ಜಿಮ್ಮೆದಾರಿ
6ಹಮಾರ ಭೈಯೆ ಭೇನೆವೊ, ಕಾಮ್ ಕರಾಕೊಂತೆ ಅಜು಼ ಹಮೆ ಬೋಲ್ಯಾತೆ ಪದತ್ತಿನ ಪಾಡಿನ್ ಚಾ಼ಲಕೊಂತೆ ವಿಶ್ವಾಸಿ ಖ್ಹಾರೇಥಿ ತುಮೆ ದೂರ್ ರ್ಹೇಣು. ಪ್ರಭು ಹುಯಿರ್ಹೋತೆ ಯೇಸು ಕ್ರಿಸ್ತನ ನಾಮ್ಪರ್ ತುಮೂನ ಹುಕುಮ್ ದಿಯೇಸ್.7ಹಮೆ ಜಿವ್ಯಾತೆ ಇಮ್ಮಸ್ ತುಮೇಬಿ ಜಿವ್ಣುಕರಿ ತುಮೂನ ಅಛ್ಛಿನಿತರ ಮಾಲುಮ್ ಛಾ಼. ಹಮೆ ತುಮಾರಕನ ಥಾತೆ ತದೆ ಶೋಂಬೇರಿ ಕೋಥಾನಿ.8ಫುಗಟ್ಥಿ ಹಮೆ ಕಿನಕನಾಬಿ ಖಾಣು ಖಾದಕೊಯ್ನಿ. ತುಮಾರಮ ಕಿನಾಪರ್ಬಿ ಹಮೆ ಭಾರೊ ನಾ ನಾಕ್ಣುಕರಿ ಹಮೆ ರಾತ್-ದನ್ ಕಾಮ್ ಅಜು಼ ಮ್ಹಿನತ್ ಕರೀನ್ ಜಿವ್ಣು ಚ಼ಲಾಯ.9ತುಮಾರೇಥಿ ದೇಕ್ಬಾಲ್ ಕರೈಲ್ಯವಾನ ಹಮೂನ ಹಕ್ಕೊಯ್ನಿಕರಿ ಕಾಹೆ, ತುಮೆ ಹಮಾರಿನಿತರ ಚಾ಼ಲಾದೆಕರಿಸ್ ತುಮೂನ ಇಮ್ ದೆಖೈಲಿದಾತೆ.10ಇನಖ್ಹಾಜೇಸ್ ಹಮೆ ತುಮಾರ ಜೋ಼ಡೆ ಥಾತೆ ತದೆ, “ಕಾಮ್ ಕರಾಕೊಂತೆ ಯೊ ಖಾಣು ನಾಖಾವ್ಣು” ಕರಿ ಹುಕುಮ್ ದಿದಾಥಾತೆ.11ಕತೋಬಿ ತುಮಾರಾಮ ಥೋಡುಜ಼ಣು ಖೆವು ಕಾಮ್ಬಿ ಕರುಕರಾಕೊಂತೆ, ಬಿಜಾ಼ನ ಕಾಮ್ಮ ಗೋಡೊ ಘಾಲ್ತುಹುಯಿನ್, ವಳ್ಶಿನು ಜಿವ್ಣು ಜಿವ್ಕರಾಸ್ ಕರಿ ಹಮೂನ ಖಬರ್ಪಡ್ಯು.12ಅಥ್ರಾನ ಅದ್ಮಿವ್ನ ಹಮೆ ಇವ್ಣು ಕಾಮ್ ಇವ್ಣೇಸ್ ಕರ್ತುಹುಯಿನ್, ಇವ್ಣ ಖಾಣಾನಖ್ಹಾಜೆ ಇವ್ಣೆಸ್ ಕಮಾವ್ಣುಕರಿ, ಹಮೆ ಪ್ರಭು ಯೇಸು ಕ್ರಿಸ್ತನ ನಾಮ್ಮ ಹುಕುಮ್ ದೀನ್ ಅಜು಼ ಬೋಲಿಲಿಯೆಸ್.13ಕತೋಬಿ ಹಮಾರ ಭೈಯೆ-ಭೇನೆವೊ, ತುಮೇತೊ, ಅಛ್ಛು಼ ಕರಾಮ ಕದೇಬಿ ಬೇಜಾರ್ ಕರ್ಶು ನಕೊ.14ಆ ಚಿಟ್ಟೀಮ ಹಮೆ ತುಮೂನ ಬೋಲುಕರೇತೆ ಕೋಣ್ ಇನ ಮಾನಕೊಯ್ನಿಕಿ, ಇಮ್ನಾನಿ ಖ್ಹಣೇದ್ ಕರೀನ್, ಇನ ಖ್ಹರಮ್ ಲಾಗಾನಿಘೋಣಿ ಕೋಣ್ಬಿ ಇನಿ ಖ್ಹಂಗ್ ನಕೊ ಕರೊ.15ಕತೋಬಿ ಇನ ದುಶ್ಮನ್ನಿಘೋಣಿ ನಕೊ ಸೋಚೊತೆ ಅನಬದಲ್ ಇನ ವಿಶ್ವಾಸಿ ಭೈ ಕರಿ ಸೋಚಿನ್ ಅಕ್ಕಲ್ ಬೋಲ್.ಖ್ಹರ್ತಿನಿ ವಾತೆ
16ಶಾಂತಿವಾಳೊ ಪ್ರಭು ಖ್ಹುದ್ ತುಮೂನ ಖ್ಹಾರಿಸ್ ವಖ್ಹತ್ಮ ಅಜು಼ ಖ್ಹಾರಿಸ್ ತರ್ಹಾಮ ಶಾಂತಿ ದ್ಯವಾದೆ. ಪ್ರಭು ತುಮಾರ ಖ್ಹಾರಸ್ನ ಜೋ಼ಡೆ ರ್ಹವಾದೆ.17ಪೌಲಕರಿ ಮೇ ಮಾರ ಹಾತೇಥಿಸ್ ತುಮುನ ಖ್ಹಲಾಮ್ನ ಲೀಖುಕರುಸ್. ಮೇ ಆಸ್ ಪರಕ್ ಚಿಟ್ಟೀಮ ಅಮ್ಮಸ್ ರುಜು ಕರುಸ್. ಮೇ ಲೀಖಾನು ತರೀಕ ಆಸ್ಹುಯಿರ್ಹುಸ್.18ಅಪ್ಣೊ ಪ್ರಭು ಯೇಸು ಕ್ರಿಸ್ತನಿ ವಾರ್ಖ್ಹೊ ತುಮಾರ ಅಖ್ಖಾಸ್ನಿ ಜೋ಼ಡ್ಮ ರ್ಹವಾದೆ.