iLuku3utr_sco

IJɔn okyɔ iBatisima mɛ ofɛ

1Mi onova ongwi iwyodeda ngwi iSidza (utɔ) iTiberu li utɔ mi iRoma mani, iPontu iPlatu li iGɔna mi ayɛsɛ iJudia, iHerude li atɔtsɛ mi ayɛsɛ iGalalia, ongwunɔn iFyilipi li atɔtsɛ mi Ituria bɛyi iTirakoni, iLisania di li atɔtsɛ mi Abilen.2Mi onɔ ngwi Anna bɛyi iKayafa li okwukwo inggisɛ ofifɛ mgbi Imgbasho ma, elodzɛ mgbi Imgbasho ba mbi iJɔn ongwɛ iDzakaria mi okwɛsɛ.3O kaka ali imbe mi ewekyoo mgbi iJodan, le gbeesɔ gbɛɛ, <<Kyata mi ali ibwubwe mgbi ema nu ma kyɔ ema iBatisima ikye nu ma dzita ema yi ali ibwubwe.>>4Dafi oyegbɔ Adzaya tsekise lɔ gbɛɛ:<<Ela mgbi inggisɛ le kwu mi okwɛsɛ gbɛɛ:<Mɛlu ofɛ ikye mgbiOtsɛ no byi yɛyɛ na,5Ali ufɛ duu nu ma yilen tukwu,ali unggwɔ bɛyi undɔduu nu ma kye gbobu.Ofɛ ama nkwenggenggama nu ma kye nalu byi yɛyɛ,ofɛ ama nli ishishɛ duu ni a kye tukwulu.6Ta inggisɛ owamyɛ duu kadi owatɔ-watɔ mgbi Imgbasho.> >>7IJɔn nya ibyi inggisɛ ama nba gbɛɛ no wa kyɔ ma iBatisima ma gbɛɛ, <<Ema engwɛ ogidzi ntonɛ! Li emɛ wɛ ema odzɛ gbɛɛ ni ema tsinya itingga mgbi Imgbasho, nkyɛ iyayi na?8Nghanɛ ema kyɔ ali otso itukwu okyata-kyata mgbi ema, Ka nya ewema gbɛɛ, <Eyi li engwɛ mgbi Abrahan ta si ngyɛ ba.> Lubana n nya ema Imgbasho ka yagba kyata akwutsɛ ntonɛ yɛɛ engwɛ Abrahan gbɛ.9Ika ladzɛ iteekwɔ le fɛɛfɛ, ali ekwɔ n wa owawa osuse ba duu, a ka kye dzɛlu ngwuta wokɛ ola.>>10Inggisɛ ntona byun gbɛɛ, <<Ni eyi kyɔsinɛ?>>11IJɔn nya ma gbɛɛ, <<Inggisɛ ndzɛ yi abu nghi efa yɔ, no kye onyi nu odon, abu ndzɛ yi ungwogye yɔ gha yi inggisɛ oka.>>12Ama ogbɛ udza ifyɛɛ kpaa ba owa kyɔ iBatisima, a byun gbɛɛ, <<Otsetse, eyi ma ni eyi kyɔsinɛ?>>13O nya ma gbɛɛ, <<Ka yama gbɛ awuya nyɛ obyi ba.>>14Oblakwutsɛ angbeka kpaa byun gbɛɛ, <<Eyi ma ni eyi kyɔsinɛ?>> O nya ma gbɛɛ, <<Ka yama gbɛ inggisɛ awuya mi abumfye ba dika gbe odzɛ tukwu inggisɛ ewo mi atsika ba, udza ofya mgbi ema no gyɔlo ema.>>15Inggisɛ ntona le fɛ yi ɛwɛ ogbebyi dile tsɛwɛ mi itukwu gbɛɛ naadi iJɔn li iKrestu,ngwu ama le fɛ ma hoo!16IJɔn nu ma uka gbɛɛ, <<Ani le kyɔ ema iBatisima yi eni. Nghaduu Ongwu nshewo ngha ani kyɛma, ngwu odi okpafɔ mgban kpaa ani mɛ oshɛ ba. O ka kyɔ ema iBatisima mi Onodzi Osaan mgbi Imgbasho bɛyi ola.17Okwuga byidzɛ abɔ mgban, o ka folu ungwogyowe kye gbelu inɛnɛ osuse wokɛ oba, ashuwe yɔ o ka kye toola mi ola ngwi li gyegwu.>>18IJɔn kwu inggisɛ ntona ɛwɛ wo mi elodzɛ angbeka kwuba di gbɔ Esɔ Osuse nya ma.19Dafi iJɔn fwa mi otsitsi tsɛ iHerude atɔtsɛ inɛ ikyegbɛɛ o kyelu iHerodia owa ongwunɔn iFyilipi bɛyi alungwɔ obube angbeka ngwi o tsekise kyɔ nɛ,20iHerude diyɛ kyɔ alobube ndatu ngha duu: O bwalu iJɔn wokɛ obawi.

IBatisima bɛyi odzɛ etɔ mgbi iYesu

21Ngwi iJɔn kyɔ ali inggisɛ duu iBatisima nɛ, o kyɔ iYesu kpaa iBatisima. Mi onɔ ngwi iYesu le bibɔ nɛta, esho kwulu,22man Onodzi Osaan tashulu ba mbon dafi anyama mani, ela di tɔ mi esho gbɛɛ, <<Abu li Ongwani nkpaani itukwu; i kpani yi abu saan.>>23Onɔ ngwi iYesu li onova osudiwyo ma, o wita idɔ mgban. Ali inggisɛ tsɛwɛ gbɛɛ o li ongwɛ iJose, nli ongwɛ iHeli,24ongwɛ iMatati, ongwɛ iLevi, ongwɛ iMelki, ongwɛ iJenai, ongwɛ iJose,25ongwɛ iMatatia, ongwɛ Emosu, ongwɛ iNahun, ongwɛ Esili, ongwɛ iNaga,26ongwɛ iMaati, ongwɛ iMatatia, ongwɛ iSeme, ongwɛ iJoseki, ongwɛ iJoda,27ongwɛ iJonan, ongwɛ iResa, ongwɛ iDzerubabɛ, ongwɛ iShetiɛ, ongwɛ iNeri,28ongwɛ iMelki, ongwɛ Addi, ongwɛ iKosan, ongwɛ Elimanda, ongwɛ Eri,29ongwɛ iJoshua, ongwɛ Eliadza, ongwɛ iJorin, ongwɛ iMatati, ongwɛ iLevi,30ongwɛ iSimiɔn, ongwɛ iJuda, ongwɛ iJose, ongwɛ iJonan, ongwɛ Eliakin,31ongwɛ iMelia, ongwɛ iMena,ongwɛ iMatata, ongwɛ iNatan,ongwɛ iDevedi,32ongwɛ iJese, ongwɛ Obɛdi, ongwɛ iBoadzi, ongwɛ iSalmɔn, ongwɛ iNashɔn,33ongwɛ Aminada, ongwɛ iRan, ongwɛ iHerizɔn, ongwɛ iPeredzi, ongwɛ iJuda,34ongwɛ iJeko, ongwɛ Adziki, ongwɛ Abrahan, ongwɛ iTera, ongwɛ iNahɔ,35ongwɛ iSerɔgu, ongwɛ iReu, ongwɛ iPelegi, ongwɛ Ebɛl, ongwɛ iSala,36ongwɛ iKaina, ongwɛ Afadza, ongwɛ iShɛn, ongwɛ iNua, ongwɛ iLameki,37ongwɛ iMetusela, ongwɛ Enɔku, ongwɛ iJaredi, ongwɛ iMahalale, ongwɛ iKaina,38ongwɛ Enɔsh, ongwɛ iSeti, ongwɛ Adan, Ongwɛ Imgbasho.
expand_more
Search