1 IOANE3ulk_wbt
1Wa dasmerare merbi Babide aukaise omarge tikereda; merbi dikereda Agudira omaskir dikereda - a mir agekar uridli Agudira omaskir. Le adge uridli Kerisoilam nole meriba tonar berwerda ableglam wi nole Agudi tonar berwereda.2Kara nasnas buai, mimi Agudira omaskir uridli; mimi nole umele uridli nalu mi ia mi tuarder. Epe mi no umele nade Keriso obatomer a mi ia mi abi dasmerare pe e agekar dali, mi ia mi abikaise tuarder.3Nete penoko umele dali e muige odawer, tababu obaseserder puipikak a zogozogo mokakalam pe Keriso dali puipikak a zogozogo.4Nete penoko dali mena wit waikerer obasker adge Agudi gelarlam ableglam wit adge ikeredi abi gelarlam.5Wa umele Keriso batomeda ia waiakai e lera wit adem wadais, a wa umele e nole kemerkemer witkak dali.6Pedikeredi, wader le Kerisoidoge uridli wi nole mena witge uridli; wader legize mena wit ikereda nole abi dasmereda a wi nole abra uridli.7Okeoke uridwa, omaskir, legize ia wabi besudiridlare a adem wadaislare. Na gize ia barkak waikelare wi barkak uridli mokakalam pe Keriso barkakle dali.