য়হোশু10
1য়হোশুহা য়রিহো আসা আকো জাইপুবিহিং ত্যাবাপা এহ শহরকো জাইপুহিং পুরা দাংপারোওয়া আসা আপনিকো অধিনতা এরোওয়া তামসা য়রুশালেমকো জাইপু অদোনিসেদেকহা হিংয়ে। গিবোনকো দিংঙাবিহা ইস্রাইলিবিহিংপা সন্দি-পত্র জোমি নিও আসা আউতা য়ুংদাংয়ো তাওয়া আকুহা হিংয়ে।2আকু হিংমসা য়রুশালেমকো দিংঙাবিহা সিওপারাং চুসুংপুয়ে, হাংপাতানাহা গিবোনহা ইচো জাইপু নিওয়া টেবো শহর ত্যাবাপা নিমি, আকুহা এহ শহররোমা টেবো নিমি আসা আকো দিংঙাবিহা লুইসুকোহা সিওপারাং মারাইমি।3আকো সোতা অদোনিসেদেকহা হেব্রোনকো জাইপু হোহাম, য়র্মুতকো জাইপু পিরাম, লাকিশকো জাইপু য়াপি আসা এগ্লোনকো জাইপু দবিরকোতা এপাজিংওয়া দেরেং কাইপুয়ে,4“লেমসা কাহিং গিবোনকো তোইতা আক্রমন জোকো য়ুজ্রুপি, হাংপাতানাহা আকো দিংঙাবিহা য়হোশু আসা ইস্রাইলিবিহিংপা ইচো জিংপুমি নিও।”5ই ঙাচো এমোরি জাইপুবি, য়রুশালেম, হেব্রোন, য়র্মুত, লাকিশ আসা এগ্লোনকো জাইপুবিহা আপনি আপনিকো সিপাইবিহিং ইচো বানাইয়ে, গিবোনহিংয়া হুরাপা য়োইসুয়ে আসা আকু জায়গাহিংয়া আক্রমন জোয়ে।6গিবোনকো দিংঙাবিহা গিলগালতা তাম্বু বানাইমসা য়ুংওয়া য়হোশুকোতা এপাজিংওয়া দেরেং কাইপুয়ে, “উটকেওয়া, কাবি নাকো ডেইয়াবিহিং মাপেইপি! সেন্নেপা ওয়াংমসা কাবিহিং য়ুজ্রুপি! কাবিহিং বাচাইপি! য়্যাগ্যইকো তাংসা এমোরি জাইপুবিহা আপনিকো সিপাইবিহিং জমা জোমসা কাবিকো তোইতা হমলা জোমি নিনা!”7আকো সোতা য়হোশু আসা আকো তাংসা লুইসুওয়া দিংঙাবি, হানিরোমা এনতাপা লুইসুওয়া পারাবিপারাং গিলগালতা হোয়ে।8পরমপ্রভুহা য়হোশুহিংয়া জাংয়ে, “আবিহিংপা মাচ্ছুংগ্যই, কা নাতিহিংয়া জিয়োপাপুনতেয়ো। আবিহা হাংসুরে নাকো বিরোধতা জামক্যইরোওয়া।”9য়হোশু আসা আকো সিপাইবিহা লিসুং-পুসুং তেইপুমসা গিলগালসোহা গিবোনতা দেকায়ে আসা এমোরিবিকো তোইতা একবিরি আক্রমন জোয়ে।10এমোরিবিহা ইস্রাইলকো সিপাইবিকো নাগাইতাহা প্রভুসেংজাকোসো চুসুংপুমসা ফিপুয়ে। ইস্রাইলিবিহা আবিহিংয়া গিবোনতা পোঙাপাপুয়ে আসা বেথ-হোরোনকো লাগাকো ন্যাতাসো লেতা ঘিমসা পুরায়ে আসা ম্যাম্যা কাটুতা আজেকা আসা মক্কেদা চোইপা হমলা জোমসা ঘীপুয়ে।11ইস্রাইলিবিকোসো আবিহা ক্যাপুমসা বেথ-হোরোনকো লেতা উইদুতা থুইপুমসা হ্যানুওয়া পরমপ্রভুহা আবিহিংয়া আজেকা চোইপারাং টেরবো টেরবো ঝেসে হুইপামসা টোচপাপুইয়ে। ইস্রাইলিবিকোসোরোমাহা ঝেসে টোচপুওয়াসো আবিহা সিওপা সিপুয়ে।12পরমপ্রভুহা ইস্রাইলিবিহিং জিয়োকো পিচানুকো দিনতাহা য়হোশুহা পরমপ্রভুহিংপা য়্যইসুয়ে। ইস্রাইলিবিকো নাগাইতা আকুহা জাংয়ে, “ও সিনি, নাতিহা গিবোনকো তোইতা, ও তারি, নাতিহা অয়্য়ালোন ওয়াংবোইকো তোইতা, কেমসা য়ুং!”13ইস্রাইল জ্যাবি আপনিকো দুসমানহিং মিজিয়োনু চোইপা সানিহা কেমসা য়ুংয়ে আসা তারিরে কেয়ে। ইহা য়াসার কো হিগাতা লামি নিও। সানিহা ডিংবাকো প্যাকোতা কেমসা য়ুংয়ে আসা তারিহা মাত্যইতো।14আকো নোইতা আসা নাগাইতা হাত্রংরে এপাজিংওয়া দিনবিহা মাজিংয়াতো, হাত্রং পরমপ্রভুহা দিংঙাকো নুওয়াং মানেমি নিমমে, আত্রংহা আকুহা ইস্রাইলকো কাটুতা জিংমসা লুইসুয়ে!15আকো নোইতা য়হোশু আসা আকো সিপাইবিহা আপনিকো য়ুংওয়া গিলগালতা লারেমসা লেয়ে।16আকো ঙাচো এমোরি জাইপুবিহা ক্যাপুমসা মক্কেদাকো লেতা উইদুতা গুংয়ায়ে।17লেরাবিহা আবিহিংয়া তিংয়ে আসা আবিহা হাংতা গুংদিংমমে আকুহা য়হোশুহিং জাংপুয়ে।18য়হোশুহা জাংয়ে, “হোরোংবাকো নোদু হোংব্যইতা টেরবো টেরবো লুংটুইবি মেইপুই। আসা আউতা কুইকো দিংঙাবি এহ।19আদো নাবি আপনিবিহা আকো নাপোতা মোহো। দুসমানবিকো নুনুই হুই আসা নোইসো আবিহিং আক্রমন জো। আবিহিং আপনিকো শহর চোইপা দেকাকো মাপিচা! পরমপ্রভু নাবিকো সেংজাহা আবিহিংয়া নাবিকো খুইতা ত্যইপুনতেয়ো।”20য়হোশু আসা ইস্রাইলকো দিংঙাবিহা সিওচে দুসমনবিহিংয়া স্যাপুয়ে, আদো হাসে ইচো দিংঙাবি মাসি আবিহা পার্কাসো য়োইওয়া নিওয়া আপনিকো শহরতা গুংচা মুংয়ে।21আকো নোইতাহা য়হোশুকো তাংসা দিংঙাবিহা এনতাপা মক্কেদা য়হোশুকো য়ুংওয়াতা লায়োংয়ে।
ইস্রাইলিবিকো বিরোধতা আকু দেশকো হাংসুরে হাইরে জাংকোরাং মাছুতো।22য়হোশুহা জাংয়ে, “হোরোংবাকো নামু ওয়েমসা আকু ঙাচো জাইপুবিহিংয়া কুংতা পারা।”23হোরোংবা তুংওয়া লুংটুইবি ওয়েংপামসা য়রুশালেম, হেব্রোন, য়র্মুত, লাকিশ আসা এগ্লোনকো জাইপুবিহিংয়া বাইরে পারায়ে।24আকো নোইতাহা য়হোশুকোতা পারায়ে। আত্রংহা য়হোশুহা ইস্রাইলকো তাংসা লুইসুকো ম্যারাইওয়া মাটা দিংঙাবিহিংয়া আপনিকোতা মোউয়ে আসা আবিহিংয়া জাইপুবিকো ঙেটোংতা কোকোইসো হুইদ্যাপায়ে। আসা আবিহা এপারাং হুইদ্যাসুয়ে।25আত্রংহা য়হোশুহা আপনিকোতা ওয়াংওয়া দিংঙাবিহিং জাংয়ে, “মাচ্ছুংগে, আসা লোচোপেংগেংপা মাজিংগ্যই। সাহস জো আসা ভরসা এহ, হাংপাতানাহা নাবিকো তাংসা দুসমানবিহিংয়া প্রভুসেংজাহা এপারাং জোরোওয়া।”26আকো নোইতাহা য়হোশুহা আকু জাইপুবিহিং স্যামসা ঙাতেং সিংতেংতা থ্যইপুয়ে। আউতা আবিকো সিপুওয়া জুপাহা জিরুং চোইপা থ্যহপোইপুয়ে।27সানি হুইপুনুওয়া আবিকো সিপুওয়া জুপাহিংয়া সিংতেংসো ধুইকো য়হোশুহা আজ্ঞা জোয়ে। আকো নোইতাহা আবিকো গুংওয়া হোরোংবাতারাং বাডোইপায়ে। আসা আকু হোরোংবাকো নামুতাহা টারবো টারবো লুংটুইবিসো মেইপুয়ে আসা আকু লুংটুইবিহা হিনি চোইপা আউতারাং নিও।28আত্রংকো দিনহা য়হোশুহা হামলা জোমসা মক্কেদা আসা আকো জাইপুহিং কব্জা জোপুইয়ে। শহরতা নিওয়া তাংসাহিং আকুহা স্যাপুয়ে, হাংসুহিংনে ঙাজ্যইং মেয়েতো। আকুহা য়রিহোকো জাইপুহিং জোমি ত্যাবাপা মক্কেদাকো জাইপুহিংনে জোয়ে।29আকো নোইতাহা য়হোশু আসা আকো লুইসুওয়া দিংঙাবিহা মক্কদাসোহা লিব্না হোয়ে আসা আকুহিং আক্রমন জোয়ে।30পরমপ্রভুহা আকু শহর আসা আকো জাইপুকো তোইতারে ইস্রাইলিবিহিং জিয়োকো পিচায়ে। আবিহা হাংসুহিংনে ম্যাল্যাতো আসা আউতা নিওয়া তাংসাহিং স্যাপুয়ে।31আকো নোইতাহা য়হোশু আসা আকো লুইসুওয়া দিংঙাবিহা লিব্নাসোহা লাকিশতা হোয়ে আসা আকুহিং য়োইসুমসা আক্রমন জোয়ে।32লুইসুমসা সানিহয়ুতা পরমপ্রভুহা ইস্রাইলিবিকো খুইতা লাকিশ লোইহিং পিচায়ে। লিব্নাতা ত্যাবাপা আবিহা হাংসুহিংনে ম্যাল্যাতো, আদো শহরতারে তাংসাহিং স্যাপুয়ে।33গেজেরকো জাইপু হোরামহা লাকিশহিং য়ুজ্রুকো লেয়ে, আদো আকু আসা আকো সিপাইহিংয়া য়হোশুহা পোঙাপাপুয়ে আসা হাংসুহিংনে ম্যাল্যাতো।34আকো নোইতা য়হোশু আসা আকো লুইসুওয়া দিংঙাবিহা লাকিশসোহা এগ্লোন হোয়ে, আকুহিংয়া হুরাপা য়োইসুমসা আক্রমন জোয়ে।35আত্রংকো দিনরাং আবিহা আকু শহরহিংয়া আপনিকো খুইতা লাংয়ে আসা লাকিশতা জোমি ত্যাপাবা আকো তাংসা দিংঙাবিহিংয়া স্যাপুয়ে।36আকো নোইতা য়হোশু আসা আকো লুইসুওয়া দিংঙাবিহা এগ্লোনসোহা য়ুতা য়্যাগ্যই কাটুতা হোপুয়ে আসা হেব্রোনতা চোইয়ায়ে। আকো নোইতাহা আকুহিং আক্রমন জোমসা কব্জা জোপুয়ে।37আবিহা হেব্রোনকো জাইপু, প্রজা আসা দোসরা আবেই আবেইকো দিংঙাবিহিংনে স্যাপুয়ে। হেপা এগ্লোনহিং জোমমে, এপারাং হেব্রোনকো শহরবিহিংনে বিনাশ জোকো য়হোশুহা আজ্ঞা জোয়ে। আউতা নিওয়া হাংসুহিংনে ঙাজ্যইং ম্যাল্যাতো।38আকো নোইতাহা য়হোশু আসা আকো লুইসুওয়া দিংঙাবিহা দবিরতা হোয়ে আসা আকুহিং আক্রমন জোয়ে।39আকো জাইপু আসা আকু লোই আসা আউতা আবেই আবেইতা নিওয়া তাংসা শহরবিহিংনে আবিহা কব্জা জোয়ে। আউতা নিওয়া তাংসা দিংঙাবিহিং আবিহা স্যাপুয়ে। হেপা হেব্রোন, লিব্না আসা আকো জাইপুবিহিং জোমমে, এপারাং য়হোশুহা দবির আসা আকো জাইপুহিংনে জোয়ে।40য়হোশুহা তাংসা দেশবিহিং আপনিকো অধিকারতা লাংয়ে। আকুহা য়্যাগ্যইকো দেশ, নু্ব্যা কাটুকো বিবিইক্যইওয়া মোংটো আসা দিব্যা য়্যাগ্যইকো ডেবেতা নিওয়া আসা ম্যাম্যা কাটুকো সেক্কোউওয়া জায়গাকো জাইপুবিহিংনে জিয়োয়ে। আকুহা হাংসুহিংনে ম্যাল্যাতো, তাংসাহিং স্যাপুয়ে। পরমপ্রভু ইস্রাইলকো সেংজাহা আকুরাং আজ্ঞা জোমি নিমগা।41য়হোশুহা কাদেশ-বর্নসোহা গাজা চোইপা আসা গোসেনসোহা গিবোন চোইপাকো তাংসা জায়গাহিং দাংপাপুয়ে।42ইকোইতারাং য়হোশুহা আকু তাংসা জাইপু আসা আকো দেশবি আপনিকো আধিকারতা লাংচপুয়ে, হাংপাতানাহা পরমপ্রভু ইস্রাইলকো সেংজাহা আবিকো কাটু জিংমসা লুইসুদিংয়ো।43আকো নোইতাহা য়হোশু আসা আকো তাংসা লুইসুওয়া দিংঙাবিহা গিলগালতা লায়োংপুয়ে।
ইস্রাইলিবিকো বিরোধতা আকু দেশকো হাংসুরে হাইরে জাংকোরাং মাছুতো।22য়হোশুহা জাংয়ে, “হোরোংবাকো নামু ওয়েমসা আকু ঙাচো জাইপুবিহিংয়া কুংতা পারা।”23হোরোংবা তুংওয়া লুংটুইবি ওয়েংপামসা য়রুশালেম, হেব্রোন, য়র্মুত, লাকিশ আসা এগ্লোনকো জাইপুবিহিংয়া বাইরে পারায়ে।24আকো নোইতাহা য়হোশুকোতা পারায়ে। আত্রংহা য়হোশুহা ইস্রাইলকো তাংসা লুইসুকো ম্যারাইওয়া মাটা দিংঙাবিহিংয়া আপনিকোতা মোউয়ে আসা আবিহিংয়া জাইপুবিকো ঙেটোংতা কোকোইসো হুইদ্যাপায়ে। আসা আবিহা এপারাং হুইদ্যাসুয়ে।25আত্রংহা য়হোশুহা আপনিকোতা ওয়াংওয়া দিংঙাবিহিং জাংয়ে, “মাচ্ছুংগে, আসা লোচোপেংগেংপা মাজিংগ্যই। সাহস জো আসা ভরসা এহ, হাংপাতানাহা নাবিকো তাংসা দুসমানবিহিংয়া প্রভুসেংজাহা এপারাং জোরোওয়া।”26আকো নোইতাহা য়হোশুহা আকু জাইপুবিহিং স্যামসা ঙাতেং সিংতেংতা থ্যইপুয়ে। আউতা আবিকো সিপুওয়া জুপাহা জিরুং চোইপা থ্যহপোইপুয়ে।27সানি হুইপুনুওয়া আবিকো সিপুওয়া জুপাহিংয়া সিংতেংসো ধুইকো য়হোশুহা আজ্ঞা জোয়ে। আকো নোইতাহা আবিকো গুংওয়া হোরোংবাতারাং বাডোইপায়ে। আসা আকু হোরোংবাকো নামুতাহা টারবো টারবো লুংটুইবিসো মেইপুয়ে আসা আকু লুংটুইবিহা হিনি চোইপা আউতারাং নিও।28আত্রংকো দিনহা য়হোশুহা হামলা জোমসা মক্কেদা আসা আকো জাইপুহিং কব্জা জোপুইয়ে। শহরতা নিওয়া তাংসাহিং আকুহা স্যাপুয়ে, হাংসুহিংনে ঙাজ্যইং মেয়েতো। আকুহা য়রিহোকো জাইপুহিং জোমি ত্যাবাপা মক্কেদাকো জাইপুহিংনে জোয়ে।29আকো নোইতাহা য়হোশু আসা আকো লুইসুওয়া দিংঙাবিহা মক্কদাসোহা লিব্না হোয়ে আসা আকুহিং আক্রমন জোয়ে।30পরমপ্রভুহা আকু শহর আসা আকো জাইপুকো তোইতারে ইস্রাইলিবিহিং জিয়োকো পিচায়ে। আবিহা হাংসুহিংনে ম্যাল্যাতো আসা আউতা নিওয়া তাংসাহিং স্যাপুয়ে।31আকো নোইতাহা য়হোশু আসা আকো লুইসুওয়া দিংঙাবিহা লিব্নাসোহা লাকিশতা হোয়ে আসা আকুহিং য়োইসুমসা আক্রমন জোয়ে।32লুইসুমসা সানিহয়ুতা পরমপ্রভুহা ইস্রাইলিবিকো খুইতা লাকিশ লোইহিং পিচায়ে। লিব্নাতা ত্যাবাপা আবিহা হাংসুহিংনে ম্যাল্যাতো, আদো শহরতারে তাংসাহিং স্যাপুয়ে।33গেজেরকো জাইপু হোরামহা লাকিশহিং য়ুজ্রুকো লেয়ে, আদো আকু আসা আকো সিপাইহিংয়া য়হোশুহা পোঙাপাপুয়ে আসা হাংসুহিংনে ম্যাল্যাতো।34আকো নোইতা য়হোশু আসা আকো লুইসুওয়া দিংঙাবিহা লাকিশসোহা এগ্লোন হোয়ে, আকুহিংয়া হুরাপা য়োইসুমসা আক্রমন জোয়ে।35আত্রংকো দিনরাং আবিহা আকু শহরহিংয়া আপনিকো খুইতা লাংয়ে আসা লাকিশতা জোমি ত্যাপাবা আকো তাংসা দিংঙাবিহিংয়া স্যাপুয়ে।36আকো নোইতা য়হোশু আসা আকো লুইসুওয়া দিংঙাবিহা এগ্লোনসোহা য়ুতা য়্যাগ্যই কাটুতা হোপুয়ে আসা হেব্রোনতা চোইয়ায়ে। আকো নোইতাহা আকুহিং আক্রমন জোমসা কব্জা জোপুয়ে।37আবিহা হেব্রোনকো জাইপু, প্রজা আসা দোসরা আবেই আবেইকো দিংঙাবিহিংনে স্যাপুয়ে। হেপা এগ্লোনহিং জোমমে, এপারাং হেব্রোনকো শহরবিহিংনে বিনাশ জোকো য়হোশুহা আজ্ঞা জোয়ে। আউতা নিওয়া হাংসুহিংনে ঙাজ্যইং ম্যাল্যাতো।38আকো নোইতাহা য়হোশু আসা আকো লুইসুওয়া দিংঙাবিহা দবিরতা হোয়ে আসা আকুহিং আক্রমন জোয়ে।39আকো জাইপু আসা আকু লোই আসা আউতা আবেই আবেইতা নিওয়া তাংসা শহরবিহিংনে আবিহা কব্জা জোয়ে। আউতা নিওয়া তাংসা দিংঙাবিহিং আবিহা স্যাপুয়ে। হেপা হেব্রোন, লিব্না আসা আকো জাইপুবিহিং জোমমে, এপারাং য়হোশুহা দবির আসা আকো জাইপুহিংনে জোয়ে।40য়হোশুহা তাংসা দেশবিহিং আপনিকো অধিকারতা লাংয়ে। আকুহা য়্যাগ্যইকো দেশ, নু্ব্যা কাটুকো বিবিইক্যইওয়া মোংটো আসা দিব্যা য়্যাগ্যইকো ডেবেতা নিওয়া আসা ম্যাম্যা কাটুকো সেক্কোউওয়া জায়গাকো জাইপুবিহিংনে জিয়োয়ে। আকুহা হাংসুহিংনে ম্যাল্যাতো, তাংসাহিং স্যাপুয়ে। পরমপ্রভু ইস্রাইলকো সেংজাহা আকুরাং আজ্ঞা জোমি নিমগা।41য়হোশুহা কাদেশ-বর্নসোহা গাজা চোইপা আসা গোসেনসোহা গিবোন চোইপাকো তাংসা জায়গাহিং দাংপাপুয়ে।42ইকোইতারাং য়হোশুহা আকু তাংসা জাইপু আসা আকো দেশবি আপনিকো আধিকারতা লাংচপুয়ে, হাংপাতানাহা পরমপ্রভু ইস্রাইলকো সেংজাহা আবিকো কাটু জিংমসা লুইসুদিংয়ো।43আকো নোইতাহা য়হোশু আসা আকো তাংসা লুইসুওয়া দিংঙাবিহা গিলগালতা লায়োংপুয়ে।
The Seed Company