Same21tte_owb
1O Yeoba, kin iyaliyaya kaiwena kaiwe kuwolena, iwui me ana yaliyaya kaiwena sagu kuwolena ana kaleya koina.2Tawae katena mena inuwanuwatui kuwolenako, sopana ana kawanoi nige kununuwai.3Mulolo lalakina ukwalaiyama koina na pwaopwaom gole kupei kulakulana mena.4Ikawanoi yawasina kana gite-kalatan kaiwena kabo ana kawanoiwa kuwolena, yawasina kana sauga imamalawesosi.5Ana wasawasa ilalaki am sagune koina yo esana wasana ilalaki kuwolena.6Am mulolo koina simiyayai yo am miya salina mena yaliyaya katena iloyapowon.7Kin Yeoba Tomiyasaesosi imeliyan kabo ana mulolo miyamiya yaina kaiwena itolo-kaiwe sauga meuloina.8Kin kana tokaleyayao meuloili yo besiele siya analiyao sikalomagigilan kani ikabi-kalatagili.9Tem saugana iyawatagili kani isibayanaeli besiele mayau kalapulupululuna kalona mena siwedoli. Yeoba kani isinolili ana munamunai koina yo mayaune igabu wolili.10Natuliyao yo tubuliyao kani nige yabo meyawasili, kin kani meuloili iyemwawasili.11Kani ali loina sipaisowaili na sinuwanuwatu tem siunui na iyamo kani nige iyayawatagili besiele ali nuwatune.12Kani ana gipoyo imomosi na iulan kolili kabo sitagelakeile na siyabubu.13O Yeoba, kani katobalanagiwo yo wali kawaliyagili koliwo am kaiwe lalakina kaiwena.