1Natugu, tem yagu walo kubenalagili yo kunuwatu-kalatagili,2yo tenam kuyawali sonoga koina yo katem kutalamwan katai kana nuwamayale koina,3yo tem nuwatu dudududulaina kana nuwamayale kuyoga kaiwe kaiwena,4yo tem kuloyai besiele tomo gogo wasawasa yo siliba wadawadamna siloyaloyai,5ee kabo kani Yeoba kana matausi kunuwa-mayaleyan, Yaubada kana katai kani kulobai.6Kaiwena Yeoba sonoga iyauyauya, iya gamwana koina katai yo nuwamayale siyawatagilima.7Ana sagu kaleya kaiwena iyaele ikabikabi-kalatan nimana koina tomo dudulaili kaiweli, siya ali lokeikeile idudulaisosi igite-kalatagili tabu sisisilae,8todudulai ali kamwasa igitagitai, siya simeli koina nige kaba kausi imiyamiya ali kamwasa koina.9Tem yagu walo kubenalan kabo ukwatai tawae namwanamwana yo tawae kapwakapwana yo tawae idudulai kabo ukwatai toisabo kamwasa koina kulalau.10Kaiwena sonoga kani katem mena ilusae yo katai kani iyamala yaluyaluwam ana kaba yaliyaya.11Am katai yo am nuwamayale kani sisaguiwo yo sigite-kalatagiwo.12Sonoga kani ileboiwo tomo naenaeli mumugali kolili, siya ali walo meuloili kolili mwakota sikalapowon.13Siya kamwasa dudulaina silogabaenako yo silolokeikeile kamwasa boniboniyaili kolili,14mumugana naenaena ali kaba yaliyaya,15mwakota sikalapowon kabo nige sowasowana ala meli tapei kolili.16Sonoga kani ileboiwo sine ganaganawalina koina, iya ana walo luviluvisosili kolili itonan tem isipwaiwo,17sinene wainena yawasosi beyabeyana ilogabaenako, waloyameline iwalowen Yaubada manna mena ali kasole koina isibayanaeyako.18Tem sinene iwoyaiwo ana nume koina kani kuboita yo yaluyaluwam ikwalalele molosi.19Meuloili siya silau ana nume koina sikwalaleleko, nige yabo sowasowana ipileyoi na yawasi kana kamwasa ilobai.20Tem yagu walo kubenalan kabo todudulai ali kamwasa koina kani kulau sauga meuloina.21Kaiwena siya mumugana namwanamwana simulimuliya kani simiya namwanamwa ali yanuwa koina, yo nige kawa-naenae yabo silolobai.22Na Yaubada kani tonaenaeli meuloili ikele-gabaegili ali yanuwa mena silowasi.