1Uwwai ili i na A̱sulazuva a dammai Isra'ila:<< 'Yon vu 'ya̱wa̱ na adanshi a̱ va̱ eleme a nsasan,lyawa agaɗi a uwwa ili i na vaa damma.>>2Uwwai a̱ ɗu nsasan ili i na A̱sulazuva a yuwusan adanshi a aci a̱ ɗu,poloi atsuvu a̱ ɗu nkyun mu uvaɗi.Adama a na A̱sulazuva a̱ ta̱ na adanshi a aci a ama a̱ yi,u ta karishi Isra'ila ana.3<<Ama a̱ va̱, nye i ɗa n yuwaan nɗu?Cine tsa ɗa n damaton nɗu?Usu numu!4A̱mu ɗa mu uta̱a̱ nɗu a̱tsuma̱ e iɗa ya Masarreve n wawa ɗu diga e iɗa i tsugbashi.A̱mu ɗa n lyunguyi Musa na̱ Haruna na̱ Maryamu o rono ɗu aaɗanga.5Ama a̱ va̱, cuwainili i na Mogono Balak ma Mowa mo foɓoini ili i na Balam mawun ma Beyo ma̱ usu niyi.Cuwain na̱ mmalu n ɗu diga Shitim a̱ tyo Gilga,adama i reve nu ulinga wa̱ a̱ɓula̱ wa̱ A̱sulazuva.>>
Ili i na A̱sulazuva a cigai
6Na̱ nye ma̱ ta̱wa̱ a̱ ma̱ka̱ka̱n ma A̱sulazuvan yuwan a̱ga̱nda̱ a̱ ma̱ka̱ka̱n ma̱ A̱sula̱ a gbain?N ta̱ ta̱wa̱ a̱ ma̱ka̱ka̱n ma̱ yi na̱ kucci vu ukula̱tosu u ma̱dindim ma aa'wan a̱ ta̱?7Ko A̱sulazuva a ta uwwa uyo'owa̱ a̱giri'i ukpakukupa kupa va̱ a̱bunda̱,na̱ ɗolu mani'in ma̱ zetun ɗa?Ko n ta ca mawun mo ufaru ma̱ va̱kucci vu unusu u va̱,ko mpasa n va̱adama o unusu u wuma u va̱?8O'o vaɗilima̱,A̱sulazuva o roco wu ta̱ ɗeili i na i ri ulobonu.Gogo ili i na A̱sulazuva a cigai ya̱'a̱ wu,a̱yi ɗa vu yuwan mejege,a̱vu vu ciga mayan me iliyali,vu ka̱ɗa̱to vu yuwan mmalu na̱ A̱sula̱ a̱ wu.
Unusu wa Isra'ila nu uge'etosu wa̱ yi
9Poloi atsuvu!A̱sulazuva a̱ ta̱ ɗewuva ama a̱ Urishelima.Ugbozu ɗa lon a uwwa wovon wa̱ A̱sulazuva!Uwwai a̱ ɗu ugundooɓolo ni iɓolo ilyuci'i!10Ko n ta̱ e icina nu utsuruu na a̱ tsura̱i o ure wi iwuyao u'wa u vuma vi iwuya?Ko n ta̱ e icina na̱ makundatsuma na a da̱da̱'wain?11Ko me ge'eto vumana ri na̱ makundatsu me epen,na̱ buhu yipalishi shi?12A̱za̱ o utsuru a̱ lyuci ɗu,aza a na e le'eshe alambi a ɗa.Aza a na a̱ ri pe na̱ nden a̱ lyuci'ia̱za̱ epen a ɗa suru.13Adama o ndolo, n ta amaton ɗu,n ta̱ ka̱mba̱to ɗu okongo adama a̱ nusu ɗu.14I ta lyuwa, agba ya̱ cuwa̱n shi,a̱a̱tsuma̱ a̱ ɗu a̱ ta̱ da̱na̱ o upunda̱ra̱sa̱adama a ambulu.I to ɓoloto wi ili,agba ya gura zuwa ili shi,ili i ke'en i na i zuwai waru,n ta̱ lungusa̱ le a̱tsuma̱ o uvon.15I ta̱ cu'wa̱n,agba ya yuwan ugasa shi.I ta pisha mani'in ma̱ zetun,agba ya yuwan ulinga na̱ mani'in ma̱ yi shi.I ta pisha matsun ina̱bi,agba yo sowo masayan ma̱ yi shi.16Adama a na i toni ta̱ re vama va Omri,na̱ linga vu u'wa wa Ahabu suru,reve i yuwan ulinga na̱ a̱sa̱la̱ e iwuya i le.Adama o ndolo, n ta̱ ka̱mba̱to ɗu okongo,waru a ama a̱ wu o'wo ili macuru.Ne ɗa, a̱ ɗu ama a̱ va̱,a 'yuwan na a cuwa ɗu uba̱ta̱ suru.>>