Nzabisili7
Nzambi miisa iliimbu mu basalili ba nde
1Humbisa a mambu mo maana, me amoni bapofi bana baateleme mu matsoso mamana ma toto. Bo baaba baakaanga bifula bi bina bya toto, mana ifula tso imosi hivelefula ŋa toto, tso mu mubu, tso ŋa yulu miti.2Na me amoni pofi mukima, wu akamata hu tsyelo yi taangu yibaapala, na wu aba akaanga isiha hi Nzambi a moonyi ubaakuma biliimbu. Nde afulihi mu mifudi huli bapofi babana ba baayaki lituma li ubiiyasa toto na mubu.3«A libiiyasa toto ve, tso mubu, tso miti, tswamina bisu likuma iliimbu mu biinzi bi basalili ba Nzambi a bisu.»4Na baayabisi me litangu la ba baasili iliimbu hya Nzambi: biveeve kama maku mana na bina bya baatu (144 000) hi bibandu byosi bya baana ba Isereli:5biveeve kuumi na byole (12 000) bi ibaandu hya Yuda, biveeve kuumi na byole (12 000) bi ibaandu hya Rubeni, biveeve kuumi na byole (12 000) bi ibaandu hya Ngade,6biveeve kuumi na byole (12 000) bi ibaandu hya Aseeri, biveeve kuumi na byole (12 000) bi ibaandu hya Nefetali, biveeve kuumi na byole (12 000) bi ibaandu hya Manase,7biveeve kuumi na byole (12 000) bi ibaandu hya Simeyoni, biveeve kuumi na byole (12 000) bi ibaandu hya Leevi, biveeve kuumi na byole (12 000) bi ibaandu hya Isakaari,8biveeve kuumi na byole (12 000) bi ibaandu hya Zabuloni, biveeve kuumi na byole (12 000) bi ibaandu hya Yosefi, biveeve kuumi na byole (12 000) bi ibaandu hya Benyamini.Koonge yinene ŋa busu bwa kiti-ipfumu
9Humbisa a mambu mo maana, me amoni koonge yinene ya baatu, baa muutu tso mumosi huveletwala utaanga. Aba baatu ba matsi moosi, baa bibandu byosi, baa mabuli moosi, na baa mandaha moosi. Bo baaba ŋa busu bwa kiti-ipfumu na ŋa busu bwa Mwana Limeme. Bo baaba baalwata bikuutu bi bifuuka, na mangemvu mu myoho.10Bo baakafulaha mu mifudi: «Liyobolo lili mu umata huli Nzambi a bisu, wu li mu utuma ŋa kiti-ipfumu, na huli Mwana Limeme!»11Bapofi boosi baaba baadiinga kiti-ipfumu, baadiinga mikukunyungu na bivaangu bya moonyi bibina. Bo baatsokihi biinzi mu toto, ŋa busu bwa kiti-ipfumu na bo baakuundi Nzambi12na ubaaleele:«Amen! Eye, nyimbu, muyusu,dyeele, pfutili matondo,likiinzu, matwala na mifudibili bya Nzambi a bisu mu bilima na bilima!Amen!»13Buuna, mumosi mu mikukunyungu afuuli me: «Baatu mo ba baalwata bikutu bi bifuuka, bo baana bali, na bo huni bamiimata?»14Me apfutili nde: «pfumu a me, we ni wu yaabi.» Buuna nde aleeli me «Bo ni ba baakuundi mbingisili yi nono. Bo baaswahi miroopo mya bo, na baafuukisi myo mu makila ma Mwana Limeme.15Ni mu buuna, bo bamiiteleme ŋa busu bwa kiti-ipfumu hya Nzambi. Bo bali mu ukunda nde butsuhu na nyangu mutso a nzo a nde. Wuuna wu atsahala ŋa kiti-ipfumu sa akeelese bo.16Bo a bubwemono nzala tso peyu a mamba ve. Tso nyangu, tso ibabudu hi inono a byubwenyengese bo ve.17Mu tooni ati, Mwana Limeme wu li ŋa butima bwa kiti-ipfumu, uba mukeelisi mameme na ubita mo hu mitswe mi banzali baa mamba ma mu baava moonyi. Na Nzambi ukombolo matsanga moosi ma miisu ma bo.»Wycliffe Bible Translators, Inc.