Nzabisili4
Pfumu ŋa yulu a kiti-ipfumu
1Humbisa a maana, me amoni munywa a nzo hu yulu wu aba bwasi.Ndaha yi me anzuhi tsomi mu utoyo na me, yi yaakayuhana we kulambeete, yaaleeli me: «Vaata ŋa, na me umweese we mambu ma muuya hu busu.»2Mu mawasa, Livupu laakaangi me. Me amoni hu yulu, hwaba na kiti-ipfumu. Ŋa yulu a yo, muutu mumosi aba atsahala.3Muutu mo akamwedeme we mamanya ma talu ma bubaateele yazape na saredwane. Muhyama aba adiinga kiti-ipfumu. Muhyama mo akamwedeme we manya la talu li bubaateele emeroode.4Makiti ma ipfumu maku mole mana makima, maaba maadiinga kiti-ipfumu mo. Ŋa yulu a mo, hwaba hwatsahala mikukunyungu maku mole mina. Myo myaba myalwata bikutu bi bifuuka na mitata mya wolo.5Mu kiti-ipfumu mo yiina, hwakapala mivedi-a-vedi, kele yi mandaha na banzyedi. Ŋa busu bwa kiti-ipfumu mo yiina, minyangi tsambu myakalulaha. Myo ni mavupu tsambu ma Nzambi.6Ŋa busu bwa kiti-ipfumu mo yiina, hwaba na isiha we mubu wu akamonehele yanga-yanga, yalalaa we mulingu.
Ŋa butima, hwaba na bivaangu bina bya moonyi bi byakadiinga kiti-ipfumu mo yiina. Bivaangu mo biina byaba na miisu hu busu na hu mbisa.7Ivangu hya moonyi hyatsomi hyaba we kosi, hya byole hyaba we mwaana a ngombe, hi bitatu hyaba na hiinzi we hya muutu, na ivangu hi muna hyaba we ngo-nyunyi wu li mu udumaha.8Pasi ivangu hya moonyi mu bibina mo biina, hyaba na mapapi masamunu. Miisu ma malahi maaba maafuungala mapapi mo maana, hu yulu na hu tsina. Butsuhu na nyangu, bivaangu mo biina a bili mu ukolo uyimba bunuubu ve:«Wa Ngidi, Wa Ngidi, Wa Ngidi,ni Pfumu Nzambi, Pungu Matwala,wu aba, wu li na wu li mu uya.»9Tangu yoosi yi bivaangu bya moonyi bibina bili mu uva muyusu, mu ukuunda, na mu ufutala matondo huli wu atsahala ŋa kiti-ipfumu, wu li moonyi mu bilima na bilima,10mikukunyungu maku mole mina myakongimini ŋa busu bwa wu atsahala ŋa kiti-ipfumu, mu ukuunda wu li moonyi taangu yoosi na ubwaha mitata mya bo ŋa busu bwa kiti-ipfumu. Myo myakaleele:11«Pfumu Nzambi a bisu,we afwana mu uyaka muyusu, butsitu na matwala.Mu tooni ati, we ni wu avanga bisiha byosi,na ni mu litondo la we byo bili na byavangama.»
Wycliffe Bible Translators, Inc.