Mataayi7
A litsundasa muutu ve
1Yisu abweleele: «A litsundasa muutu ve, mana Nzambi uveletsundasa benu.2Mu tooni ati, bu benu libaatsundasa bana, ni buuna kaka Nzambi hutsundasa benu. Hyetso hi benu lili mu usalila, sa basalila hyo kaka mu benu.3Mu hima we ubaatala isyesyele hya hiimbu hi hili mu diisu la mwana a ngu a we, hwavele utsikaha kuunzi li lili mutso a diisu la we?4Buuve, buni we utwala uleele huli mwana a ngu a we: “Nyaha me maasa hiimbu hya mu diisu la we”, bu we mwakulu li na kuunzi mu diisu la we?5We, muutu nga muwala, teehele umaasa kuunzi li lili mu diisu la we, na hu mbisa, we sa mono bubwe mu umaasa hiimbu hi hili mu diisu la mwana a ngu a we.6A liva bisiha bya ngidi huli bamvwa ve, mana bo a bakinguhala na ukaha benu. A libwahila bangulu bisiha bya benu bya talu ve, mana bo a badyata byo.»Woosi wu ubaavondo, ubaayaka
7Yisu abweleele: «Vondwaani, na benu sa liyaka. Sahaani na benu sa lisoolo. Doodwaani, na sa badibula benu munywa a nzo.8Eye, pasi muutu wu ubaavondo, ubaayaka. Pasi muutu wu ubaasaha, ubaasoolo. Na bubaadibula munywa a nzo huli wu ubaadoodo.9Hu li na muutu ŋa hati la benu, wu uva manya huli mwana a nde tso mwana vondi nde lipa?10Buuve, na uva mwana a nde taadi, tso nde vondi nde tswi?11Tso benu ba lili baatu ba babi, liyaabi uva baana ba benu bisiha bi bibwe, tandisini a Taata a benu wu li hu mayulu sa ava bisiha bi bibwe huli ba buuvondo nde byo!12Mambu moosi ma benu libaatondo ti babaasiila benu, benu kaka baasiilaani mo huli baatu bakima, mu tooni ati, mo mali mambu ma mu baalongese Mikele mya Moose na libuuku li Mimbihuli.»Munywa a nzo wu aswekeme
13Yisu abweleele: «Kotwaani mu munywa a nzo wu aswekeme! Mu tooni ati, munywa a nzo wu ataanyuha, na nzila yi yaavele a pasi yibaabita baatu hu ubungana. Na baatu ba balahi bubaavyohele muuna.14Ka nzila yi yibaavyohele mu munywa a nzo wu aswekeme, yili ya pasi. Yo yibaabita baatu hu moonyi. Baatu ndulu hoole bali mu usoolo yo.»Mimbihuli mi mapfuta
15Yisu abweleele: «Kebaani mu mimbihuli mi mapfuta. Bo bubaavolo ifwaani hi mameme mu uya huli benu, ka hu hati a bo, bo bali miinzi mi bukanyi.16Benu sa liyaaba bo mu ndyatili a bo. A bubaakoolo mbutu a vinye mu miti mi matsyende ve, tso mbutu mufiinge mu ifuundi ve.17Muti wu mubwe ubaabuta mbutu yimbwe. Ka muti wu mubi ubaabuta mbutu yimbi.18Muti wu mubwe utwala ubuta mbutu yimbi ve. Ni bumosi kaka, muti wu mubi utwala ubuta mbutu yimbwe ve.19Pasi muti wu uvelebuta mbutu yimbwe, sa bakwanga nde na ubwaha nde hutso a mbaahu.20Buuna, benu sa liyaaba mimbihuli mi mapfuta mu mavaanga ma myo.»Uleele na usa
21Yisu abweleele: «A baatu boosi ba bubaateele me “Pfumu, Pfumu” buukoto hu Ipfumu hi mayulu ve. Ka ndulu bo baana ba bubaasa litondo la Taata a me wu li hu mayulu.22Mu ilumbu hya tsundusu, baatu ba balahi sa baleele: “Pfumu, Pfumu, bisu laabihuli mu nduhi a we. Bisu laabingi matengo mu nduhi a we. Bisu laasiidi bipadi mu nduhi a we”.23Na me tsanzabisa bo: “Bisu a benu huni laaba, matilaani me, benu ba libaavaanga ma mabi!”»Manzo mamoole
24Yisu abweleele: «Ni mu buuna, woosi wu uyuha mambu ma me ndi mu undeele na usalila mo, nde li we muutu nga bungeele, wu atunga nzo a nde ŋa yulu a manya.25Mvula anohi, banzali baaluuli, ifula hyanyingisi nzo, ka yo a yaabwidi ve, mu tooni ati ibeene hya yo hyaba ŋa yulu a manya.26Ka muutu wu ubaayuha mambu ma me na uvelesalila mo, nde afwanina na muutu wu itsuudu, wu atunga nzo a nde ŋa yulu musyeŋunyu.27Mvula anohi, banzali baaluuli, ifula hyanyingisi nzo. Nzo yaabwidi, na yo yaatsamuhi yoosi.»Yisu li mu ulongese na matwala
28Bu Yisu hamani uleele mambu mo maana, baatu boosi baakimuhi mu ndongisili a nde.29Mu tooni ati, nde akalongese na matwala, ka a we milongisi mi Mikele ve.Wycliffe Bible Translators, Inc.