Malako11
1Bu bo baaba bebele na musyenge a Yeruselemi, bebele na mala ma Betefaze na ma Betanya, bo baatoodi hu tsyelo isyelo hi miti mya Olive. Yisu atsindihi boole mu bayihi ba nde na aleeli bo:2«Yenaani hu bula bu buli hu busu bwa benu. Bu benu luukoto mu bwo, benu luumono mwana ibubuuru baakutalala, hi muutu tso mumosi kini a hatsahili ŋa yulu a hyo ve. Nyangulaani hyo na behelaani me hyo.3Tso muutu fuuli benu: “Mu hima benu lili mu uvaanga buuna?” Leelaani nde: “Pfumu bibaayaka na nzala a hyo, ka nde ubwefutala benu hyo ŋaniiŋa, mawasa mo maniima.”»4Bo baayeni na baamoni mwana ibubuuru ŋa mbadi, ŋa lisaandi, baakutalala bebele na idibuhu hi munywa a nzo. Bo baanyaanguli hyo.5Mwana a baatu bakima ba baaba ŋaana, baafuuli bo: «Benu hima lili mu usa? Mu hima benu lili mu unyaangula mwana ibubuuru mo hiniihi?»6Bo baakaali we bu Yisu haaleeli bo. Na baasiingisi bo mu uyene.7Bo baabitili Yisu mwana ibubuuru. Bo baasuusili biyunga bya bo ŋa yulu a hyo. Na Yisu atsahili ŋa yulu a hyo.8Baatu ba balahi baayali biyunga bya bo mu nzila, bakima baasuusi mu nzila mangemvu ma bo baakesi mutso matsyehe.9Ba baakayene busu na ba baakaduukala Yisu, baakafulaha: «Osana ! Nyaha Nzambi asyeme, wu bibaayaka mu uya mu nduhi a Pfumu!10Nyaha Nzambi asyeme Ipfumu hi hili mu uya, Ipfumu hya Davidi, taata a bisu! Osana hu hati mayulu!»11Na Yisu akoti hu Yeruselemi mu nzo a Nzambi. Bu nde haamani utala byosi bi byaba byadiinga nde, nde ayeni hu Betanya na bayihi bakuumi na boole, mu tooni ati, taangu aba yaaka lala.
Mufiinge wu avele bafiinge
12Mu ilumbu hi hyaduukili, mu taangu yi bo baakamata Betanya, nzala yaafwengi Yisu.13Nde atalili mufiinge wu aba na makaya, nde ayatala tso nde akiibaha miluunda. Ka bu nde haayato ŋa pedu mufiinge, nde a haabiisi isiha ve, ndulu makaya, mu tooni ati, yiina a yaaba kuuhu bafiinge ve.14Buuna, Yisu aleeli huli mufiinge: «Nyaha pasi muutu abweveledya miluunda mya we!» Na bayihi ba nde baayuhi ma nde haaleeli.Yisu miibinga banga mumbungu mu nzo a Nzambi
15Bo baatoodi hu Yeruselemi. Yisu akoti mu nzo a Nzambi na abaandihi ubinga ba baakasuumbasa na ba baakasuumba mu nzo a Nzambi. Nde atakuli bametse ma basanzi ba mbongo na bitsiha bi basuumbisi ba mabembe.16Na nde a haakanyaha muutu tso mumosi mu ukesese na pasi isiha mu nzo a Nzambi ve.17Nde akalongese na akaleele bo: «Mabasonehe ma Ngidi mali mu uleele: “Nzo a me sa bateele yo nzo lisambulu yi mabuli moosi”. Ka benu laamiikitusa yo murali a biibi!»18Bakuutu ba bangaanga ba Nzambi na milongisi mi Mikele, baayuhi ma maavyohi, na bo baakasaha buni bo buuduba Yisu. Eye, bo baaba na boomo bwa nde, mu tooni ati, koonge a baatu yoosi yaakimuhi mu ndongisili a nde.19Bu tsitsaha yaatoodi, Yisu na bayihi ba nde baapali mu musyenge.Mufiinge wu akanya: Imiinu na lisambulu
20Ilumbu hi hyaduukili ŋa ngwali, bu bo baakavyoho, bayihi baamoni mufiinge amiikanya natee mu manganzi.21Bu Peetelo haayibuhili moonyi mu ma maavyohi, aleeli Yisu: «Rabi, mono mufiinge wu we asinga, miikanya woosi.»22Yisu aleeli huli bayihi ba nde: «Baani na imiinu mu Nzambi!23Mu mbuli me ndi mu undeele benu: Tso muutu leeli huli isyelo mo hiniihi: “Mata ŋaana na yene yabwa mu mubu”, hwavele usa paha mu mutima a nde, ka siidi imiinu ti bibaayaka nde aleeli luutswiha, buuba buuna mu nde.24Ni mu buuna, me ndeele benu lo: Byosi bi benu luuvondo mu lisambulu, saani hiitu ti benu laamiiyaka byo, na Nzambi uva benu byo.25Ŋa benu libaateleme mu usambila, tso benu lili na tooni na muutu, saani nde kolo-kolo, mana Taata a benu wu bibaayaka hu mayulu asa benu kaka kolo-kolo mu mabi ma benu.26[Ka tso benu a lisiidi bana kolo-kolo ve, Taata a benu wu bibaayaka hu mayulu a huusa benu kaka kolo-kolo mu mabi ma benu ve.»]27Bo baabwefutaha hu musyenge a Yeruselemi. Bu Yisu haakayene na uya mu nzo a Nzambi, bakuutu ba bangaanga ba Nzambi na milongisi mi Mikele na mikukunyungu baayamono nde.28Bo baafuuli nde: «Mu ki matwala we ubaasa mavaanga mo maniima? Na ava we lituma bibaayaka uvaanga mo?»29Yisu akaali bo: «Me upa benu hyuhu ndulu imosi; futalaani me mvutu, mana me ndeele benu mu ki lituma me ndi mu utsa mavaanga mo maniima.30Tondihili a Yowani hu yulu yaamata vo huli baatu? Vaani me mvutu.»31Bo baakakaakana ŋa hati la bo: «Tso bisu a benu likaali ti: “hu yulu yaamata”, nde ufuula bisu a benu: “Mu hima benu laavelisiila Yowani imiinu?”32Ka bisu a benu utwala uleele: “Huli baatu laamata”?» Bo baaba na boomo bwa koonge a baatu, mu tooni ati, boosi baakatsima ti Yowani ni mumbihuli wa mbuli.33Buuna, bo baafutili huli Yisu: «Bisu a liyaabi ve.» Yisu akaali bo: «Me kaka a undeele benu mu ki lituma me ndi mu utsa mavaanga mo maniima ve.»Wycliffe Bible Translators, Inc.