Bahebeleho13
Umweese kinya huli Nzambi
1Kwilalaani hutso litondo li bumwana bu bungu.2A livusahana usalila nzakili yimbwe ya byenyi ve; mu tooni ati, mu nzakili mo yiina, bakima baayaki bapofi hwavele uyaaba.3Yibuhalaani moonyi mu bikondaayi, we benu ba lili bikondaayi na bo. Yibuhalaani moonyi mu ba bali mu unyongese, mu tooni ati, benu kaka lili na nyutu yi buutwala unyongese.4Nyaha pasi muutu abaakiinza makwele, na taangi makwele yivele na tsumihili. Nzambi utsundasa baatu ba bubaadyata hutso bumbembo na ba bubaasalila mayamba.5Nyaha ndyatili a benu yivelesiingama mu toti a mbongo. Siŋanaani ndulu mu bi benu lili na byo. Mu tooni ati, Nzambi nde mwakulu aleele: «Me a utsiisa we ve, na me a umbila utiimba we ve.»6Ni mu buuna, bisu luutwala usilasa na ibahala:«Pfumu ni mukuumbisi a me,me a umba na boomo tso hoole ve!Hima muutu huutwala usa me?»7Yibuhalaani moonyi mu ba baatumi benu, ba baalongisi benu mambu ma Nzambi. Tsimaani mu ndyatili a bo na mu tsukusu idiingu hya bo, na duukalaani imiinu hya bo.8Yisu Kristo li ni nde mumosi, matsiha, lolo yiniiyi, na mu bilima na bilima.9Kebaani udunga mu mandongisili ma maasobohono na ma benu laayaki. Hwafwana mu uhwadisa mutima mu hyese hya Nzambi, ka a mu mikele mi mili mu utala byudya ve. Ba bali mu usalila mikele mo miina, a bali mu ubaha kaluha mu myo ve.10Bangaanga ba Nzambi ba bubaasala hu mbuha ya ngidi, a bali na muswa mu udya bi baayeholo ŋa diiku la tsuhili bungodu ve.11Mukuutu bangaanga ba Nzambi, ubaabehe makila ma bibulu hu mbuha yi yaalutahala bungidi, mu uyeholo mo we bungodu mu linyahula li masumu; ka bubaatsuha nyutu bibulu mo biina hu mbadi itsaka.12Ni mu buuna, Yisu kaka haakwidi hu mbadi musyenge, mana mu makila ma nde mwakulu, nde abyalisa baatu mu isalu hya Nzambi.13Buuna, tswendaani huli nde hu mbadi itsaka, na ukuunda muroko wu nde haakuundi.14Mu tooni ati, ŋa toto ŋaniiŋa, bisu a lili na musyenge wu ubaakwilala ve. Bisu ubaasaha musyenge wu li mu uya.15Nyaha, mu Yisu, bisu a benu libaava muyusu huli Nzambi taangu yoosi we bungodu, mbindulili ni ti: Bungodu bu mikuma bu bibodu bya bisu a benu, bili mu uyuusa nduhi a nde ŋa kuungi la baatu.16A livusahana uvaanga libwe, na ubaakumbasana mu bumwana bu bungu. Mu tooni ati, buuna ni bungodu bu bubaamweese Nzambi kinya.17Siingalaani batumi ba benu, na kulamanaani hu tsina lituma la bo. Mu tooni ati, bo bali mu ukeelese benu taangu yoosi, bu bo baayaaba ti, bo sa bava ikuumbu huli Nzambi. Likumbasaani bo mana bo babaasa isalu hya bo na kinya yoosi, ka a na miyayiini ve. Liina a luuva benu kaluha tso mosi ve.18Sambilaani mu bisu! Bisu lili na hiitu ti mitima mya bisu mili na matsimi ma mabwe, na laamiivolo kesili yi ubaaba na mbiili yimbwe mu pasi dyambu.19Titswene, me pondi huli benu mu usambila bulahi mana Nzambi adibula me nzila, mu ufutaha huli benu mu mawasa.Lisambulu
20Nzambi, wu ubaava hyenze, asuula Pfumu a bisu Yisu ŋa hati la babaakwa. Nde aka keedi a mameme wu munene, mu nzila yi makila ma nde ma mali mu usilasa nzuhisini yi bilima na bilima.21Nyaha Nzambi mo wunuuwu ava benu matwala ma uvaanga moosi ma mabwe, mana benu likuhasa litondo la nde; mana nde avaanga mu bisu ma mu umweese nde kinya, mu itwadi na Yisu Kristo wu akuha mu uyaka muyusu wu bilima na bilima! Amen!Manili muhanda na mabwehe
22Me pondi huli benu baana ba ngu, mu ukama mutima, mu uyuha mambu ma kwadisili maniima. Napa ma me miitsonehe, a mali hwa mo ma mala ve.23Yaabaani ti mwana a ngu a bisu Timoteho banyahula mu kondaayi. Tso nde lengi na yaato, me unzaamono benu itwadi na nde.24Tooselaani mabwehe huli batumi ba benu boosi, na huli bangidi boosi. Baana ba ngu ba hu tsi a Italiya bamiitsindaha benu mabwehe ma bo.25Nyaha hyese hya Nzambi hiba na benu boosi!Wycliffe Bible Translators, Inc.