Ngalatiya5
Kristo li mu uva bunyanga
1Kristo ava bisu bunyanga mana bisu liba bunyanga mu mbuli. Ni mu buuna, hwadaani mu ubwevelefutaha hutso a ikoholo hi buviha.2Yuhaani! Me Pahuli ndi mu undeele benu lo: Tso baketi benu mu uba ba baasungama ŋa busu bwa Nzambi, buuna Kristo a hasaali na tsoongo huli benu ve.3Me ndi mu umbwetsitasa lo siitasa likima, huli pasi muutu wu bali mu ukete: nde afwana ubaasiingala Mikele myosi.4Benu baa libaasaha usungama ŋa miisu ma Nzambi, ndulu mu kuhisili Mikele, benu laamiitahuha na Kristo. Benu lamiipala mu lisyeme la Nzambi.5Ka bisu, baa laasa hiitu hya bisu mu Nzambi, bisu lili mu ukeele mu mutima a bisu woosi. Nde sa asuungaha bisu ŋa busu bwa nde, mu matwala ma Livupu.6Ka, mu Kristo Yisu hya tsoongo, ni imiinu hi hili mu umweese mavaanga mu mukele litondo, ka a mu uba wu baakete, buuve wu baavelekete ve.7Hu mbandili, ndyatili a benu aba yimbwe. Na akubasa benu baku, mu ubwevelesingala imbuli?8Ma bali mu uleele benu mu ubaha benu, a mali mu umata huli Nzambi wu li mu uteele benu ve.9Baatu ba baaleele: «Mwana a levini hoole, libaapfunasa lidaama loosi.»10Ka, mu bungodu bwa Pfumu, me ndi na hiitu mu tooni a benu. Me ndi na imiinu ti benu a lu uba na matsimi ma maasobono na ma me ve. Ka, pasi nde wu li mu udungasa benu, nde sa ayaka tsingili a Nzambi.11Ka mu ma mamiitala me, baana ba ngu, tso me ndi mu undongese ketili, mu ki tooni bali mu ubwetsuta me? Tso ni mu buuna, me undongese maana, musamu lipfu la Yisu ŋa muti, utwala ubwekubasa pasi muutu baku ve.12Ba bali mu ubehe budyabidi ŋa hati la benu, a basuka ndulu mu ukete ve. Bo ni bayene natee mu ukese nyutu a ibahala hya bo!Ukumbasana
13Baana baa ngu, benu lili ba baateele mu uba bunyanga. Ka ndulu, benu a lisalila bunyanga mo buuna, mu ukuhasa mapeyu ma musunya ve. Ka nyahaani mukele litondo atuma benu, mana benu li baasalasana.14Mu tooni ati Mikele myosi mya kuukama mu dyaambu limosi; ni linili: «Tondo muna a we, we we mwakulu.»15Ka tso benu lili mu udyata we bibulu, mu ubaakahasana tso ubaabakasana, buuna benu lafwana ukele: Benu sa limana mu udubasana.Udyata mu tumili Livupu
16Ni mu buuna, me ndi mu undeele bu: Nyahaani Livupu libaatuma idiingu hya benu. Tso lisiidi buuna, benu alubwesingala tso hole, lituma li mapeyu ma musunya ve.17Mu tooni ati musunya na mapeyu ma maakakana na ma Livupu; na Livupu kaka lili mapeyu ma maakakana na ma musunya. Bo baboole bali mu ulwana. Ni mu buuna, benu libaaveletwala usa libwe li benu litondi usa.18Ka tso Livupu lili mu ubita benu, benu a lili hutso a tumili Mikele ve.19Ka mavaanga ma musunya mali ma maamonehele: ni bumbembo, mayamba, mbiili ya yayuhu,20tsalili bifwita, bungaanga, iboho, midiingu, nyengi mu bana, mitsotso, mafufu, kabwili, makabu ma mabuli,21peyu ubaha, kolili malamu, mikungi mi mubaka udya na unywa na mavaanga makima ma pila mo yiina. Me apfwana ubweyibusa benu we bu me mbedi amiitswamina uleele: ba bali mu usa mavaanga mo maana, a bu ukoto mu Ipfumu hya Nzambi ve.22Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini,23bulembo na uyaaba utuma linyutu. Mikele a mili mu ulwanisa mavaanga ma pila mo yiina ve.24Ka boosi ba bali mu Yisu Kristo baamiiduba linyutu la bo li masumu, na mapeyu na manzala ma lo.25Livupu laava bisu moonyi. Buuna, livaani lo bunyanga mana lo lituma ndyatili a bisu.26Bisu a liba banga a nyeme ve. Na lipala mu ipfu hi ubaasongosono. A liba kaka na linyungi benu na benu ve.Wycliffe Bible Translators, Inc.