Kolosaayi1
Mabwehe
1Me Pahuli, wu li iluumbi hya Kristo Yisu mu litondo la Nzambi, itwadi na mwana a ngu a bisu Timoteho.2Bisu lili mu usonehele huli banga imiinu ba bali hu musyenge a Kolosaayi, baana ba ngu ba ngetetee mu Nzambi, mu itwadi hya na Kristo. Nyaha Nzambi Taata a bisu ava benu hyese na hyenze!Lisambulu la pfutili matondo
3Bisu libaafutala matondo tangu yoosi huli Nzambi, Taata a Pfumu a bisu Yisu Kristo, ŋa bisu libaasambila mu benu.4Mu mbuli, bisu laayuha tsangu yi imiinu hya benu mu Kristo Yisu, na litondo li benu lili na lo mu boosi ba bali bangidi.5Benu lili mu usingama mu hiitu hi baamiiswehele benu hu mayulu. Hiitu hi baamayabisa benu, ni dyambu la mbuli, li lili Musamu wu Mubwe, wu atoodi natee huli benu.6Musamu wu Mubwe mo wunuuwu, li mu utsamuha mu tsi yoosi. Nde li mu ubuta mbutu we bu nde hasa mu benu, umata ilumbu hi benu laayuhi baatu yuha latsomi, mu utoyo mu hyese hya Nzambi. Hyese mo hiina, ni hi benu laasoolo mu imbuli hyoosi.7Epafasi, mbaahi a bisu a tsoongo wu isalu wu afulala litondo, ava benu ndongisili mo yiina. Nde li mu usala mu benu we musalili a ngetetee wa Kristo.8Nde ayabisi bisu, ki litondo Livupu la Ngidi laava benu.9Ni mu buuna, umata ilumbu hi bisu laayuhi lo, bisu a laakolo usambila mu benu ve. Bisu lili mu uvondo huli Nzambi, mana nde aluusa benu mu nzaabili yoosi ya bi nde haatondo, na tsiki yoosi, na buyedi bu Livupu.10Buuna, benu luutwala udyata bu hwafwana ŋa busu bwa Pfumu, mana nde abaamono kinya mu pasi vaanga la benu. Benu luukasa mavaanga ma benu moosi mu bukuhu, na benu luukula mu nzaabili a Nzambi.11Sa bahwadisa benu mu matwala ma nde, we bu hu li mifudi mi muyusu a nde, mana benu likuunda moosi na mukami.12Baafutalaani matondo huli Nzambi Taata na kinya yoosi. Nde wu ava benu matwala ma ubaha kabu li mukobe wu nde haswehele bangidi, mu ukwilala hutso liyalala.13Nde ayobolo bisu hu tsina matwala ma piipidi, na abita bisu hutso Ipfumu hya Mwana a nde wu litondo.14Ni mu nde bisu laamiiyoboho mu ma mabi, na masumu ma bisu baamiinyahula.Kristo ŋa mutswe a byosi
15Kristo ni ifwaani hya Nzambi wu baavelemono. Nde ni Mwana watsomi ŋa hati la baatu, na wu alutahala byosi bi Nzambi haavaanga.16Mu tooni ati, ni mu nde Nzambi haavaanga byosi hu mayulu na ŋa toto:Bi bubaamono na bi bubaavelemono,bipfumu bi bili na matwala,banga matwala na banga lituma.Nzambi avaanga byosi mu nde,na mu tooni a nde.17Nde atswamini bisiha byosi, na mu tooni a nde,byosi bi baavaanga byakwelene ŋa mbuha a byo.18Nde ni mutswe a nyutu, yi yili libundu.Nde ni mbandu a moonyi.Nde ni watsomi wu asuuhi ŋa hati la babaakwa,mana nde abaha mbuha yatsomi mu byosi.19Nzambi avoli kesili yi uba nde woosi mu Mwana a nde,20na mu Mwana a nde, Nzambi atondi unongese byosi na nde mwakulu. Ni mu Kristo wu apalisi makila ma nde ŋa kuruwa, Nzambi haasiidi hyenze mu baatu boosi ŋa toto, we hu mayulu.21Benu kaka, benu laaba laatahuha na Nzambi hutsomi, bu benu laaba baboho ba nde mu tooni bubi boosi, bu benu laakatsima na laakavaanga.22Ka bunuubu, mu lipfu li musunya la Mwana a nde, Nzambi miinongese benu na nde. Nde haasiidi buuna, mana benu limonehele baatu bangidi ŋa busu bwa nde, we baatu ba baavele na ipiha na masyembo.23Ni buuna, benu laafwana ukwilala mu imiinu, na uba ba baakangama mu yulu bibeene bi byabama, hwavele utahuha na hiitu hya benu, umata ŋa benu laayuhi Musamu wu Mubwe. Musamu wu Mubwe mo wunuuwu, baayabisi huli byosi bi Nzambi haavaangi, bi bili hu tsina a yulu. Ni me Pahuli, aka musalili.Mukonono a Pahuli mu uhwadisa libundu
24Bunuubu, me ndi na kinya mu mapasi ma me ndi mu umono mu tooni a benu. Mu tooni ati, me ndi mu ukwada mu umono mapasi mu nyutu a me, mana me kumbasa libundu li lili nyutu a Kristo, na umanisala mapasi ma nde moosi.25Me aka musalili a libundu, we bu hu li tumili yi Nzambi hava me mu tooni a benu. Nde atuma me mu uyabisa benu Musamu a Nzambi bu hwafwana.26Musamu mo, ni matswehi ma liyobolo ma nde haaba haaswehe umata beleve, huli baatu ba tsi yoosi. Ka nde amiiyabisa matswehi mo huli buli la nde mu tangu mo yiniiyi.27Mu bubwe bwa nde, Nzambi atondi uyabisa huli mabuli makima moosi, ki pila busina buli mu tswehi a nde yi liyobolo! Tswehi mo ni yiniiyi: Kristo li mu benu, na nde li mu uva benu hiitu hi ubaha kabu mu muyusu a Nzambi.28Ni mu buuna, bisu lili mu uyabisa Kristo huli baatu boosi. Bisu lili mu ukebese na ulongese pasi muutu na tsiki yoosi, mana pasi muutu aba wu asupaha mu itwadi na Kristo.29Ni mu buuna, me ndi mu utsala na ulwana na mifudi mi mili mu umata huli Kristo, wu li mu usala mu me mu matwala moosi.Wycliffe Bible Translators, Inc.