2 Yowani1
Mabwehe
1Wu ni me mukuutu, ndi mu utsindaha muhanda mo wunuuwu huli we, mukaasu wu Nzambi hasoolo, na huli baana ba we ba me atondo mu imbuli hyoosi. Ka ndulu a me siha atondo benu ve, napa boosi ba baayaba imbuli.2Bisu laatondo benu, mu tooni imbuli hi hili na bisu na hi hyukwilala mu bisu mu bilima na bilima.3Nyaha hyese, kwili lingebe na hyenze bi byumata huli Nzambi Taata, na huli Mwana a nde Yisu Kristo biba na bisu, mana bisu liba moonyi mutso imbuli na litondo.Mukele imbuli na litondo
4Me ambedi na kinya yi yafulala, mu umono baana ba we bakima baa bubaadyata mutso imbuli. Ni buuna, Taata hatuma bisu a benu mu uvanga.5Na bunuubu mukaasu wu litondo, li me ndi mu upondo we ni liniili: nyaha litondosonwaani. Mukele litondo wunuwu, a hali mukele wu munyatihi me miitsonehele we ve, ka ndulu ni wu Nzambi haviidi bisu umata ŋa mbandu.6Litondo ni udyata hutso mikele mya Nzambi. Wuuna ni mukele wu benu laafwana uduukala mu idiingu hya benu, we bu benu laayuhi nde umata ŋa mbandu.7Me ndi mu undeele buuna, mu tooni ati, bapfuti ba banzuhisini baamiitsamuha mu tsi yoosi. Bo a bali mu usilasa ve ti, Yisu Kristo ayidi ŋa tsi mu nyutu musunya. Baatu ba pila yiina, ni bapfuti na baboho baa Kristo.8Baakebaani mu benu mwakulu! Buuna benu liveledimbasa kaluha yi isalu hya bisu hi usalila Nzambi, na benu liyaka kaluha yi yafwana.9Woosi wu avelekangama mu ndongisili a Kristo, na wu li mu utahuha na yo, a hali itwadi na Nzambi ve. Wu li mu ukwilala mu ndongisili mo yiina, li itwadi na Nzambi Taata na Mwana a nde.10Tso muutu yidi yamono benu, na ubehele benu ndongisili yi yaasoboono na ya Kristo, a liyaka nde mu nzo a benu, tso uva nde bwehe ve.11Ka wu uva nde bwehe, li likoongo na nde mu mavaanga ma nde ma mabi.12Me kini na mambu ma malahi ma ubweyabisa benu, ka me atondi usonehele benu mo mu muhanda na ilapi ve. Lehemene la me, ni li uya huli benu na umoho me mwakulu na benu, mana kinya a bisu yiba yi yasupaha.13Baana baa kedi a we wu Nzambi hasoolo, batsindihi we mabwehe.Wycliffe Bible Translators, Inc.