2 Koliito9
Likumbasa huli mabundu ma hu Yeruselemi
1A hu li na tsoongo mu usonehele benu mu li litali likumbasa li ubitala bangidi ba bali hu Yeruselemi ve.2Mu mbuli, me nzaabi ti litondo la benu lili lilibwe. Me ambuli tulu mu benu ŋa busu bwa bisu Masedonya ŋa me andeeli ti: «Baana ba ngu ba hu Akayi baamiivangama mu ukuukaha bungodu bwa bo umata ilima hi himiivyoho.» Lehemene la benu, laatelimisi baana ba ngu ba balahi ŋa hati la bo.3Ka me ndi mu utsindaha benu baana ba ngu mo baniiba, mana mabyoho ma bisu lili mu ubulala benu mu dyambu li ukabila bungodu, a maba ma mu pu. Me tondi ti benu livangama nzyeni, we bu me andeele lo.4Kini a buuna ve, tso bisu Masedonya bayidi na me, na bavelibiisa benu ba baavangama, bisu luumono tsonyi tso liyabiisa benu ba baavelevangama, mu tooni ati, bisu laaba laasa hiitu mu benu. Benu kaka luumono tsonyi.5Ni mu buuna, me amono tsoongo mu uvondo baana ba ngu mo baana, mu uteehele me uya huli benu, mu uvangimasa tsonzihili yi bungodu bu benu laamiikwasa lahi. Buuna, ŋa me unza, bwo buuba bu bwavangama na buumwese ti benu libaava mu mutima wu ayaluha, ka a mu mutima wu akangama ve.6Yibuhalaani moonyi mu dyambu mo liniili ti: Woosi wu ukuna na dyedyeke, sa akuukaha bya hoole, na woosi wu ukuna bi bilahi, sa akuukaha bi byalutahala iteesi.7Buuna, nyaha pasi muutu ava we bu nde atsimi mu mutima a nde, hwavele lingebe, buuve kwamisa. Mu tooni ati, Nzambi atondo muutu wu ubaava na kinya.8Na Nzambi li na matwala ma uluusa benu mu mabwe ma pila mu pila. Bu benu luuluula mu bi benu lili na byo nzala, benu luubwebaha taangu yoosi bi byalutahala bulahi, mana benu libaakumbasa bakima mu mavaanga ma mabwe ma pila mu pila.9Mabasonehe ma Ngidi mali mu uleele:«Nde ubaava mu iteesi hi hyalutahala huli bapuumbu,na bubwe bwa nde bubaakwilala taangu yoosi.»10Nzambi wu ubaava muhunu huli mukuni na lipa li libaabuungala nde, sa ava benu mu iteesi hi hyafulala, muhunu wu benu lili na nde nzala. Nde upfunasa na ukulasa muhunu, mana butsiitsa bwa benu bubuta mimbutu mi milahi.11Nde ukitusa benu bisina mu moosi, mana benu libaakumbasa baatu hwavele ukolo. Buuna, baatu ba balahi buufutala matondo huli Nzambi, mu makabu ma benu, ma bisu luutoosele huli bo.12Mu tooni ati, tsonzihili a makabu yi benu lili mu usa yiniiyi, a yili mu umana ndulu manzala ma baatu bangidi ve. Ka yo yili mu usinzapfunasa pfutilili matondo huli Nzambi.13Mu umono tsalu a likumbasa la benu, ba balahi buuyuusa Nzambi. Bo buuyuusa nde mu tooni ati, benu lili mu usiingala nde na lili ngetetee mu Musamu wu Mubwe wa Kristo. Na bo buuyuusa nde kaka, ŋa benu luukaakabasana busina bwa benu itwadi na bo, na bakima boosi.14Bo buukaasambila mu benu, mu umwese benu litondo la bo, na mu tooni a hyese hi hyafulala hi Nzambi haamiiva benu.15Lifutalaani matondo huli Nzambi, mu bungodu bwa nde bu buuvelefwanisa na pasi isiha.Wycliffe Bible Translators, Inc.