2 Koliito2
1Ni mu buuna, me apoli kesili yi ubweveleyafutahala huli benu, mu uvelenyongese benu.2Mu tooni ati, tso me nyongisi benu, na ubwemweese me kinya? Baatu ba me anyongisi, utwala ubwemweese me kinya ve!3Ni mu buuna, tso me atsonehele benu mambu mo maana, ni mu tooni ati, ŋa me unza huli benu, me pelenyongo mu baatu ba bakiimweese me kinya. Mu mbuli, me ndi na hiitu ti kinya a me, ni ya benu boosi kaka.4Eeye, me atsonehele benu hutso mapasi ma manene, mutima wu aleme, na matsanga ma malahi. A ni mu unyongese benu ve, ka mana benu liyaaba ki pila litondo me ndi na lo mu benu.
Usa kolo-kolo huli muutu nga a tooni
5Tso muutu li tooni a nyongisili, a mu me ve, ka ni mu benu boosi nde ali tooni a nyongisili. Buuve, mu uvelelutasala iteesi, ni buli la baatu ba baafulala ŋa hati la benu nde huunyongese.6Hufwani huli muutu wa pila yiina ti, baatu ba balahi bafwengele nde.7Na bunuubu, benu laafwana usa nde kolo-kolo na uhwadisa nde, mana munyoongo wu afulala bunene a habwisa hiitu hya nde.8Ni mu buuna, me pondi huli benu mu ubwemweese ti benu laatondo nde.9Mu mbuli, me miitsonehele benu, ni mu uyebe benu mu umono tso benu likini laavangama mu usiingala matumili ma me.10Ŋa benu luusa muutu kolo-kolo mu bubi bwa nde, me kaka utsa nde kolo-kolo. Na tso me atsiidi kolo-kolo, ŋa tooni yi usa kolo-kolo yamonihili, me atsa nde kolo-kolo ŋa busu bwa Kristo, mu tooni a benu,11mana Saatana a habiingala bisu. Mu tooni ati, bisu liyaabi bubwe-bubwe matsimi ma nde.Pahuli hu musyenge a Torowasi
12Ŋa me atoodi hu musyenge a Torowasi, me amoni ti Pfumu aviidi me nzila mu uyayabisa Musamu wu Mubwe wa Kristo.13Ka mutima a me aba helini-helini, bu me apelimbiisa mwana a ngu a me Tiite. Ni mu buuna, me andanisi bisu Torowasi na me anzyeni hu Masedonya.Mbiingili mu Yisu Kristo
14Ka lifutalaani matondo huli Nzambi, mu tooni ati, nde li mu ubita bisu mu koonge a mbiingili itwadi na Kristo. Mu bisu, nde li mu uyabisa nduhi a Kristo huli baatu. Nzabisili mo yiina, yafwanina na tsulu yimbwe ya nyafi yi yili mu utsaamuha mu mambuha moosi.15Mu mbuli, bisu lili ŋa busu bwa Nzambi we nyafi yi bungodu bwa tsuhili ya Kristo, yi yili mu upalisa tsulu yimbwe. Bisu lili nyafi ya Kristo, ŋa hati la ba bali mu uyoboho na ba bali mu ukwa.16Huli bamosi, yo yili tsulu yi lipfu, yi yili mu ubita hu lipfu. Huli bakima, yo yili nyafi a moonyi, yi yili mu ubita hu moonyi. Na li na mifudi mu ukuhasa isalu mo hiniihi?17Mu mbuli, bisu a lili we bakima ba balahi ba bali mu usuumbasa mambu ma Nzambi ve. Ka Nzambi ni wu atsindaha bisu, na bisu ubaatoyo na imbuli ŋa busu bwa nde, itwadi na Kristo.Wycliffe Bible Translators, Inc.