1 Tesalonika4
1Hu tsyelele, benu laayihi huli bisu mbiili yi benu lafwana uba na yo mu ubaamweese Nzambi kinya. Eye, benu laaka na mbiili mo yiina. Ka bunuubu, bisu livondi na litumi benu mu ubaafulala usa buuna mu nduhi a Pfumu Yisu. Vaangaani bu hwafulala maana!2Mu tooni ati, benu lamiiyaaba matumili ma bisu laava benu, matumili ma maamata huli Pfumu Yisu.3Litondo la Nzambi ni ti, benu liba na idiingu hya ngidi na utahuha na ndyatili yi bumbembo.4Pasi muutu ŋa hati la benu ayaaba ubaatuma nyutu a nde, we bu hwafwana mu ubaadyata mu bungidi na butsitu.5A lisiinga ubwa mu mapeyu ma mavele lisuunga ve, we bu hubaasa bangoyi, ba baveleyaba Nzambi.6Mu musamu mo wunuwu, pasi muutu avelemweese mwaana a ngu a nde pasi, tso uyibala nde. Pfumu yaabi usyembe pasi bubi bwa pila yiina. Bisu laamiileele benu lo, na laamiiyibusa benu mu tooni a lo.7Nzambi a hateele bisu mu ukangama mu ndyatili yi yasumaha ve, ka mu uba na mbiili yi bungidi.8Ni mu buuna, pasi nde wu uveleyaka ndongisili mo yiniiyi, a muutu nde anyasuli ve, ka nde li mu unyasula Nzambi, wu ubaava benu Livupu la nde la Ngidi.9Mu ma mali mu utala dyaambu li litondo li bumwana bu bungu, benu a lili na nzala ti basonehele benu ve. Mu tooni ati Nzambi nde mwakulu amiilongese benu, buni benu laafwana ubaatondosono.10Buuna ni bu benu lili mu uvanga huli baana ba ngu boosi ba hu tsi a Masedonya yoosi. Ka bisu livondi benu, baana bangu, mu ubwevaanga bu hwafulala bubwe.11Hwadaani mu ubaaba mu hyenze. Nyaha pasi muutu abaaduukala ndulu misamu mi mili mu utala nde. Hwafwana huli pasi muutu mu ubaha kaluha mu isalu hya myoho mya nde mwakulu, we bu bisu laatswamini utuma benu.12Buuna, ba baavele baa Kristo buuyusa mbiili a benu, na benu a libaakwamisa bana mu pasi dyaambu li limiitala benu.
Nziili a Pfumu
13Baana baa ngu, bisu litondi ti benu liyaaba imbuli mu tooni a babaakwa. Bisu a litondi ve ti benu liba na lingebe, we baatu ba baavele na hiitu.14Tso bisu lili na hiitu ti Yisu akwidi na nde asuuhi ŋa hati la babaakwa, bisu lili mu usa kaka hiitu ti mu Yisu, Nzambi sa asuula boosi babaakwa.15Bunuubu, yuhaani ma bisu liyabisi benu, we bu huli mu uleele ndongisili mosi ya Pfumu: bisu baa luusaala moonyi ŋa Pfumu huuya, a luutswamina babaakwa mu mbwanini a Yisu ve.16Baatu buuyuha ndaha a mukuutu bapofi , na puunga a kulambeete a Nzambi. Hiina ni iliimbu hya ti, Pfumu nde mwakulu sa ayakulamana. Ba baakwidi mu Kristo sa batswamina usuuha.17Na titswene, bisu baa luusaala moonyi mu taangu mo yiina, sa bavolo bisu itwadi na bo mu mayidu, mu ubwana na Pfumu hu yulu. Na bisu sa liba na Pfumu nzyeni.18Ni mu buuna, hwadasanaani mu mambu mo maniima.Wycliffe Bible Translators, Inc.