1 Koliito1
Mabwehe
1Ni me Pahuli, wu Nzambi hateele mu uba iluumbi hya Kristo Yisu, mu litondo la Nzambi. Itwadi na mwana a ngu Sosetene,2me ndi mu utsonehe huli libundu la Nzambi la hu musyenge a Koliito, huli ba baatsyemese mu Yisu Kristo. Nzambi ateele bo mu uba baatu ba nde bangidi, na huli boosi pasi tsyelo yi bo bali, ba bali mu usambila Pfumu a bisu Yisu Kristo, Pfumu a bo na wa bisu kaka.3Nyaha Nzambi Taata a bisu na Pfumu Yisu Kristo bava benu hyese na hyenze.Nzambi li mu uva bisu mabwe mu Yisu Kristo
4Tangu yoosi, me umbaapfutala matondo huli Nzambi mu tooni a benu, mu hyese hi nde hasa benu ba laakangama mu Yisu Kristo.5Ni mbuli, mu Kristo benu laamiiyaka busina bwosi: bwa mambu na bwa nzaabili.6Bisu laalongese benu Musamu wu Mubwe wa Kristo, bunuubu, benu laamiikangama mu nde na ngolo yoosi.7Ni mu buuna, bungodu tso bumosi a bwavele ŋa hati la benu ve, benu ba lili mu ukeele na hiitu hyoosi, tangu yi Pfumu a bisu Yisu Kristo humonehele.8Nzambi ni wu uhwadisa benu natee hu tsukusu, mana bavelebaha dyambu li usyembe benu mu ilumbu hya nziili a Pfumu Yisu Kristo.9Nde mwakulu wu ateele benu mu uba itwadi na Mwana a nde Yisu Kristo Pfumu a bisu: nde li ngetetee mu malahi ma nde.Makabu hutso libundu la Koliito
10Baana ba ngu, me ndi mu uhwadisa benu, mu nduhi a Pfumu a bisu Yisu Kristo, mu ubaayuhasana, mana makabu maveleba ŋa hati la benu. Baabaani itwadi mu uba tsimi mosi na mutima mumosi.11Eye, baana ba ngu a me, baatu ba nzo a Kolowe, baayabisa me ti iboho hili ŋa hati la benu.12Me tondi uleele bunuubu: pasi muutu mu benu li na tsuhili mo yiniiyi. Mumosi ti: «Me, me wa Pahuli me ndi». Mukima ti: «Me wa Apoloosi». Mukima kaka ti: «Me wa Peetelo» buuve, «Me wa Kristo!»13Benu lili mu utsima ti utwala ukaba Kristo? Pahuli ni wu akwidi ŋa kuruwa mu tooni a benu? Buuve, benu kaahu mu nduhi a Pahuli baatondihi?14Matondo huli Nzambi, bu me aveletondehe tso mumosi ŋa hati la benu, vengo Krisipusi na Ngayusi.15Ni mu buuna, muutu tso mumosi a hutwala uleele ve ti, baatondehe nde mu nduhi a me.16Eye! Kaahu, me ambwetondehe kaka bisu nzo a Setefano. Me tsimi ti me a haabwetondehe muutu mukima ve.17Mu tooni ati, Kristo a haatsindaha me mu utondehe ve. Ka nde atsindaha me mu uyabisa Musamu wu Mubwe, hwavele usalila bitoyili bya tsiki yi imuutu, mana lipfu la Kristo ŋa muti livelefwa matwala.Tsiki a baatu ba tsi yili ladi huli Nzambi
18Mu mbuli, ulongese mu tsangu yi lipfu la Yisu ŋa kuruwa, hu li ladi ŋa busu bwa baatu ba baamiidimbala. Ka mu bisu a benu ba lili mu nzila liyobolo: tsangu yi lipfu la Yisu ŋa muti yili matwala ma Nzambi.19Mabasonehe ma Ngidi mali mu uleele, bunuubu:«Me tsa tsala tsikihili a banga tsiki,na me tsa mbuma buyedi bwa banga buyedi.»20Banga tsiki huni bali? Babaayiha huni bali? Banga bileedi huni bali? Ka Nzambi amweese ti tsikihili a tsi mo yiniiyi yili ladi!21Mu mbuli, mu tsiki a nde, Nzambi amiisa ti baatu ba tsi baveletwala uyaaba nde mu tsiki a bo mwakulu. Ni mu buuna, nde haamiivolo kesili yi uyobolo ba bali mu usa imiinu, mu nzila a ndongisili yi yili mu umonehele we ladi.22Bayudaayo bali mu uvondo biliimbu bya kimuhili, na Bangeleke bali mu usaha mambu ma tsiki.23Ka bisu, bisu uyabisa baatu ti Kristo ni wu akwa ŋa kuruwa. Nzabisili mo yiina, ni baku lilinene ŋa busu bu Bayudaayo na lo lili ladi huli bangoyi.24Ka huli ba Nzambi haateele, tso huli Bayudaayo buuve Bangeleke, Kristo ni matwala na tsiki a Nzambi.25Mu tooni ati, ladi la Nzambi laalutahala tsiki a baatu, na ukolo hwa Nzambi hwalutahala pinyu a baatu.Tsiki a Nzambi
26Baana ba ngu, tsimaani buni benu laaba ŋa Nzambi haateeli benu. Mu talili yi imuutu, ŋa hati la benu, banga tsiki ndulu hoole bali, banga lituma ndulu hoole bali, ba bali mu bibaandu bi byamonehele ndulu hoole bali.27Ka Nzambi asoolo bi baatu bubaamono ti ladi, mu ukwisa banga tsiki tsonyi. Na nde asoolo bi baatu bubaamono ti byakolo, mu ukwisa banga a pinyu tsonyi.28Nzambi asoolo bi baatu ba tsi bubaamono ti byakulamana, bi baarokolo, tso bi byavele na tsongo, mu udimbasa bi bo bali mu umono ti byafulala tsongo.29Nzambi haasa buuna, mana muutu tso mumosi a hasa nyeme ŋa busu bwa nde.30Ka ni mu tooni a Nzambi benu laapfuutana na Yisu Kristo. Nde ni tsiki yi yibaamata huli Nzambi. Ni nde ubaakuhasa bisu butsiitsa ŋa busu bwa Nzambi, wu ubaava bisu muswa mu uba moonyi mu Nzambi, na wu ubaayobolo bisu mu masumu ma bisu.31Ni mu buuna, we bu Mabasonehe ma Ngidi mali mu uleele: «Tso muutu tondi usa nyeme, nyaha nde asa nyeme mu ma Pfumu haavaanga.»Wycliffe Bible Translators, Inc.