ʻIsaia62ton_png
1Koeʻuhi ko Saione ʻe ʻikai te u fakalongo pe,pea koeʻuhi ko Selūsalema ʻe ʻikai te u mālōlō,kaeʻoua ke ulo atu ʻa ʻene māʻoniʻoni ʻo hangē ko e maama lahi,pea mo ʻene fakamoʻui ʻo hangē ko e maama ʻoku ulo.2Pea ʻe mamata ʻae ngaahi Senitaile ki hoʻo māʻoniʻoni,mo e ngaahi tuʻi kotoa pē ki ho nāunau;pea ʻe ui ʻaki koe ʻae hingoa foʻou,ʻaia ʻe fakahā ʻe he folofola ʻa Sihova.3Pea te ke hoko foki ko e tatā ʻoe nāunau ʻi he nima ʻo Sihova,mo e pale fakatuʻi ʻi he nima ʻo ho ʻOtua,4ʻE ʻikai toe ui koe “ko e Liʻaki;”pea ʻe ʻikai toe ui ho fonua “ko e Lala:”ka e ui koe “ko Hefisipa,”mo ho fonua “ko Piula:”he ʻoku fiefia ʻa Sihova ʻiate koe,pea ʻe fai ʻae taʻane ʻi ho fonua.5Hangē ʻoku mali ʻae talavou mo e tāupoʻou,ʻe pehē ʻae mali ho ngaahi foha mo koe:pea hangē ʻoku fiefia ʻae tangata taʻane ʻi he taʻahine,ʻe pehē ʻae fiefia ʻa ho ʻOtua ʻiate koe.6Kuo u fekau ʻae kau tangata leʻo ki ho ngaahi ʻā, ʻE Selūsalema,pea ʻe ʻikai te nau fakalongo pē ʻi he ʻaho pe ʻi he pō;ko kimoutolu ʻoku fakahā ʻa Sihova, ʻoua ʻe fakalongo pe,7Pea ʻoua naʻa tuku kiate ia ha fiemālie,kaeʻoua ke fokotuʻumaʻu ʻe ia ʻa Selūsalema, pea ke ne ngaohi ia ko e ongoongolelei ʻi māmani.8Kuo fuakava ʻe Sihova ʻi hono nima toʻomataʻu,pea ʻi he nima ʻo hono mālohi,“Ko e moʻoni ʻe ʻikai te u toe foaki hoʻo uite ko e meʻakai ki ho ngaahi fili;pea ʻe ʻikai inu ʻe he ngaahi foha ʻoe muli ʻi hoʻo uaine, ʻaia kuo ke ngāue ke maʻu:9Ka ko kinautolu kuo tānaki ia te nau kai ia, pea fakamālō kia Sihova;pea ko kinautolu kuo ʻomi fakataha ia te nau inu ia ʻi he ngaahi loto ʻā ʻo hoku māʻoniʻoni.10Hū atu, hū atu ʻi he ngaahi matapā;teuteu ʻae hala ʻoe kakai;fokotuʻu hake, fokotuʻu hake ʻae hala māʻolunga;tānaki mei ai ʻae ngaahi maka;fokotuʻu ʻae fuka maʻa ʻe kakai.11Vakai, kuo folofola ʻa Sihova ʻo aʻu ki he ngataʻanga ʻo māmani,“Mou pehē ki he ʻofefine ʻo Saione,‘Vakai, ʻoku haʻu hoʻo fakamoʻui;vakai, ʻoku ʻiate ia hono totongi,pea ʻi hono ʻao ʻa ʻene ngāue.’”12Pea te nau ui ʻakinautolu, “Ko e kakai māʻoniʻoni,Ko e kakai kuo huhuʻi ʻe Sihova:”pea ʻe ui koe, “Ko e ʻofeina,Ko e kolo taʻeliʻaki.”