Chiyubunuzyo7
1Musule lyacheechi ime ndiJoni, ndakabona baangelo bane kabayiimvwi kuzyooko zine zyanyika, kabatabilila myuuwo ine yanyika, kuchitila kuti kutabi luuwo luwunga anyika nikuba kulwizi nikuba kufumbwa kutikiniya kumunsamu.2Mpawo ndakabona mungelo uumbi uyabutanta kujulu kuzwa kubuzwezuba, kajisi chisinizyo chaLeza upona. Alimwi wakoongolola ajwi pati kubaangelo bane aabo bakali pedwe nguzu zyakunyonyoona nyika alwizi,3wati, “Mutanyonyooni nyika niluba lwizi nikuba misamu, mane tukabikke chisinizyo chabalanda baLeza wesu ankumu zyabo.”4Alimwi ndakamvwa mweelwe wabaabo babikkidwe zisinizyo balizyuulu zilimwaanda azyuulu zilimakumi aane azyuulu zine, kuzwa kumikowa yoonse yaIzirayeli,5zisinizyo zilizyuulu zilikkumi azyuulu zibili kuzwa kumukowa waJuda, zyuulu zilikkumi azyuulu zibili kuzwa kumukowa waRubbeni, zyuulu zilikkumi azyuulu zibili kuzwa kumukowa waGadi,6zyuulu zilikkumi azyuulu zibili kuzwa kumukowa waAsa, zyuulu zilikkumi azyuulu zibili kuzwa kumukowa waNafitali, zyuulu zilikkumi azyuulu zibili kuzwa kumukowa waManase,7zyuulu zilikkumi azyuulu zibili kumukowa waSimiyoni, zyuulu zilikkumi azyuulu zibili kuzwa kumukowa waLevi, zyuulu zilikkumi azyuulu zibili kuzwa kumukowa waIsakka,8zyuulu zilikkumi azyuulu zibili kuzwa kumukowa waZebbuluni, zyuulu zilikkumi azyuulu zibili kuzwa kumukowa waJozefu, zyuulu zilikkumi azyuulu zibili wazisinizyo kuzwa kumukowa waBbenjamini.9Musule acheechi ndakalanga, mpawo kwakali inkamu impati itabaliki yabantu, kuzwa kumanyika woonse, kuzwa kumikowa yoonse akubantu boonse amilaka yoonse, kabayiimvwi kunembo lyachuuno chabwami akunembo lyaMwana wambelele, kabasamide midabba ituba, alimwi mumaboko aabo kabajisi malala,10alimwi bakalikoompolola ajwi ipati, kabati, “Lufutuko ndulwa Leza wesu ukkede achuuno chabwami akuMwana wambelele!”11Alimwi baangelo boonse bakaliimvwi kabazyungulukide chuuno chabwami abaalu, azinyama zine zipona, mpawo bakavundama kunembo lyachuuno chabwami, mpawo bakomba Leza,12kabati, “Ameni! Kulumbayizya, abulemu, abusongo, akupa kulumba, alulemeko, anguzu, abukozu azibe kuli Leza wesu kwalyoonse alyoonse. Ameni!”13Eelyo umwi wabaalu wakandaambila wati, “Mbaani aaba, basamide midabba ituba, alimwi bazwa kuli?”14Ndakaamba kuti kulinguwe, “Inywe, ndinywe nimuzi.”
Mpawo wakati kulindime, “Aaba mbaaba bakazwa kumapenzi mapati, bakasapa midabba yabo akuyitubya mubulowa bwaMwana wambelele.15Nkikaako nchibayimvwi kunembo lyachuuno chabwami bwaLeza, akumubelekela isikati amansiku muŋanda yakwe, alimwi ooyo ukkala achuuno chabwami uyoobakwabilila.16Tabakwe kuyooba anzala alimbi pe, nikuba anyota lubo, izuba talikoyoobabala pe, nikuba kuumpwa kufumbwa.17Nkaambo Mwana wambelele uli aakati kachuuno chaLeza uyooba mwembeeli wabo, alimwi uyoobazulwida kutusensa twameenda mawuumi. Alimwi Leza uyoosinda misozi yoonse kumeso aabo.
Mpawo wakati kulindime, “Aaba mbaaba bakazwa kumapenzi mapati, bakasapa midabba yabo akuyitubya mubulowa bwaMwana wambelele.15Nkikaako nchibayimvwi kunembo lyachuuno chabwami bwaLeza, akumubelekela isikati amansiku muŋanda yakwe, alimwi ooyo ukkala achuuno chabwami uyoobakwabilila.16Tabakwe kuyooba anzala alimbi pe, nikuba anyota lubo, izuba talikoyoobabala pe, nikuba kuumpwa kufumbwa.17Nkaambo Mwana wambelele uli aakati kachuuno chaLeza uyooba mwembeeli wabo, alimwi uyoobazulwida kutusensa twameenda mawuumi. Alimwi Leza uyoosinda misozi yoonse kumeso aabo.
The Word for the World International