Chiyubunuzyo5
1Eelyo ndakabona muluboko lwakululyo lwayooyo ukkede achuuno chabwami, ibbuku lyakalilembedwe mukati akusule, lyakanamatikwa azisinizyo zilimusanu azibili,2mpawo ndakabona mungelo ujisi nguzu kawoompolola ajwi pati kati, “Ngwani weeledwe kubbabbanuna zisinizyo chalyo kujula bbuku eeli?”3Pesi taakwe uumwi kujulu nikuba ansi aano nikuba kunsi anyika wakakonzya kujula ibbuku nikuba kubala mukati.4Alimwi ndakalila kapati zyakuti taakwe muntu wakajanika keeledwe kujula bbuku nikuba kubala mukati.5Eelyo umwi wabaalu wakati kulindime, “Utalili, laanga. Mulavu wamukowa waJuda, walunyungu lwaDevidi, wakazunda, ngulaachelelo chakumwaya akujula bbuku azisinizyo zyalyo zilimusanu azibili.”6Eelyo ndakabona Mwana wambelele kayimvwi kumbali achuuno chabwami, kabaanga ulijayidwe, alimwi kazyungulukidwe azinyama zine zipona abaalu. Mwana wambelele ooyu wakalijisi meja alimusanu aabili ameso alimusanu aabili, kayimikilila myuuya yaLeza ilimusanu ayibili yakatumwa munyika yoonse.7Mpawo Mwana wambelele wakayinka waakubweza bbuku kuluboko lwakululyo lwayooyo ukkala achuuno chabwami.8Alimwi naakalibweza ibbuku, zinyama zine zipona abaalu balimakumi aabili abane bakavuntama kunembo lyaMwana wambelele, umwi awumwi wabo wakalijisi kantimbwa, andido zyangolide zizwide tununkilizyo, ootu tuninkilizyo ninkombyo zyabasalali.9Mpawo bakayimba lwiimbo lupya, kabati,“Nguulacheelelo chakubweza ibbukuakujula zisinizyo zyalyo.Nkaambo abulowa wakawuulila Leza,mikowa yoonse, amulaka woonse, abantu boonse amanyika woonse,10alimwi wakabachita kuti babe babwami abapayizi kuti bakutawukile Leza wesu,mpawo bayooyendelezya munyika.”11Eelyo ndakalanga, alimwi ndakamvwa ijwi lyabaangelo bayingi mweelwe wakali zyuulu azyuulu zitabaliki. Alimwi baangelo bakazyungulukila chuuno chabwami azilengwa zipona abaalu zyoonse,12alimwi bakayimba ajwi pati kabati,“Uleeledwe Mwana wambelele wakajayigwa,kuti atambule bweendelezi, abuvubi, abusongo, anguzu,alulemeko, abulemu antembawuzyo!”13Eelyo ndakamvwa zilengwa zyoonse kujulu aanyika akunsi anyika, amulwizi, azilengwa zyoonse zilimumo, kazyiimba kaziti,“Kulinguwe ukkala achuuno chabwami akuMwana wambelele,kube kulumbayizya, alulemeko, bulemu anguzu,kwalyoonse alyoonse!”14Alimwi zilengwa zine zipona zyakati, “Ameni!” Alimwi baalu bakavuntama aansi mpawo bakomba.
The Word for the World International