Chiyubunuzyo16
1Eelyo ndakamvwa ijwi ipati kalyoompolola kalizwa muŋanda yaLeza kalyaambila baangelo balimusanu ababili kaliti, “Kamuya alimwi mukatile anyika indido zilimusanu azibili zyabukali bwaLeza.”2Aboobo mungelo mutaanzi wakayinka kuyootila ndido yakwe anyika, mpawo kwakazwa zilonda zibi zikataazya kubantu aabo bakalijisi impa yachinyama abakakomba chikozyano chacho.3Mungelo wachibili wakatila ndido yakwe mulwizi, mpawo meenda akaba mbuli bulowa bwamuntu ufwide, azyoonse zipona mulwizi zyakafwa.4Mungelo wachitatu wakatila ndido yakwe mumilonga amutusensa twameenda, eelyo meenda akaba bulowa.5Mpawo ndakamvwa mungelo ooyo wendeelezya meenda kaamba kuti, “O Usalala, iwe uliwo awakaliwo, nkaambo uliluleme mulubeta oolu,6nkaambo bantu bakatila bulowa bwabasalali abwabasinsimi, aboobo wakabapa bulowa bwakunywa. Mbuli mbubeelede!”7Eelyo ndakamvwa ijwi kalizwa kuchipayililo kaliti, “Mbukubede, Mwami Leza Singuzu Zyoonse, kasimpe abululami ndubeta lwako!”8Mungelo wachine wakatila ndido yakwe kuzuba, mpawo zuba lyakazumizigwa kuumpa bantu akupya kwalyo.9Bantu bakawumpwa akupya kuyoosya, alimwi bakatukila zina lyaLeza uli anguzu atala azyuumyo eezi, mpawo teebakasanduka pe akumupa bulemu.10Mungelo wachisanu wakatila ndido yakwe achuuno chabwami bwachinyama, mpawo bwami bwacho bwakali mumudima, bantu bakaluma lulimi lwabo mumachise,11alimwi bakatukila Leza wakujulu ankaambo kazilonda amachise, alimwi teebakasanduka pe kumilimu yabo mibi.12Mungelo wachisanu awumwi wakatila ndido yakwe mumulonga mupati Yufuretizi, mpawo meenda aawo akayuminina, kukubambilila inzila yabaami bakujwe.13Eelyo ndakabona, myuuya itatu isofweede ilimbuli bachulwa nkizwa mumulomo wasimwaaba, akumulomo wachinyama akumulomo wamusinsimi mubeji.14Eeyi myuuya yabasikazwa, eeyo ichita zitondeezyo, mpawo ileenda kuya kubaami banyika yoonse, kuti ikababunganiye kunkondo yabuzuba bupati bwaLeza Singuzu Zyoonse.15Laanga, ndilaboola mbuli mubbi! Ulaachoolwe ooyo ulangilila akubamba zyakusama zyakwe kuti ateendi chintanda akubonwa!”16Alimwi bakababunganiya aamwi mubusena butegwa muchiHebburu Amagedoni.17Mungelo wachisanu ababili wakatila indido yakwe muluuwo, mpawo kwakazwa ijwi ipati muŋanda yaLeza, lizwa kuchuuno chabwami, lyakati, “Kwamana!”18Mpawaawo kwakaba kumweka kwandabe, kuvuuma, akundindima kwandabe, akundengenda kupati kwanyika eeyo utakwe wakaba pe kuzwa bantu nibakali anyika, aboobo kwakali kundengenda kwanyika kupati!19Chisi chipati chakapambulwa muzipanzi zitatu, azisi zyamanyika zyakawa, alimwi Leza wakayeeya Bbabbiloni impati, kuti ayichite kuti inywe mufulu wakwe wawayini yabukali bwakwe.20Mpawo tusuwa toonse twakamwayika, alimwi taakwe zilundu pe zyakajanwa.21Alimwi chivulamabwe chipati, ichimwi kachijisi bulemu mbuli mugomo ibili amagaloni abili, chakawida abantu kuzwa kumulengalenga, mane bantu batukila Leza ankaambo kachuumyo chachivulamabwe, aboobo chakayoosya kapati chuumyo eecho.
The Word for the World International