Chiyubunuzyo13
1Alimwi ndakabona chinyama chizwa mulwizi. Chakali ameja alikkumi amitwe iilimusanu ayibili, atala ameja kwakali misini ilikkumi, mpawo atala amitwe kwakali zina lisampawula Leza.2Alimwi chinyama nchindakabona chakali mbuli nemba, mawulu aacho akali mbuli mawulu agwibba, amulomo wacho wakali mbuli mulomo wamulavu. Mpawo kuli nchicho simwaaba wakachipa nguzu zyakwe, achuuno chakwe abweendelezi bupati.3Mutwe umwi kumitwe wachinyama wakali kubaanga ulaachilonda chakufwa, pesi chilonda chacho chakapona, mpawo nyika yoonse yakatobela chinyama akugamba.4Bantu boonse bakakomba simwaaba, nkaambo wakali wapa bweendelezi bwakwe kuchinyama, mpawo bakakomba chinyama, kabati, “Ngwani ukozyene achinyama, alimwi ngwani ukonzya kulwana aacho?”5Mpawo chinyama chakapegwa mulomo wakugwisya majwi akulisumpula akusampawula Leza, alimwi chakazumizigwa kweendelezya kwamyeezi ilimakumi aane amweezi iibili.6Chakajula mulomo wacho kuti chisampawule Leza, akusampawula zina lyakwe achikalilo chakwe, chaamba kuti, aabo boonse bakkala kujulu.7Alubo chakazumizigwa kuti chichite nkondo kubasalali akubazunda, alimwi chakapegwa bweendelezi atala amukowa woonse, abantu boonse, amulaka woonse, anyika zyoonse.8Alimwi aabo boonse bakkala munyika bayoochikomba, woonse ulaazina litalembedwe kuzwa kumatalikilo anyika mubbuku lyabuumi lyaMwana wambelele ooyo wakajeegwa.9“Eelyo, kufumbwa ujisi matwi, ngamvwe!10Kufumbwa weleede kutolwa mubuzike, ulatolwa mubuzike, kufumbwa weleede kujeegwa apanga, apanga weleede kuyoojeegwa. Eezi ziyanda lukakatilo alusyomo lwabasalali.”11Eelyo ndakabona chimbi chinyama, chakazwa munyika, chakali ameja aabili mbuli Mwana wambelele alimwi chakali kwaambuula mbuli simwaaba.12Chakali kuchita bweendelezi boonse bwachinyama chitaanzi mubusena bwacho. Alimwi akuchita nyika abantu bali mulinjiyo kuti zikombe chinyama chitaanzi, chilaachilonda chapona.13Eechi chinyama chachibili chakachita zitondeezyo zipati, chakachita mulilo kuti uloke anyika kuzwa kujulu bantu kababweene.14Chakeena aabo bakkala munyika, azitondeezyo eezyo nzichizumizigwa kubeleka kunembo lyachinyama chakabaambila kuchita chikozyano chachinyama wakali lichiside apanga nikuba kuti chakali chapona,15alimwi chakazumizigwa kupa luyoyo kuchikozyano chachinyama kuchitila kuti chikozyano chachinyama cheelede nikuba kwaambuula, akuchitisya aabo batakakake kukomba chikozyano chachinyama chitaanzi beelede kujeegwa.16Alubo chakaangila boonse, baniini abapati, bavubi abachete, boonse baangunukide abazike, kuti babikkwe impa kuluboko lwakululyo lwabo nikuba ankumu zyabo,17kuchitila kuti kutabi umwi ukonzya kuula nikuba kuuzya kunze akuti abe ampa, nkukuti, eeli ndizina lyachinyama nikuba mweelwe wazina lyacho.18Eechi chiyanda busongo, leka ooyo umvwisisisya aambe mweelwe wachinyama, nkaambo mweelwe wamuntu, mweelwe wacho myaanda ilimusanu amwaanda uumwi amakumi alimusanu akkumi limwi lilamweelwe ulimusanu awumwi.
The Word for the World International