BaHebburu5
1Nkaambo woonse mupayizi mupati usalwa akati kabantu usalilwa kukwiimikilila bantu zili mubulyidilani kuli Leza, kuti ape zipo azipayizyo zyazibi.2Ulakonzya kuchita chabuteteete abatakwe luzibo abasweekede, mbukunga lwakwe ulikompeme abubi.3Nkaambo kacheechi ulaangidwe kuti ape chipayizyo chazibi zyakwe antoomwe azeezyo zyabantu.4Alimwi takukwe ubweza lulemeko oolu mwini, pesi ooyo uyiitwa aLeza, mbuli Aroni mbwakalibede.5Aboobo alakwe Kkirisitu teewakalisumpula pe kuti achitwe mupayizi mupati, pesi Leza wakati kulinguwe,“Nduwe Mwana wangu Mulombe,sunu ndakuzyala”;6mbuli mbwaamba lubo muli bumwi busena,“Nduwe mupayizi walyoonse,mumabambe aMelikkizedeki.”7Mumazuba abuumi bwakwe, Jesu wakapa nkombyo akukumbilila, akoompolola kupati amisozi, kulinguwe wakali kukonzya kumufutula kuzwa kulufu, alimwi wakamvwigwa nkaambo kakuyoowa kwakwe kwabunaleza.8Nikuba kuti wakali Mwana Mulombe, wakayiya kuswiilila mukwiinda muli eezyo nzyakapenzegwa;9alimwi kachitidwe ululeme wakaba chisiko chalufutuko lutamani kuli boonse aabo bamuswilila,10kaali wasalwa mupayizi mupati aLeza mbuli mumabambe aMelikkizedeki.11Atala acheechi tujisi zyiingi zyakwaamba kaziliziyumu kuzipandulula, mbukunga mwaba baduntide kukumvwa.12Nkaambo nikuba achiindi eechi mweelede kuba bayiisi, mweelede umwi utamuyiisye lubo malayilile antalisyo ajwi lyaLeza. Muyanda makupa, peepe kulya kuyumu;13nkaambo woonse upona amakupa takwe luzibo pe mujwi lyabusalali, nkaambo uchili muvwanda.14Pesi kulya kuyumu nkwabakakomena, nkaambo aabo bayiisigwa akuchita balakonzya kusiyanisya akati kabubotu abubi.
The Word for the World International