1 BaTesalonika3
1Nkikaako nitwakakachilwa mumapenzi, twakazumina kuchaala atuliikke kuAteni,2alimwi twakatuma mukwesu Timoti, asimulimuma waLeza mumakani mabotu aKkirisitu, kuti azomusimye akumusungwazya mulusyomo lwanu,3kuti kutabi naba umwi usunzulusigwa amapenzi aaya. Inywe lwanu mulizi kuti twakasalilwa nzizyo.4Nkaambo nitwakali andinywe, twakamwaambila kale kuti tweelede kupenzegwa; mbuli mbuzyakachitika, alimwi mbuli mbumuzi.5Nkaambo kacheechi, nindakakachilwa mumapenzi, ndakatuma umwi kuti ndizibe lusyomo lwanu, nkaambo ndakayoowa kuti ambweni sikusunka wamusunka alimwi kuti kubeleka kwesu kuyooba kwabiyo.6Pesi lino kuti Timoti waboola kulindiswe kazwa kulindinywe, alimwi watweetela makani mabotu alusyomo lwanu aluyando alimwi watwaambila kuti mulatuyeeya lyoonse chabuuya achiyandisyo chakutubona, mbuli mbutuli achiyandisyo chakumubona,7Nibakwesu, nkaambo kacheechi, , mukuusa kwesu koonse akupenzegwa twakawumbuluzigwa atala andinywe mukwiinda mulusyomo lwanu,8nkaambo lino tulapona, naa mwayimikila nji muMwami.9Nkaambo nkulumbaanzi nkutunga tulapa kuli Leza nkaambo kanu, nkaambo kalukondo loonse ndutimvwa atala andinywe kunembo lyaLeza wesu?10Tulakomba chakumaninina sikati amansiku kuti tukabonane busyu kubusyu akumwaabila eecho nchimubula mulusyomo lwanu.11Lino Leza wesu aTaata lwakwe, aMwami wesu Jesu, batubambile nzila yesu kulindinywe.12Alimwi Mwami achite luyando lwanu kuti luyungizigwe akufwasuka kuli umwi awumwi akubantu boonse, mbuli mbutuchita kulindinywe,13kuchitila kuti ayake myoyo yanu akubula kampenda mubusalali kunembo lyaLeza wesu aTaata, kukuboola kwaMwami wesu Jesu abasalali bakwe boonse.
The Word for the World International