1 Joni5
1Woonse usyoma kuti Jesu nguKkirisitu wakazyalwa aLeza, alimwi woonse uyanda muzyali ulayanda mwana.2Acheechi tulizi kuti tulabayanda bana baLeza, kuti twayanda Leza akuswiilila milawu yakwe.3Nkaambo oolu nduyando lwaLeza, kuti tubambe milawu yakwe. Alimwi milawu yakwe tiili miyumu pe.4Nkaambo kufumbwa woonse uzyalwa kwaLeza ulayizunda nyika, alimwi lusyomo lwesu oolu, nduuluzundo luzunda nyika.5Ngwani ooyo uzunda nyika pesi ngooyo usyoma kuti Jesu Mwana Mulombe waLeza?6Jesu Kkirisitu ooyu, nguuwe wakaza ameenda abulowa, peepe ameenda luzutu pesi ameenda abulowa. Alimwi Muuya nguukamboni, nkaambo Muuya nkasimpe.7Kuli bakamboni batatu,8Muuya, meenda, abulowa mpawo eezi zitatu zilazuminana.9Kuti twatambula bukamboni bwabantu, bukamboni bwaLeza mbupati, nkaambo oobu mbuubukamboni bwaLeza oobo mbwakapa atala aMwana wakwe Mulombe.10Kufumbwa usyoma muMwana Mulombe waLeza uli abukamboni mulinguwe. Kufumbwa utasyomi Leza wamuchita mubeji, nkaambo teewasyoma mubukamboni oobo Leza mbwakapa kuMwana wakwe Mulombe.11Mpawo oobu mbuubukamboni, kuti Leza wakatupa buumi butamani, alimwi buumi oobu buli muMwana wakwe Mulombe.12Kufumbwa uli aMwana Mulombe ulaabuumi, kufumbwa utakwe Mwana Mulombe waLeza taakwe buumi pe.13Ndalemba eezi kulindinywe nimusyoma muzina lyaMwana Mulombe waLeza, kuti mukazibe kuti mulijisi buumi butamani.14Alimwi oobu mbubusichaamba mbutuli aabo mulinguwe, kuti naa twakumbila kufumbwa mukwiinda mukuyanda kwakwe ulatumvwa.15Alimwi kuti katuzi kuti ulatumvwa mukufumbwa nchitukumbila, tulizi kuti twajana eezyo nzitukumbila kulinguwe.16Kuti umwi wabona munyina kachita chibi eecho chitatoli kulufu, uyoomukumbilila, alimwi Leza uyoomupa buumi. Ndiliikwamba atala abaabo chibi chabo chitatoli kulufu. Kuli chibi chitola kulufu, tandaambi kuti umwi weelede kukombela eecho pe.17Koonse kubisya nchibi, pesi kuli chibi chitatoli kulufu pe.18Tulizi kuti woonse uzyedwe kwaLeza tachinooyo bisyi pe, pesi ooyo Mwana Mulombe waLeza ulamubamba, alimwi mubi tamugumi pe.19Tulizi kuti tuli bakwaLeza, alimwi nyika yoonse ilimunguzu zyamubi.20Mpawo tulizi kuti Mwana Mulombe waLeza wakasika alimwi wakatupa kumvwisisisya, kuti tumuzibe ooyo wachoonzyo, alimwi tuli mulinguwe ooyo wachoonzyo, muMwana wakwe Mulombe Jesu Kkirisitu. Ooyu nguLeza wachoonzyo abuumi butamani.21Nibana bangu nimuyandwa, ngamusosoloke kuzwa kumituni.
The Word for the World International