1 Joni2
1Nibana bangu nimuyandwa, ndiliikumulembela eechi kuchitila kuti mutabisyi, pesi kuti umwi wachita chibi, tujisi simwiimaakati aTaata, Jesu Kkirisitu ululeme.2Alimwi lwakwe nguuchipayizyo chazibi zyesu, alimwi peepe wazyesu luzutu, pesi alubo wazibi zyanyika yoonse.3Mpawo acheechi ngatulaba achoonzyo chakuti tulimwizi, naa twabamba milawu yakwe.4Ooyo waamba kuti, “Ndilimwizi” pesi katalemeki milawu yakwe mubeji, alimwi kasimpe takali mulinguwe pe,5pesi kufumbwa ubamba ijwi lyakwe, luyando lwaLeza lwakasimpe mulinguwe luliluleme. Acheechi tujisi choonzyo kuti tuli mulinguwe.6Ooyo waamba kuti ulikkalilide muliLeza weelede kweenda munzila ikozyene ayakeenda aJesu Kkirisitu.7Nimuyandwa, tandimulembeli mulawu mupya pe, pesi mulawu mukulukulu ngumwakalaawo kuzwa kumatalikilo. Mulawu ooyu mukulukulu ndiijwi eelyo ndimwakamvwa.8Anukuti mulawu ngundilikumulembela mupya, ooyo wachoonzyo mulinguwe amulindinywe, nkaambo mudima uliikwiiinda alimwi mumuni wachoonzyo ulookumwinika kale.9Ooyo waamba kuti ulimumumuni alimwi kasula munyina uchili mumudima alino.10Ooyo uyanda munyina ulakkalilila mumumuni, alimwi mulinguwo taakwe chimuchita kuti alebwe pe.11Pesi ooyo usula munyina ulimumudima alimwi weenda mumudima, mpawo takwizipe ooko ankwaya, nkaambo mudima wakawofwazya meso aakwe.12Ndiliikumulembela, nibana bangu nimuyandwa, nkaambo zibi zyanu zyalekelelwa ankaambo kakwe.13Ndiliikumulembela, nimataata, nkaambo mulimuzi ooyo wakaliwo kuzwa kumatalikilo. Ndiliikumulembela, nibaalumi bakubusi, nkaambo mwakamuzunda mubi.14Ndiliikumulembela nibana bangu, nkaambo mulimuzi Taata. Ndiliikumulembela, nimataata, nkaambo mulimuzi wakaliwo kuzwa kumatalikilo. Ndiliikumulembela, nibaalumi bakubusi, nkaambo muli bayumu, alimwi ijwi lyaLeza lilikkalilide mulindinywe, alimwi mwakamuzunda mubi.15Mutayandi nyika nikuba zintu zilimunyika. Naa umwi wayanda nyika, luyando lulimbuli lwaTaata taluli mulinguwe pe.16Nkaambo kufumbwa zyoonse zilimunyika, kulombozya kwamubili akulombozya kwameso akulisumpula kwabuumi, tazizwi kuli Taata pesi munyika.17Alimwi nyika ilayinda, akulombozya kwayo, pesi ooyo uchita kuyanda kwaLeza ulakkalilila kwalyoonse.18Nibana bangu, chaba chiindi chamamanino, alimwi mbuli mbumwakamvwa kuti sikumukazya waKkirisitu ulasika, aboobo lino basikumukazya bakwe Kkirisitu basika kale, nkikaako tulizi kuti nchiindi chakumamanino.19Bakatuchija, pesi teebakali besu pe, nkaambo nikunga bakali besu, nikuli bakayinkilila anembo andiswe, pesi bakatuloboka, kuti chibe antanganana kuti boonse teebakali besu pe.20Pesi mwakananikwa aWusalala, alimwi moonse mulizi kasimpe.21Ndiliikumulembela, peepe ankaambo kakuti tamukazi pe kasimpe, pesi ankaambo kakuti mulikazi, alimwi mulizi kuti taakwe kubeja mukasimpe.22Eelyo ngwani mubeji? Ngooyo ukaka kuti Jesu nguuKkirisitu. Muntu uliboobo ngusikukazya Kkirisitu, ukaka Taata aMwana Mulombe.23Taakwe ukaka Mwana Mulombe ujisi Wisi. Ooyo uzumina Mwana Mulombe uli aWisi lubo.24Amulange eecho nchimwakamvwa kuzwa kumatalikilo chikkalilile mulindinywe. Kuti eecho nchimwakamvwa chakkalilila mulindinywe, eelyo muyookkalilila muMwana Mulombe amuli Wisi.25Alimwi eechi nchiinchicho nchakatusyomezya, kutupa buumi butamani.26Ndiliikumulembela zintu atala abaabo balikweezya kumuchenga,27pesi bunanike mbumwakatambula kuzwa kuli Kkirisitu bulikkalilide mulindinywe, alimwi takuchiyandi umwi muntu pe kuti amuyiisye, nkaambo bunanike bwakwe mbuumuyiisya atala azyoonse, alimwi nichoonzyo, mpawo taakwe kubeja pe, mbuli mbubwakamuyiisya, mukkalilile mulinguwe.28Alimwi lino, nibana, mukkalilile mulinguwe, kuchitila kuti naa waakuliboniya tukabe abusichaamba, alimwi tutakabi abweeme kukuboola kwakwe.29Naa kamuzi kuti uliluleme, muyooba achoonzyo kuti woonse uchita chibotu mwana waLeza.
The Word for the World International