MAAKO7
1Kuzwaawo bamwi Bafalisi abamayi bo Mulawo bakazwida ku Jelusalemu, bakabunganina Jesu.2Mpoonyina bakabona kuteeti bamwi basikwiiya bakwe balikulya kabatasalede kumaanza, kokuteeti taakwe nibakasambide kweendelana ecizo caba Juda.3Bafalisi a Bamajuda bacilizya ziisyo zyabasikale. Tabakonzyi kulya kabatasambide kumaanza kweendelana ecizo cabo.4Ape taakwe nibalikulya bazwa kumusika kabatana kulisalazya. Balacilizya ziisyo zyabasikale zinji mbuli mbobeelede kusanzya nkomoki, zibiya, mikeke yolubulo amalo .5Mpoonyina Bafalisi abamayi bo Mulawo bakabuzya Jesu kuteeti, “Ino niinzi basikwiiya bako tabacilili zyiisyo zyabasikale kono balya amaanza atasalede kweelana ecizo?”6Jesu wakataba kuteeti, “Ano Izaya zyaakamusinsima zyanconzyo! Mulibasikupaupa amenso, mbuli mbwakalemba kuteeti,‘Aaba bantu balandikuteka emilomo yabokono myoyo yabo ilikule amebo loko.7Taakwe cebandikombela,kaambo baiisya milawo yabantumbulikuteeti njiyangu!’8“Munyansya mulawo wa Leza okucilizya ziisyo zyabasikale benu.”9Mpoonyina Jesu wakazumanana kateeti, “Mukaka mulawo wa Leza kwiindila mukucenjela kwenu kuteegwa mucilizye ziisyo zyabasikale benu.10Ede Mozesi wakalailila kuteeti, ‘Kuteka bauso abanyoko,’ ape ‘Kufumbwa utuka baisi naanga banyina weelede kujaigwa.’11Kono mwiisya kuteeti na bantu kabajesi cebakonzya kubelesya kugwasya baisi naanga banyina, bacaambilizya kuteeti kobani, caamba kuteeti, ‘capegwa kuli Leza’,12kokuteeti mwabakasya kugwasya bazyali.13Mwanoiisya okusiila bamwi ziisyo zyabasikale benu, musowela ambali majwi aa Leza. Ape zinji zyemucita zili namu.”14Mpoonyina Jesu wakaita mbunga yabantu antoomwi ape okubaambila kuteeti, “Amuswiilizye noonseneni, mundimvwisisisye.15Taakwe cinjila mumuntu cizwaanze cipa kuteeti asofwaale, aati cizwa mumuntu.”16Ulamatwi amvwe. 17Nakazwa mubantu okwiinka mungʼanda, basikwiiya bakwe bakamukumbila kuteeti abapandulwide eeci cikozyanyo.18Jesu wakababuzya kuteeti, “Anywebo taakwe nimwamvwisisisya mbuli bamwi na? Tamuzi kuteeti taakwe cinjila mumuntu cizwaanze cipa kuteeti asofwaale?19Ede tacinjili mumoyo kono cinjila mwida okuyoozwa.” Mukwaamba namu, Jesu walikwaambilizya kuteeti, zilyo zyoonse zilakonzya kuligwa.20Wakazumanana kateeti, “Cisofwaazya muntu ceeco cizwa mulinguwe.21Ede mukati, komoyo wo muntu, momuzwa mizezo mibi, bulale-lale, bubbi, obujayi,22kucita bumambi, buunyu, okucita zibi zili zyoonse, bubeji, kutalikuteka, munyono, luvuyu, kulisumpula obufuba-fuba,23zibi zyoonse eezi zizwa mumuntu okumusofwaazya.”24Mpoonyina Jesu wakazwa fateni okwiinka kucilalaanda cilaafwiifwi etaindi pati lya Taila. Wakanjila mungʼanda, talikuyanda kuteeti bantu bazibe kuteegwa kwali, kono taakwe naakakonzya kulisisa.25Mwanakazi umwi waloomwana musimbi wakanjilidwe muuya mubi wakamvwa zya Jesu, mpoonya-mpoonya wakeza okuzoomufukamina.26Ooyu mwanakazi wali muzwamasi, wakazyalilwa mucilalaanda ca Fonisia mu Siliya. Wakakumbila Jesu kuteeti agwisye dimona mumwanaakwe.27Mpoonyina Jesu wakamutaba kuteeti, “Pili tusanine bana bakute, kaambo zilyo zyabana tazyeelede kusowela babwa.”28Mpoonyina wakamutaba kuteeti, “Simalelaangu, ede naanga babwa balalya buungululwa buzwa atafule alida bana.”29Mpoonyina Jesu wakamwaambila kuteeti, “Kaambo wataba namu, piluka kungʼanda, uyojana muuya mubi wazwa mumwanaako musimbi!”30Mpoonyina naakakusika kungʼanda, wakakujana mwana wakwe ulilede abulo kaliibide omuuya mubi wazwa.31Mpoonyina Jesu wakazwa kucilalaanda cizungulukide Taila okuyoinda mutaindi pati lya Sidoni. Kuzwaawo, wakaselela kuya kulwizi lwa Galileya kaya kucilalaanda ca Mataindi aali Kumi.32Kwali mwaalumi wakali cimuumu. Bamwi bantu bakamweeta kuli Jesu. Mpoonyina bakamukumbila kuteeti amukume amaanzaakwe.33Mpoonyina Jesu wakamugwisya abantu okumutola kumbali kuzwaawo wakamusyonka minwe mumatwi, okuswida, mpoonyina wakamujata kululimi mwaalumi ooyu.34Kuzwaawo wakalanga kujulu mpoonyina wakayeekesya, okwaamba kuteegwa, “Efata7:34 Ibbala lye “Efata” ci Alamaiki. Ooyu musyobo walikwaambolwa loko mucilalaanda ca Palestina muciindi ca Jesu.,” kokuteeti, “Sinkuka!”35Mpoonyinaawo matwi omwaalumi ooyu akasinkuka olulimi lwakwe lwakaangunuka okutalika kwamboola kabotu.36Mpoonyina Jesu wakalailila bantu kuteeti bataambili naanga muntu womwi zyacitika, mbwaalikuzumanana kubakasya kwaambila bantu, abo mbobakazumanana kwaambila bantu.37Bantu bakakomokwa loko okuteeti, “Zyoonseneni uzicita kabotu, mane ulaponya bacimuumu.”
The Seed Company