LUKA18
1Bumwi buzuba Jesu wakaambila basikwiiya bakwe cikozyanyo kubaisya kuteeti kabakomba nako yoonse kabatatyompwi.2Wakateeti, “Muliimwi taindi kwali mubetesi watali kuyowa Leza naanga kukuteka bantu.3Ape mutaindi ndyonyeelyo kwali mukamufu walikwiinkaanga kumubetesi ooyo okumwaambila kuteeti, ‘Ndilulamikile kaambo kangu osinkondoma!’4Kweciindi cilamfu, ooyu mubetesi walikumukakila kono kumamanino wakalyaamboozya kateeti, ‘Nekuteegwa siyoowi Leza naanga kukuteka bantu,5iino kaambo mwanakazi ooyu wandipenzya, ndilakalulamika kaambo kakwe, ndatacita namu, ulazumanana kundikatazya.’”6Mpoonyina Mwami wakateeti, “Amumvwe zyakaamba mubetesi utaluleme.7Ino Leza takoyoopa basale bakwe ciluleme, bamulilila lugwasyo masiku esikati na? Ino Leza inga waliyeha kubagwasya na?8Ndimwaambila kuteeti ulabapa bwaatuzi bululeme cokufwambaana. Kono ino Mwanoo Muntu asika uzoojana lusyomo anyika na?”9Kuzwaawo Jesu wakapa cikozyanyo eeci kubantu balikulimvwa kuteeti baliluleme okunyansilizya bamwi boonse.10Wakateeti, “Kwali baalumi bobile bakainka ku Ngʼanda ya Leza kuyookomba. Umwi wali Mufalisi umwi wali simutelo.11Mufalisi wakaima okukomba kalyaamba kuteeti, ‘Leza ndilakulumba mukuteeti tandili mbuli bantu boonse, tandili mufumpi, tandili muntu uutasyomeki, tandili simamambe naanga mbuli ooyu simutelo.12Ndiliimyaanga zyokulya mazuba obile munsondo, ape ndilakupa ecekumi kuli zyoonse zendijana.’13Kono simutelo wakaiminaale okukacilwa kulanga kujulu naalikukomba, kono walikulyuuma acamba kateeti, ‘Leza ndifwide mangʼeke, kaambo ndilisimucita zibi!’14Mpoonyina Jesu wakateeti ndimwaambila kuteeti, simutelo wakapiluka kungʼanda yakwe kalulamikidwe kutaamba Mufalisi.” Ndamwaambila cikozyanyo eeci kuteegwa muzibe kuteeti, “Boonse balisumpula bayootolwa ansi ape aabo balitola ansi bayoosumpulwa.”15Imwi nako, bamwi bantu balikweeta bana babo baniini kuli Jesu kuteeti azoobabike maanzaakwe amitwe okubaleleka. Basikwiiya bakwe nibakabona namu, bakanyemena bantu aaba.16Kono Jesu wakaita bana baniini kuteegwa baze kulinguwe okuteeti, “Amubaleke bana baniini baze kulindime, mutabakasyi kaambo Bwami bwa Leza mbwabantu babede mbulimbabo.17Ndimusyomezya kuteeti kufumbwa utikacilwe kutambula Bwami bwa Leza mbuli mwana muniini takoyoonjila mwateni.”18Bumwi buzuba, umwi musololi waba Juda wakabuzya Jesu kuteeti, “Omwiiyi mubotu, ino ndeelede kucita nzi kuteeti nditambule buumi butamani?”19Jesu wakamutaba kuteeti, “Ino niinzi nondiita kuteeti mubotu? Taakwe muntu mubotu aati feela Leza.20Ede uliizi milawo, ‘Utajayi, utaciti bumambe, utabbi, utabejekezyi umwi, utabeji, kuteka bauso abanyoko.’”21Mwaalumi ooyu wakataba kuteeti, “Yoonse eeyi milawo ndakaicilizya kuzwa kubwana.”22Mpoonyina Jesu naakamvwa namu wakamwaambila kuteeti, “Kucili cintu comwi coelede kucita. Uuzye zintu zyako zyoonse, mpoonyina mali ukape bapengede, notikabe obuvubi kujulu. Wazwaawo uze undicilile.”23Kono ooyu mwaalumi naakamvwa namu wakausa loko, kaambo walivubide loko ape taalikuyanda kubupa buvubi bwakwe.24Jesu naakabona kuteeti ooyu mwaalumi wausa wakateeti, “Ciyumu loko kubantu bavubide kuyoonjila mu Bwami bwa Leza.25Nconzyo cintu cuuba nkamela kwiinda muliinso lyendonga, kwiinda muntu uvubide kunjila mu Bwami bwa Leza.”26Mpoonyina bantu bakamumvwa bakabuzya kuteeti, “Ino mpoonyina ngwani ukonzya kufutulwa?”27Jesu wakataba kuteeti, “Citakonzyeki kubantu, kuli Leza cilakonzeka.”28Mpoonyina Pita wakateeti, “Langa! Twakasiya zyoonse zetujesi kukucilila.”29Mpoonyina Jesu wakabaambila kuteeti, “Iiyi, ndamusyomezya kuteeti kufumbwa wakasiya ngʼanda yakwe, na mwanakazaakwe, na bazyalwanyina, na bazyali bakwe, na bana bakwe kaambo ko Bwami bwa Leza30uyootambula mubunji mubuumi bwesunu ape uyootambula buumi butamani muciindi ciza.”31Mpoonyina Jesu wakatola basikwiiya bali kumi abobile kumbali okubaambila kuteeti, “Amuswiilizye! Tuya ku Jelusalemu ooko koziyoozuzikizigwa zyoonse zyakalembwa abasinsimi kujatikizya Mwanoo Muntu.32Bayoomwaaba mumaanza abamasi, aabo bayoomufubazika okumutuka okumuswida mate.33Bayoomukwabboola loko okumujaya, kono kwainda mazuba otatwe uyoobuka kuzwa kubafu.”34Kono basikwiiya ba Jesu taakwe nibakaamvwisisisya majwi aakwe kaambo alikubalyanganya cokuteeti taakwe nibakaziba zyaalikwaamba.35Jesu naakasika afwiifwi o Jeliko, umwi mwaalumi moofu wakede mumbali enzila kakumbilila.36Ooyu mwaalumi naakamvwa kuyoba kwe bbunga lyabantu lyalikwiinda, wakabuzya kuteeti, “Ino niinzi cicitika?”37Mpoonyina bakamwaambila kuteeti, “Ngu Jesu woku Nazaleta nguuyobwiinda.”38Mpoonyina wakoongolola kateeti, “Jesu! Mwanaa Deveti! Ndifwide mangʼeke!”39Mpoonyina bantu bali kunembo bakamupatookela okumwaambila kuteeti aumune, kono we naakoongololesya kateeti, “Mwanaa Deveti! Ndifwide mangʼeke!”40Jesu naakamumvwa, wakaima okulailila kuteeti ooyu mwaalumi bamweete kulinguwe. Naakaswena afwiifwi, Jesu wakamubuzya kuteeti,41“Ino uyanda kuteeti ndikucitile nzi?”
Wakataba kuteeti, “Mwami, ndiyanda kubonaape.”42Mpoonyina Jesu wakamwaambila kuteeti, “Ano kobona! Lusyomo lwako lwakuponya.”43Mpoonyinaawo wakakonzya kubona ape, okucilila Jesu okukayoobulumbaizya Leza. Bantu boonse nibakabona namu abo bakalumbaizya Leza.
Wakataba kuteeti, “Mwami, ndiyanda kubonaape.”42Mpoonyina Jesu wakamwaambila kuteeti, “Ano kobona! Lusyomo lwako lwakuponya.”43Mpoonyinaawo wakakonzya kubona ape, okucilila Jesu okukayoobulumbaizya Leza. Bantu boonse nibakabona namu abo bakalumbaizya Leza.
The Seed Company