LUKA10
1Kuzwaawo Mwami wakasala bamwi baalumi bali makumi aali ciloba abobile, okubatuma bobile-bobile kuteeti bainke kunembo lyakwe mumataindi oonse oomo mwaali kuyanda kwiinka.2Mpoonyina wakaambila basikwiiya bakwe kuteeti, “Bukutuzi mbunji kono bakukutula baceya. Amukombe kuli mukamwini bukutuzi kuteegwa atumine fateni bamwi bakutuzi kuzookutula.3Kamuya! Kono amumvwe! Ndimutuma mbuli mbelele akati kabaumpe.4Mutabwezi nkomo yamali naanga mpotomona nikuba zikatulu, ape mutaimi nako ndamfu kulumelesya muntu uuli woonse munzila.5Kufumbwa mungʼanda momuyoonjila, mukasaangune kwaamba kuteeti, ‘Akube luumuno kubantu boomuno mungʼanda.’6Nakuteeti mwajana siluumuno, kulumelesya kwenu koluumuno kuyoosyaalaawe, nakuteeti taakwe, kulumelesya kwenu koluumuno kuyoomupilukila.7Mukakale mungʼanda oomo, mukanywe okulya kufumbwa zibayoomupa, kaambo mubelesi weelede kuhola. Mutakalongi-longi kuzwaawa-aawa.8Kufumbwa mutaindi momuyooinka ape bantu bamutambula, mukalye zyemuyooyumbulwa.9Mukaponye balwazi oomo mutaindi, okwaambila bantu bomwateni kuteeti, ‘Bwami bwa Leza bwamusikila.’10Kono kufumbwa mutaindi momuyooinka ape bantu taakwe nibamutambula, mukainke mumigwagwa okwaamba kuteeti,11‘Esuko lyetaindi lyenu lyajatilide kumauleesu twalikunkumuna kuteeti cibe citondezyo cokumucenjezya, nekuba namu mutalubi kuteeti Bwami Bwa Leza bwasika.’”12Naakamana Jesu wakateeti, “Ndamwaambila kuteeti mubuzuba bobwaatuzi, Leza uyoomvwida loko mangʼeke kuli Sodoma kwiinda kuli eelyo taindi!”13Mpoonyina Jesu wakazumanana kateeti, “Maawe kulinywebo nobantu bomu Kolazini omu Bbetisaida! Kambe maleele akacitwa mumiinzi yenu akacitilwa mu Taila omu Sidoni, nibakeempa ciindi okuzwaata masaka. Nibakanana dota kutondezya kuteeti beempwa kuzibi zyabo.14Nekuba namu, Leza uyoomvwida loko mangʼeke kuli Taila o Sidoni kwiinda nywebo!15Iino yebo, Kapenaumu! Uyoonyamunywa kutolwa kujulu na? Nee! Uyoosowelwa ansi kucibaka cabafu.”16Kuzwaawo Jesu wakateeti kuli basikwiiya bakwe, “Ooyo uswiilizya ndinywe waswiilizya ndime, ooyo umukaka, wakaka ndime ape kufumbwa ukaka ndime, wakaka wakandituma.”17Nibakapiluka basikwiiya bali makumi aali ciloba abobile baliboteledwe loko, okuteeti, “Mwami, amadimona alatumvwida twaalailila kuteeti azwe muzina lyako.”18Jesu wakabataba kuteeti, “Iiyi, ndakabona Satani kazundwa okuwa mbuli lulabo kuzwa kujulu.19Amuswiilizye! Ndamupa nguzu kuteeti mukonzye kulyata nzoka o tubanze okuzunda nguzu zyoonse zyasinkondo, ape taakwe citikamucise nywebo.20Kono mutabotelwi kaambo kokuteeti myuuya mibi ilamumvwida, kono mubotelwe kaambo kokuteeti mazina eenu alilembedwe kujulu .”21Aciindi eeco Muuya Uusalala wakabotezya Jesu, mpoonyina Jesu wakateeti, “Tata, Mwami wejulu enyika! Ndakulumba kaambo watondezya batayiide zyowakasisila bayiide abasongo. Iiyi Tata eeci wakacicita kaambo mbuwakayanda kuteeti cibe namu.”22Mpoonyina Jesu wakateeti kubantu, “Tata wakandipa zintu zyoonse. Taakwe uumuzi Mwana kuteeti ngwani aati feela Isi, ape taakwe uumuzi Isi kuteeti ngwani aati feela Mwana aabo Mwana mbakasala kuteeti abayubunwide nguwe.”23Mpoonyina Jesu wakacebukila basikwiiya bakwe okubaambila kumbali kuteeti, “Mulilelekedwe kubona zintu eezi zyomubona!24Ndamwaambila kuteeti basinsimi banji abami balikuyandisisya kuzibona ezi zintu zyomubona kono bakakacilwa ape balikuyandisisya kumvwa zintu zyomumvwa, kono bakakacilwa.”25Imwi nako mwiiyi wo Mulawo wakeza kuli Jesu okusola kumuca kateeti, “Omwiiyi mubotu, ino ndeelede kucita nzi kuteegwa nditambule buumi butamani?”26Jesu wakamutaba kuteeti, “Ino Malembo aamba kuteeti nzi? Ino waapandulula buti?”27Mpoonyina mwaalumi wakateeti, “‘Yanda Mwami Leza wako omoyo wako woonse, omuuya wako woonse, enguzu zyako zyoonse, emizeezo yako yoonse’ ape yanda muntunyoko mboonyina mboliyanda.”28Jesu wakamutaba kuteeti, “Waamba kabotu. Cita mboonyina namu, uyooboo buumi.”29Kono mwiiyi wo Mulawo mukuyanda kulisalazya, wakabuzya Jesu kuteeti, “Ino ngwani muntuma ngondeelede kuyanda?”30Mpoonyina Jesu wakataba kuteeti, “Imwi nako kwali umwi mwaalumi wali mumusinzo kuzwa ku Jelusalemu kaya ku Jeliko. Munzila bafumpi bakamulwana, kumutubula, okumuuma okumusiya kayuminide.31Kuzwaawo, kwakeza mupaizi umwi kayoobweenda munzila njoonyeeyo, kono naakabona mwaalumi ooyu, wakamuleya.32Awe mu Levi naakasika acibaka eeco wakamubona mpoonyina wakamuleya.33Kono mu Samaliya walimumusinzo wakasika aali mwaalumi ooyu. Naakamubona wakamufwida mangʼeke.34Mpoonyina wakamwiinkila okutila waini azilonda zyakwe okumunanika mafuta mpoonyina okumuzambaila zisila. Amane wamutansika ambongolo yakwe okumutola kungʼanda yabeenzu, ooko kwaakakumubabalela.35Buzuba bwakacilila mu Samaliya wakapa mwini ngʼanda yabeenzu mali omuwaya-waya we nsiliva obile okumwaambila kuteeti, ‘Umubabalele kabotu, nakuteeti ubelesye ainda aawa, ndaakupiluka ndizookubbadela.’”36Mpoonyina Jesu wakamaninizya kateeti, “Ino mumuzeezo wako, ngwani aalaaba bamaalumi botatwe wakaba muntunyina mubotu kulooyu mwaalumi wakalwanwa abafumpi?”37Mwiiyi wo Mulawo wakataba kuteeti, “Ngooyo wakamufwida mangʼeke.”
Mpoonyina Jesu wakamutaba kuteeti, “Mbombubo, iino koya ukacite mboonyina namu.”38Jesu abasikwiiya bakwe nibali mumusinzo, wakasika amuunzi alikukala mwanakazi wezina lya Maata, wakamutambula mungʼanda yakwe.39Maata wajesi muzyalwanyina wezina lya Maliya, wakakede ansi kumbali o Jesu kaswiilizya zyaalikwiisya Jesu.40Maata wakabijilwa kaambo kemisebezi yakamuvulila njalikweelede kucita, mpoonyina wakeza kuli Jesu okwaamba kuteeti, “Mwami tobwene kuteeti muzyalwama wandilekelezya misebezi na? Mwaambile aze andigwasye.”41Mpoonyina Jesu wakateeti, “Maata, Maata! Ulakatazigwa ape ulabilaila ezintu zinji.42Kono kuyandika feela cintu coomwi. Maliya wasala cilikabotu, ape takooyoonyangwa.”
Mpoonyina Jesu wakamutaba kuteeti, “Mbombubo, iino koya ukacite mboonyina namu.”38Jesu abasikwiiya bakwe nibali mumusinzo, wakasika amuunzi alikukala mwanakazi wezina lya Maata, wakamutambula mungʼanda yakwe.39Maata wajesi muzyalwanyina wezina lya Maliya, wakakede ansi kumbali o Jesu kaswiilizya zyaalikwiisya Jesu.40Maata wakabijilwa kaambo kemisebezi yakamuvulila njalikweelede kucita, mpoonyina wakeza kuli Jesu okwaamba kuteeti, “Mwami tobwene kuteeti muzyalwama wandilekelezya misebezi na? Mwaambile aze andigwasye.”41Mpoonyina Jesu wakateeti, “Maata, Maata! Ulakatazigwa ape ulabilaila ezintu zinji.42Kono kuyandika feela cintu coomwi. Maliya wasala cilikabotu, ape takooyoonyangwa.”
The Seed Company