Misebezi ya Baapositola25
1Iino nikwakainda mazuba otatwe Fesitasi katalikide musebezi wakwe wobuleli mucooko, wakazwa ku Sizeliya okwiinka ku Jelusalemu.2Mpoonyina bapaizi basilutwe abasololi ba Majuda bakamuzida okweeta milandu njibalikutamizya Paulu okukumbila Fesitusi kuteeti3abacitile cimwi cintu cokubabotezya, kwiindila mukulailila basilumamba kuteeti beete Paulu ku Jelusalemu kaambo balaamakanze okumujaya munzila.4Kono Fesitasi wakabataba kuteeti, “Paulu ulimuntolongo ku Sizeliya, mane aawa ndiyoobupiluka kwateni ceenaawa.5Amuleke basololi benu bainke amebo ku Sizeliya kuteegwa bakeete twaambo twabo kujatikizya nguwe nakuteeti mwaalumi ooyu kulicibi caakacita.”6Fesitasi wakakala ambabo mu Jelusalemu kwamazuba ali lusele na kumi mpoonyina wakapiluka ku Sizaliya abasololi. Buzuba bwakacilila wakakala acibbula cobwaatuzi munkuta okulailila kuteeti Paulu bamweete.7Paulu naakasika, Majuda bakazwida ku Jelusalemu bakamuzinguluka okutalika kumutamizya milandu mipati njibatalikukonzya kutondezya kuteeti na yali yenconzyo.8Mpoonyina Paulu wakaliiminina kateeti, “Taakwe cibi cindakacita kujatikizya Mulawo we Cijuda naanga Ngʼanda ya Leza naanga Kaisala Muleli Mupati waba Loma.”9Kono mukuyanda kubotelezya Majuda, Fesitasi wakabuzya Paulu kuteeti, “Ino inga wayanda kwiinka ku Jelusalemu kuteegwa ndikakuzekesye kumilandu eeyi na?”10Paulu wakateeti, “Ndiimvwi munkuta yobubetesi bwa Kaisala Muleli waba Loma oomo mondeelede kuzekesigwa. Taakwe cindakabisizya Majuda mbuli mbomuzi kabotu-kabotu.11Nakuli cindakacita ceelede kuteeti ndijaigwe, tandiciji kufwa, kono nakuteeti zyebali mukunditamizya tainsi zyenconzyo, taakwe ukonzya kundaaba mumaanza aaba bantu kubabotezya. Iino ndakatola kaambo kangu kuli Kaisala.”12Mpoonyina Fesitasi naakamana kwaamboozyanya abalailili bakwe, wakataba Paulu kuteeti, “Mbuli mbuwakatola kaambo kako kuli Kaisala, kokuteeti uyooinka kuli Kaisala.”13Imwi nako mwami Agilipa o mucizaakwe Bbenisi bakeza mu Sizeliya kuzoopotela Fesitasi okuyoomulumelisya kaambo wali muleli mupya.14Nibacili mu Sizeliya kwamazuba manji, Fesitasi wakalungululwida Mwami kaambo koonse ka Paulu kuteegwa amvwe mizeezo yo Mwami kateeti, “Muleli Felekisi wakasiya umwi mwaalumi muntolongo.15Nindakainka ku Jelusalemu bapaizi basilutwe abamaalu bakaakumutamizya milandu minji okundikumbila kuteeti ooyu muntu ndimujane omulandu.16Iino ndakabataba kuteeti taciinsi cilengwa cesu to Maloma kwaaba muntu aati kuteeti wapegwa nako yokuliiminina kunembo lyaba sikumutamizya.17Nibakasika ku Sizeliya taakwe nindakasowa nako kono buzuba bwakacilila ndakakala acibbula cobwaatuzi okulailila kuteeti Paulu eetwe.18Basikumutamizya nibakaima, bakamutamizya zintu zinji kono taakwe nibakamutamizya zintu zindakali kuyeeyela kuteeti inga bamutamizya.19Bajesi feela kukazyana abukombi bwabo ape aamwaalumi uteegwa Jesu wakafwa, ooyo we Paulu ngwaali kuteeti ulapona.20Ndakajana buyumu-yumu kujana luzibo amakani aaya. Mpoonyina ndakabuzya Paulu kuteeti na inga wayanda kwiinka ku Jelusalemu kuteegwa bakaakumuzekesezye kwateni amakani aya.21Kono Paulu wakakumbila kuteeti abambwe kuli basilumamba kusikila mane Kaisala akakalange kaambo kakwe. Mpoonyina ndakalailila kuteeti, kacibambidwe kusikila mane ndizomutumizye kuli Kaisala.”22Mwami Agilipa wakateeti, “Ndiyanda kumumvwa lwangu.”
Mpoonyina Fesitasi wakataba kuteeti, “Uzoomumvwa junza.”23Buzuba bwakacilila Agilipa o Bbenisi bakasika mubulemu bupati okunjila mungʼanda mpati yokubunganina abolupati-pati babasilumamba abeendelezi betaindi pati. Kumane Fesitasi wakalailila kuteeti Paulu bamweete. Mpoonyina Paulu bakamweeta.24Fesitasi wakateeti, “O mwami Agilipa anywebo noonse nomulaano, mwamubona ooyu mwaalumi, Majuda boonse muno mu Sizeliya oku Jelusalemu ngoba jesilidi matongoosi. Boongololaanga kuteeti teelede kuteeti kacipona.25Kono ndakajana kuteeti ooyu muntu taakwe caakacita kuteeti ajaigwe. Iino mbokunga kaambo kakwe wakakatola kuli Kaisala, ndakayeeya kuteeti atolwe kulinguwe ku Loma.26Kono mebo tandijesi ceni-ceni cokulembela mwami wangu zijatikizya Paulu cindateeti ndimweete kulindiwe o mwami Agilipa, wamana kuvuntoozya mumulandu ooyu mwendi ndilabaa ecokulemba,27kaambo citondezya kubula maano kutuma mwaange kotalembede mulandu ngwajesi.” Agilipa o Fesitasi Bazekesya Paulu
Mpoonyina Fesitasi wakataba kuteeti, “Uzoomumvwa junza.”23Buzuba bwakacilila Agilipa o Bbenisi bakasika mubulemu bupati okunjila mungʼanda mpati yokubunganina abolupati-pati babasilumamba abeendelezi betaindi pati. Kumane Fesitasi wakalailila kuteeti Paulu bamweete. Mpoonyina Paulu bakamweeta.24Fesitasi wakateeti, “O mwami Agilipa anywebo noonse nomulaano, mwamubona ooyu mwaalumi, Majuda boonse muno mu Sizeliya oku Jelusalemu ngoba jesilidi matongoosi. Boongololaanga kuteeti teelede kuteeti kacipona.25Kono ndakajana kuteeti ooyu muntu taakwe caakacita kuteeti ajaigwe. Iino mbokunga kaambo kakwe wakakatola kuli Kaisala, ndakayeeya kuteeti atolwe kulinguwe ku Loma.26Kono mebo tandijesi ceni-ceni cokulembela mwami wangu zijatikizya Paulu cindateeti ndimweete kulindiwe o mwami Agilipa, wamana kuvuntoozya mumulandu ooyu mwendi ndilabaa ecokulemba,27kaambo citondezya kubula maano kutuma mwaange kotalembede mulandu ngwajesi.” Agilipa o Fesitasi Bazekesya Paulu
The Seed Company