Misebezi ya Baapositola23
1Paulu wakabalangisisya Benkuta Mpati ya Majuda okuteeti, “Nobazyalwama! Sizumboozyi mumoyo wangu obuumi mbundapona kuli Leza kusika sunu.”2Mpoonyina Mupaizi Mupati wezina lya Ananiyasi wakalailila bali afwiifwi o Paulu kuteeti baume Paulu kumulomo.3Mpoonyina Paulu wakateeti, “Yebo oosikuupaupa amenso , Leza ulakuuma ayibo! Ukede aawo kundaatula kweelana o Mulawo kono ndiwenya utyola Mulawo kwiindila mukwaambila bantu kuteeti banduume!”4Aabo bali afwiifwi o Paulu bakateeti, “Yebo! Utukila Mupaizi Mupati wa Leza.”5Paulu wakataba kuteeti, “Nobazyalwama, tindalizi kuteeti Mupaizi Mupati. Malembo aamba kuteeti, ‘Utaambooli zibi amusololi wa bantu bako.’”6Iino Paulu naakabona kuteeti mu Nkuta Mpati eeyi bamwi bali ba Saduki bamwi bali Bafalisi wakoongolola kateeti, “Nobazyalwama, ndili Mufalisi, mwanaa Bafalisi . Ndiimvwi aano okwaatulwa kaambo kobulangizi bokubuka kuzwa kubafu!”7Naakaamba feela namu, Mafalisi aba Saduki bakatalika kukazyana. Mpoonyina Nkuta yakaanzana,8kaambo Basaduki tabazumini kuteeti bantu bayoobuka kuzwa kubafu ape tabasyomi kuteeti kuli bangelo na muuya, kono bo Mafalisi balasyoma muli eezi zyotatwe zyoonse.9Kuyoba kwakaindilizya mpoonyina bamwi bamayi bo Mulawo balikuzulilwa kukabunga ka Mafalisi bakaima okukazya loko kabateeti, “Taakwe cibi citwajana mumwaalumi ooyu. Ino na kuteeti muuya na mungelo wamwaamboozya?”10Kukazyanya nikwakakomena, mweendelezi mupati wabasilumamba wakazooyoowa kuteeti bantu inga bamukwamoona muzipanzi panzi Paulu. Mpoonyina wakaambila basilumamba kuteeti bainke mubantu oomo okumubweza Paulu kuteegwa bamutole ooko kukala basilumamba.11Aayo masiku ngoonyina, Mwami wakeza okwiima afwiifwi o Paulu okuteeti, “Utayoowi! Mboonyina mbuwapa bumboni alindime mu Jelusalemu, oku Loma weelede kuyoocita mboonyina namu.”12Nibwakaca bamwi Majuda bakaswaangana okukanza kujaya Paulu. Bakakonkezya kuteeti tabakoolya naanga kunywa aati bamujaye Paulu.13Bakayeeya kucita namu balikwiinda makumi one.14Mpoonyina bakainka kubapaizi basilutwe abamaalu okuteeti, “Swebo twakonkezya kuteeti tatukoolya na kunywa cintu mane Paulu tumujaye.15Iino nywebo abe Nkutanyoko, amutume majwi ku mweendelezi mupati wabasilumamba ba Maloma, mucite mbuli kuteeti kulizyemuyanda kumvwisisisya zijatikizya Paulu. Tulilibambilide kumujaya katana sika afwiifwi ecibaka cino.”16Kono mujwa wa Paulu wakaamvwa makanze aaya mpoonyina wakainka kukala basilumamba okuyaambila Paulu.17Mpoonyina Paulu wakaita umwi wa beendelezi babasilumamba okumwaambila kuteeti, “Mutole ooyu musyimani kumweendelezi mupati wabasilumamba, kuli zyajesi zyayanda kwaamba.”18Mpoonyina ooyu mweendelezi wabasilumamba wakamutola kumweendelezi mupati okuteeti, “Sintolongo Paulu walindiitide okundikumbila kuteeti ndeete ooyu musyimani kulindiwe kaambo kulizyajesi zyayanda kukwaambila.”19Mweendelezi mupati wabasilumamba wakamujata kujanza okumukwelela ambali kubakakuba bobile feela okuteeti kulinguwe, “Ino niinzi coyanda kundaambila?”20Wakateeti, “Beendelezi Majuda bamvwana kuteeti junza bazookukumbile kuteeti uzootole Paulu ku Benkuta Mpati mbulikuteeti kuli zyebayanda kuzibisisya amakani akwe.21Utakazizumini eezi zintu kaambo kuli baalumi bainda makumi one bayuba kulindila kuteeti bamujaye. Bakakonkezya kuteeti tabakoolya naanga kunywa cintu kusikila mane bamujaye Paulu. Iino balilibambilide, balindila feela muzeezo wako.”22Mpoonyina mweendelezi mupati wabasilumamba wakaambila ooyu musyimani kuteeti, “Eeyi nkani utaambili umbi nee.” Mpoonyina wakamuleka kuteegwa ainke.23Mpoonyina mupati wabasilumamba wakaita beendelezi babasilumamba bobile okubaambila kuteeti, “Amubambe basilumamba bali myanda yobile, bainke ku Sizeliya antoomwi abasimbizi bali makumi aliciloba ape aba simasumo bali myanda yobile. Mulibambile kunyamuka sunu masiku awoola lyafuka.24Mumubambile mbizi anguwe Paulu kuteegwa atolwe kabotu kumuleli Felikisi .”25Mpoonyina mupati wabasilumamba wakalemba lugwalo luteeti,26“Ndime Kolodiyasi Lisiyasi, ndilembela ndinwe nomulemekwa, nobaleli ba Felikisi. Ndamulumelisya.27Ooyu mwaalumi Majuda bakamujata, kwasyeede aniini kuteeti bamujaye. Iino nindakaziba kuteeti muna Loma, ndakainka abasilumamba kuyoomuvuna.28Mukuyandisisya kuziba mulandu ngubakamupa ooyu muntu, ndakamutola ku Nkuta Mpati ya Majuda.29Ndakaakujana kuteeti ooyu muntu taakwe mulandu wokuteeti mane ajayigwe na kusowelwa muntolongo, balikumutamizya mumibuzyo kujatikizya emilawo yabo.30Nindakazoambilwa kuteeti kuli makanze ookumujaya, cokufwambaana ndakamutuma kulindinwe okwaambila basikumutamizya kuteeti baze bazoomwaambile zyebatamizya Paulu.”31Mpoonyina basilumamba kweelana ambobakalaililwa, bakabweza Paulu okumutola kutaindi pati lya Antipatilisi amasiku.32Buzuba bwakacilila basilumamba baansi bakapiluka kubalikukala, mpoonyina basimbizi bakazumanana o Paulu33okumutola ku Sizaliya, kubakaakupa muleli lugwalo okusiya Paulu mumaanzaakwe.34Muleli wakalubala lugwalo okubuzya Paulu kuteeti, “Ino uzwa kucooko nzi?” Paulu wakataba kuteeti, “Ndizwa ku Silisiya.”35Muleli wakamwaambila kuteeti, “Ndizoumvwa mulandu wako basikukutamizya bazooza.” Mpoonyina wakalailila kuteeti bamumamele okumubika mungʼanda yobwami njakasiya mwami Helodi.
The Seed Company