Misebezi ya Baapositola21
1Twakalaizyanya abamaalu katutaboteledwe, mpoonyina twakanjila mumugolo mupati twakalulama kwiinka kunsumbu ya Kosi, buzuba bwakacilila twakainka kunsumbu ya Lodesi kuzwaawo twakainka kutaindi lya Patala.2Ooko twakaakujana mugolo mupati walikuzubuka kwiinka ku Fonisiya, mpoonyina twakautanta okwiinka.3Nitwakaakusika acibaka mpitwalikubona nsumbu ya Saipulasi twakainda kumusanza wayo okwiindilila kwiinka ku Siliya. Twakaakwiima acito ca Taila kaambo kwali zyalikuselusigwa kuzwa mumugolo mupati.4Twakayandoola basyomi, nitwakabajana twakakala ambabo nsunda yomwi. Basyomi aaba kwiindila munguzu zyo Muuya wa Leza bakainduluka kunoambila Paulu kuteeti atakasyati gulu ku Jelusalemu. 5Kono nako yokuba ambabo niyakamana twakanyamuka okwiinka. Basyomi boonse, abanakazi babo antoomwi abana bakatusindikila kutugwisya mutaindi mane kuyootusisya kunkomwe yo lwizi kutwakakufugama okukomba antoomwi.6Twakalaizyanya umwi oumwi mpoonyina twakanjila mumugolo mupati kumane bo bakapiluka kumaandaabo.7Twakazumanana omusinzo wesu wokuzwa ku Taila okwiinka kutaindi pati lya Pitolemaisi okuya twakaakulumelesya basyomi okukala buzuba bomwi.8Buzuba bwakacilila twakanyamuka kwiinka ku Siziliya, twakaakusikila kungʼanda ya Filipo muvangeli. Filipo wali umwi waabo bagwasilizi bali ciloba bakasalwa ku Jelusalemu.9Walaa bana banakazi balikusinsima bone batakakwetwe.10Twakakala mazuba manji mungʼanda ya Filipo mpoonyina kwakasika umwi musinsimi uteegwa Agabbasi kuzwa ku Judiya.11Wakazoobweza lukanda lwa Paulu okulyanga kumaanza okumaulu kateeti, “Muuya Uusalala waamba kuteeti mukamwini lukanda oolu Majuda bayoomwaanga mboonyina namu ku Jelusalemu ape okumwaaba ku Bamasi.”12Nitwakamvwa eeci swebo abamwi basyomi bookuno twakatalika kumukumbila Paulu kuteeti atainki ku Jelusalemu.13Kono we wakateeti, “Niinzi cemucita mwanoolila namu okutyompya moyo wangu? Tamuzi kuteeti ndililibambilide kutali kwaangwa feela kono okufwida zina lyo Mwami Jesu mu Jelusalemu?”14Nitwakakacilwa kumukasya, twakaamba feela kuteeti, “Alucitike luyando lwa Leza.” Mpoonyina twakaumuna.15Nitwakakala-kala twakabweza zintu zyesu okutalikizya kwiinka ku Jelusalemu.16Bamwi basyomi boku Siziliya bakainka aswebo okututola kungʼanda ya Munasoni kutwalikweelede kukala. Ooyu Munasoni walikuzwa ku Saipulasi, ape wali musyomi kuzwa eciindi.17Nitwakasika mu Jelusalemu basyomi bakatutambula amaanza obile omoyo omwi.18Mpoonyina buzuba bwakacilila Paulu antoomwi aswebo twakainka kuyoopotela Jemusi abamaalu boonse bembungano baliwo.19Paulu naakamana kubalumelesya wakabapa bupanduluzi bukwene kutondezya Leza mbwaalikubeleka kwiindila mubukamboosi bwakwe akati ka Bamasi.20Nibakamana kumuswilizya bakalumbaizya Leza, mpoonyina bakateeti, “Omuzyalwama, walibonena omukamwini zyuulu-zyuulu zya Majuda bakasyoma ape okulyaaba cokumaninina ku Mulawo wa Mozesi.21Bakaambilwa zitainsi zyenconzyo kuteeti uyiisya Majuda bakala muzisi zya Bamasi kuteeti basiye Mulawo wa Mozesi okubaambila kuteeti batanoopaluli bana babo naanga kucilila zizo zyesu.22Ino tulacita buti? Nconzyo kumvwa balamvwa kuteeti wakasika.23Ceeci cotuyanda kuteeti ucite, okuno kuli baalumi bone bakali konkezya.24Koya ambabo ukalisalazye ape ukababbadelele mali ayandika kuteegwa bakagelwe masusu aabo. Kwacitwa namu bantu boonse baakubona eeci bayooziba kuteeti makani ngibakamvwa alindiwe tainsi anconzyo kono yebo ucilizya Mulawo wa Mozesi.25Iino kujatikizya nkani ya Bamasi bakasyoma, mbulimbozi, twakabalembela lugwalo mutwakabalailila kuteeti batanolya nyama yakabelesegwa mukukomba mituni na kulya gazi na kulya banyama bakasinwa ape bataciti bumambe kuteeti bakale kabotu.”26Mpoonyina Paulu wakainka okubabweza okuyoolisalazyaabo buzuba bwakacilila, mpoonyina wakainka mulabba lye Ngʼanda ya Leza okupa cizibisyo ceciindi nibayoomana kulisalazya ecituzyo coumwi oumwi neciyoopegwa.27Mazuba aliciloba naali afwiifwi okumana, bamwi Majuda bakazwida kucooko ca Eziya nibakamubona Paulu mulabba lye Ngʼanda ya Leza bakayunga bantu boonse okumujata.28Mpoonyina bakoongolola kabateeti, “Nobana Izilaili, amutugwasye! Ooyu mwaalumi nguuli mukwiinka muzibaka zyoonse, wiisya bantu boonse kubukila bana Izilaili, o Mulawo wa Mozesi e Ngʼanda ya Leza. Atala eezi zyoonse, weeta a Bamasi mucibaka celabba lye Ngʼanda ya Leza cakabambilwa feela Majuda okusofwaazya eeci cibaka cisalala!”29Bakaamba namu kaambo bakali mubwene imwi nako Tilofimasi woku Efeso o Paulu mutaindi, mpoonyina bakayeeya kuteeti Paulu wakamunjizya mucibaka celabba lye Ngʼanda ya Leza cakabambilidwe Majuda.30Iino taindi pati lyoonse lyakayungwa mpoonyina bantu boonse bakazuzila antoomwi okuyoomujata Paulu okumukuluntila anzee labba lye Ngʼanda ya Leza mpoonya-mpoonya emilyango yoonse yakajalwa.31Dwi lyabantu nilyali kuyanda kujaya Paulu cizibisyo cakatumwa kumweendelezi mupati waba silumamba be Ciloma kuteeti taindi pati lyoonse lya Jelusalemu lilimumanyongwe.32Mpoonya-mpoonya mweendelezi mupati wakabwezelezya beendelezi baba silumamba abasilumamba okuzuzila kwali mbunga. Bantu nibakabona mweendelezi mupati aba silumamba bakaleka kumuuma Paulu.33Mpoonyina mweendelezi mupati wakainka kuli Paulu okumujata okulailila kuteeti bamwaange amaceni obile, mpoonyina wakabuzya kuteeti, “Ino ngwani ooyu mwaalumi ape wacita nzi?” Paulu a Basilumamba beci Loma a Basikumutamikizya34Bamwi mumbunga bakaamba cimwi abamwi bakaamba cimwi. Mweendelezi mupati wakakacilwa kuziba cakacitika kaambo kamanyongwe mapati. Mpoonyina wakalailila kuteeti batole Paulu kukala basilumamba.35Nibakasika amatantilee ngʼanda basilumamba bakamutemba Paulu kumukwabilila kaambo kokubbebba kwe mbunga.36Boonse balikuyoobumucilila, kaboongolola kuteeti, “Amumujaye! Amumujaye!”37Basilumamba nibali kuyanda kumunjizya mubalikukala, Paulu wakakumbila mweendelezi mupati kateeti, “Ndikumbila kwaamboola ayebo.”
Wakakomokwa okumubuzya kuteeti “Ino ulicizi Cigiliki?38Ndalikuyeeya kuteeti ndiwe uulya muna Ijipiti wakabusya lupyopyongano kusule oku okusololeda zyuulu zyone zye zigebenga munkanda. Tainsi ndiwe na?”39Paulu wakataba kuteeti, “Nee, ndili Mujuda muna Tasisi , taindi pati likutekwa mu Silisiya. Ndikumbila kuteeti ndaamboole abantu.”40Mpoonyina mweendelezi mupati wakamuzumizya. Kuzwaawo Paulu wakaima amatantilee ngʼanda okunyamuna janza kuteegwa bantu baumune. Nibakaumuna wakaamboola ambabo mu Cijuda.
Wakakomokwa okumubuzya kuteeti “Ino ulicizi Cigiliki?38Ndalikuyeeya kuteeti ndiwe uulya muna Ijipiti wakabusya lupyopyongano kusule oku okusololeda zyuulu zyone zye zigebenga munkanda. Tainsi ndiwe na?”39Paulu wakataba kuteeti, “Nee, ndili Mujuda muna Tasisi , taindi pati likutekwa mu Silisiya. Ndikumbila kuteeti ndaamboole abantu.”40Mpoonyina mweendelezi mupati wakamuzumizya. Kuzwaawo Paulu wakaima amatantilee ngʼanda okunyamuna janza kuteegwa bantu baumune. Nibakaumuna wakaamboola ambabo mu Cijuda.
The Seed Company