Misebezi ya Baapositola18
1Kuzwaawo Paulu wakazwa ku taindi pati lya Atenesi okwiinka ku taindi pati lya Kolinto.2Kwaakakujana Mujuda uteegwa Akwila, wakazyalilwa ku Pontiyasi. We amwanakazaakwe Pulisila bakazwide aakuzwa ku Itali kaambo Kulodiyasi Kaisala Muleli Mupati waba Loma wakalailila kuteeti Majuda bazwe mu Loma taindi pati lya Itali. Paulu wakainka kuyoobapotela,3okuyookala okubeleka ambabo kaambo walikubeleka musebezi wokuluka mateente mboonyina mbuli mbabo.4Nsabata-ensabata Paulu walikwaamboozyanya a Majuda a Magiliki mucikombelo kusola kuteeti basyome muli Jesu.5Iino Sailasi o Timoti nibakasika kuzwa ku Masedoniya Paulu wakaleka musebezi wakwe wokuluka mateente okupa nako yakwe yoonse kukukambooka majwi, kaambila Majuda kuteeti Jesu ngu Mesiya.6Nibakamukazya okwaamba zintu zibi alinguwe wakatondezya kuteeti tacikwe ntuso ambabo kwiindila mukututula zizwaato zyakwe kateeti, “Mwalijazya nobeni, mebo tandikwe mulandu nee! Kuzwa iino ndiinka kuli Bamasi.”7Mpoonyina Paulu wakazwa kucikombelo okwiinka ku ngʼanda ya Titiyasi Jusitasi Wamasi wali kukomba Leza. Ngʼanda yakwe yali afwiifwi ecikombelo.8Iino umwi mwaalumi wezina lya Kilisipasi mweendelezi wecikombelo, we aboonse bengʼanda yakwe, abamwi bantu banji bomu Kolinto bakamvwa zyalikwaamba Paulu okusyoma mu Mwami okubbabbatizigwa.9Busiku bumwi Paulu wakabona cilengaano, Mwami mwaakamwaambila kuteeti, “Utayoowi, kono zumanana kukambooka, utaleki,10kaambo ndilaandiwe ape taakwe uyookulwaana okukucisa kaambo ndilaabantu banji mulilino taindi.”11Mpoonyina Paulu wakakala mu Kolinto mwaaka emyeezi iili cisambomwi kalimukwiisya bantu majwi a Leza.12Iino Galiyo naakazooba muleli we cooko ca Akaya, Majuda bakeza antoomwi okujata Paulu okumweeta kunembo yomuleli Galiyo kuzoatulwa,13kabateeti, “Ooyu mwaalumi uyembulula bantu kukomba Leza munzila iteendelani omulawo!”14Paulu uciyanda feela kwaamboola, Galiyo wakaambila Majuda kuteeti, “Nikwali kuteeti ninkani yomulandu naanga kulubizya nindakumvwa kutongooka kwenu, no Majuda.15Kono kaambo kokuteeti ninkani yokukazyanya amajwi, amazina omulawo wenu feela, nywebo no Majuda amukazibambe nobamukamwini! Tandiyandi kwaatula zili namu.”16Mpoonyina wakabatandila anze lye nkuta.17Mpoonyina Majuda bakajata Sositenesi mweendelezi wecikombelo okomuumina kunembo lye cibbula cobwaatuzi. Kono we Galiyo wakazilaanzya feela meenso eezi.18Nizyakainda eezi, Paulu wakakala abasyomi mu Kolinto kwamazuba manji, mpoonyina wakalaizya okubasiya okwiinka ku Kenkiliya antoomwi o Pulisila o Akwila. Okuya wakagezya masusu aakwe kaambo kokukonkezya kuli Leza kwaakacitide. Mpoonyina bakagama ku Siliya omugolo mupati.19Nibakasika mu Efeso Pulisila o Akwila bakakala mwateni. Paulu kaacili mu Efeso wakainka kucikombelo okutalika kwaamboozyanya a Majuda.20Bantu bakamukumbila kuteeti kaacikede-kede kwamazuba ambabo kono taakwe naakazumina.21Naakayanda kwiinka wakateeti, “Ndiyoopiluka kulindinywe nakuteeti Leza akacizumizye” Amane wakatanta mumugolo okuzwa ku Efeso.22Naakakusika ku Siziliya wakainka ku Jelusalemu okuyoolumelesya mbungano mpoonyina wakainka ku Antiyoki.23Naakakala-kala mu Antiyoki wakazwa okwiinda mucooko ca Galatiya eca Fuligiya kayoobuyumya-yumya basyomi boonse.24Kweeyo nako Mujuda we zina lya Apolosi wakazyalilwa mu Alekizandiliya wakeza mu Efeso. Walizi kwaamboola kabotu ape walooluzibo lwa Malembo.25Walilailidwe munzila yo Mwami, wakakambooka okwiisya kabotu zyenconzyo zya Jesu cokuyandisisya nekuba kuteeti wakezi feela lubbabbatizyo lwa Joni. 26Wakatalika kwiisya obusicamba mucikombelo. Pulisila o Akwila nibakamumvwa bakamutola kumbali okumulungulwida nzila ya Leza kabotu-kabotu.27Kuzwaawo Apolosi wakayeeya kwiinka ku Akaya, mpoonyina basyomi boku Efeso bakamukulwaizya okulembela basyomi boku Akaya kubaambila kuteeti bamutambule. Naakakusika wakabagwasya loko aabo bali basyomi kwiindila muluzyalo lwa Leza.28Apolosi wakabazunda Majuda mukukazyanya kwakwe ambabo kupati antangalala. Wakabapa bumboni kwiindila mu Malembo bokuteeti Jesu ngu Mesiya.
The Seed Company