Misebezi ya Baapositola16
1Mpoonyina Paulu wakainka ku Delebbe oku Lisitila, ooko kwakali musyomi walikwiitwa kuteeti Timoti. Banyina bali basyomi be Cijuda kono baisi bali Magiliki.2Boonse basyomi bomu Lisitila omu Ikoniyamu balikwaamba zintu zibotu ali Timoti.3Paulu walikuyanda kumubwezelezya mpoonyina wakamupalula. Wakacita namu kaambo boonse basyomi be Cijuda balikukala muzibaka eezyo balizi kuteeti isi wa Timoti wali Mugiliki.4Nibalikuyoobwiinda mumataindi oonse bali kuyoobupa basyomi malailile aakazuminanwa abaapositola abamaalu boku Jelusalemu okubalailila kuteeti kabaacilizya malailile aaya.5Mpoonyina bantu be mbungano bakayumisigwa mulusyomo okuvula buzuba obuzuba.6Mpoonyina bakainda mucilalaanda ca Filigiya eca Galatiya kaambo Muuya Uusalala wakabakasya kukambooka majwaa Leza mucooko ca Eziya .7Nibakasika kumunyinza wecooko ca Misiya bakasoleka kunjila mucooko ca Bitiniya kono Muuya wa Jesu wakabakasya.8Mpoonyina bakainda mu Misiya okwiinka ku Tilowasi.9Masiku aayo Paulu wakaba ecilengaano, oomo mwaakabona muntu woku Masedoniya kaimvwi, kamukombelezya kuteeti, “Koza ku Masedoniya, uzootugwasye!”10Paulu mbwaakamanina feela kuba ecilengaano eci, twakalibambila kwiinka ku Masedoniya kaambo twakabona kuteeti Leza wakatwiitila kukambookela bantu bookuya Makani Mabotu.11Twakainka o mugolo mupati kuzwa ku Tilowasi okwiinka olwizi-olwizi ku Samotulasi, buzuba bwakacilila twakasika ku Niyapolisi.12Kuzwa ooko twakainka ku Filipi lyalitaindi pati liyandisi mucooko ca Masedoniya mwalikukala ba Maloma banji. Twakakala kwateni tuzuba-zuba.13Mu Nsabata twakazwa mutaindi okwiinka kumbali o mulonga, ooko kutwalikuyeeya kuteeti inga twajana cibaka kobaswanaana Majuda kukukomba. Twakakala ansi o kutalika kwamboola abanakazi balikubungene kwateni.Bwaanda bwe Taindi Pati Ecitendele Cateni14Umwi waabo bakatumvwa wali Lidiya woku Tiyatila wali sikuuzya masila omusyobo wecisombo adula loko. Wali mwanakazi wali kukomba Leza. Naalikuswiilizya, Mwami wakamujula moyo kuteegwa azitambule zyalikwaamba Paulu.15Naakamana kubbabbatizigwa antoomwi abengʼanda yakwe, wakatwiita kungʼanda yakwe, kateeti, “Amuze mukale mungʼanda yangu na mwazumina kuteeti nconzyo ndili musyomi wo Mwami.” Wakatukombelezya mane twazumina kwiinka kulinguwe.16Bumwi buzuba katuyoobuya kucibaka cokukombela twakaswanwa o musimbi muzike wakanjilidwe muuya mubi walikumupa kusonda. Walikujanina basimalelaakwe mali manji kwiindila mukusonda kwakwe.17Walikuyoobucilizya Paulu aswibo kayooboongolola kuteeti, “Aaba baalumi mbazike ba Leza Sijulu lya Majulu, baambilizya mbomunga mwafutuka.”18Walikucita namu kwama zuba manji. Kono Paulu wakasesemwa okucebukila musule okwaambila muuya mubi kuteeti, “Muzina lya Jesu Kilisitu zwa mulinguwe!” Muuya wakazwa mulinguwe mpoonya-mpoonya.19Basimalelaakwe nibakabona kuteeti musimbi ooyu tacinoobajanini mali, bakajata Paulu o Sailasi okubakwelela kubeendelezi benkuta ankanzo ye taindi.20Nibakabeeta kubeendelezi benkuta ye taindi pati bakateeti, “Aaba baalumi Majuda, balimukuyunga taindi lyesu.21Balimukwiisya zizo ziteendelani e milawo yesu, swebo to Maloma tatukonzya kuzitambula naanga kuzicita.”22Kuzwaawo dwi lya bantu lyakabukila Paulu o Sailasi.
Mpoonyina beendelezi benkuta bakayawoola zizwato zya Paulu o Sailasi okulailila kuteeti babakwabboole.23Nibakamana kubakwabboola loko bakabasowela muntolongo, mpoonyina bakalailila mulindizi we ntolongo kuteeti abamamele bataloboki.24Naakamana kumvwa malailile aaya, mulindizi wentolongo wakanjizya Paulu o Sailasi mukati mweni yentolongo okubika maulu aabo muzitolokisi . Baapositola Muzitolokisi Muntolongo25Akati kamasiku Paulu o Sailasi bali kukomba okwiimba nyimbo zyokulumbaizya Leza, baange mbibali ambabo kabaswiilizya.26Mpoonyinaawo nyika yakazungaana loko mane entalisyo ye ntolongo yakazungaana. Mpoonya-mpoonya milyango ye ntolongo yakajuka e nsimbi zibaangidwe baange boonse zyakaloka.27Mulindizi we ntolongo naakabuka okubona milyango ye ntolongo kijukide wakayeeya kuteeti baange bakazwa okucija. Mpoonyina wakasomona sabule munkomo yateni kuteegwa alijaye.28Kono Paulu wakazoongolola ejwi pati kateeti, “Utalijayi! Potuli toonse!”29Mulindizi we ntolongo wakakumbila lampi okuzuzila mwateni okuyoolifusila afwiifwi amaulu a Paulu o Sailasi katuntuma.30Mpoonyina wakabatola anze okubuzya kuteeti, “Nobasimalelaangu! Ino ndeelede kucita nzi kuteegwa ndifutulwe?”31Bakamutaba kuteeti, “Syoma mu Mwami Jesu, mpoonyina ulafutulwa yebo abengʼanda yako.”32Mpoonyina bakamukambookela jwi lyo Mwami antoomwi aabo boonse balikukala mungʼanda yakwe.33Aliilya nako njoonya yamasiku, mulindizi we ntolongo wakababweza okubasanzya zilonda zyabo mpoonya-mpoonya we antoomwi abengʼanda yakwe bakabbabbatizigwa.34Mpoonyina wakabweza Paulu o Sailasi kungʼanda yakwe okuyoobapa cokulya. We antoomwi abomukwasyi wakwe bakabotelwa kaambo iino bakasyoma muli Leza.35Nibwakaca beendelezi benkuta bakatuma mapokola amajwi okuteeti, “Amubalukulule aabo baalumi bainke.”36Mpoonyina mulindizi we ntolongo wakaambila Paulu kuteeti, “Beendelezi benkuta batumizya majwi okuteeti yebo o Sailasi mulukululwe. Iino inga mwazwa okwiinka muluumuno.”37Kono Paulu wakateeti kumapokola, “Taakwe nitwakajanwa o mulandu kono bakatukwabboola antangalala okutusowela muntolongo nekuba kuteeti tuli bana Loma . Iino bayanda kutulukulula cokusisilikizya. Nee! Abaze mbabo beendelezi benkuta, bazootulukulule.”38Mapokola bakaambila beendelezi benkuta makani aaya. Iino nibakamvwa kuteeti Paulu o Sailasi bali bana Loma bakalikalelwa.39Mpoonyina bakeza okulilekelela kuli Paulu o Sailasi. Kuzwaawo bakabagwisya muntolongo okubakumbila kuteeti bazwe mu taindi.40Mpoonyina Paulu o Sailasi bakazwa muntolongo okwiinka kungʼanda ya Lidiya. Okuya bakakuswaanana abasyomi okubaambila majwi okubakulwaizya. Bamane bakainka.
Mpoonyina beendelezi benkuta bakayawoola zizwato zya Paulu o Sailasi okulailila kuteeti babakwabboole.23Nibakamana kubakwabboola loko bakabasowela muntolongo, mpoonyina bakalailila mulindizi we ntolongo kuteeti abamamele bataloboki.24Naakamana kumvwa malailile aaya, mulindizi wentolongo wakanjizya Paulu o Sailasi mukati mweni yentolongo okubika maulu aabo muzitolokisi . Baapositola Muzitolokisi Muntolongo25Akati kamasiku Paulu o Sailasi bali kukomba okwiimba nyimbo zyokulumbaizya Leza, baange mbibali ambabo kabaswiilizya.26Mpoonyinaawo nyika yakazungaana loko mane entalisyo ye ntolongo yakazungaana. Mpoonya-mpoonya milyango ye ntolongo yakajuka e nsimbi zibaangidwe baange boonse zyakaloka.27Mulindizi we ntolongo naakabuka okubona milyango ye ntolongo kijukide wakayeeya kuteeti baange bakazwa okucija. Mpoonyina wakasomona sabule munkomo yateni kuteegwa alijaye.28Kono Paulu wakazoongolola ejwi pati kateeti, “Utalijayi! Potuli toonse!”29Mulindizi we ntolongo wakakumbila lampi okuzuzila mwateni okuyoolifusila afwiifwi amaulu a Paulu o Sailasi katuntuma.30Mpoonyina wakabatola anze okubuzya kuteeti, “Nobasimalelaangu! Ino ndeelede kucita nzi kuteegwa ndifutulwe?”31Bakamutaba kuteeti, “Syoma mu Mwami Jesu, mpoonyina ulafutulwa yebo abengʼanda yako.”32Mpoonyina bakamukambookela jwi lyo Mwami antoomwi aabo boonse balikukala mungʼanda yakwe.33Aliilya nako njoonya yamasiku, mulindizi we ntolongo wakababweza okubasanzya zilonda zyabo mpoonya-mpoonya we antoomwi abengʼanda yakwe bakabbabbatizigwa.34Mpoonyina wakabweza Paulu o Sailasi kungʼanda yakwe okuyoobapa cokulya. We antoomwi abomukwasyi wakwe bakabotelwa kaambo iino bakasyoma muli Leza.35Nibwakaca beendelezi benkuta bakatuma mapokola amajwi okuteeti, “Amubalukulule aabo baalumi bainke.”36Mpoonyina mulindizi we ntolongo wakaambila Paulu kuteeti, “Beendelezi benkuta batumizya majwi okuteeti yebo o Sailasi mulukululwe. Iino inga mwazwa okwiinka muluumuno.”37Kono Paulu wakateeti kumapokola, “Taakwe nitwakajanwa o mulandu kono bakatukwabboola antangalala okutusowela muntolongo nekuba kuteeti tuli bana Loma . Iino bayanda kutulukulula cokusisilikizya. Nee! Abaze mbabo beendelezi benkuta, bazootulukulule.”38Mapokola bakaambila beendelezi benkuta makani aaya. Iino nibakamvwa kuteeti Paulu o Sailasi bali bana Loma bakalikalelwa.39Mpoonyina bakeza okulilekelela kuli Paulu o Sailasi. Kuzwaawo bakabagwisya muntolongo okubakumbila kuteeti bazwe mu taindi.40Mpoonyina Paulu o Sailasi bakazwa muntolongo okwiinka kungʼanda ya Lidiya. Okuya bakakuswaanana abasyomi okubaambila majwi okubakulwaizya. Bamane bakainka.
The Seed Company