Guyeiti98tod_pbt
GALA ka ʋaazu é eteai lukpɔɠaaleʋe
1Guyei.À guye niinɛi loo Ɠɔoɠɔ GALAGI ʋɛ,mazɔlɔɔ é laavɔɔ vaiti kɛɛni.É kizogi woni ga ná-zobogi, ta ná-gaaɓaa ɲadegai.2Ɠɔoɠɔ GALAGI ɠa ná-kizo fai lɛɛzu,é ná-telebodai lɛ ga zii ɠiligiti.3É ɠizɛni ná-nuɓɔɠɔlai zu, ta ná-wooɠɛɠiladai Izilayɛle ná-pɛlɛyeɠei ʋɛ.Eteai ɠwɛgi kpein ge ada-ƓALAGI ná-kizo fai ɠaani.4Eteai zu nuɓusɛiti kpein à wooɠula ga koozunɛɛi Ɠɔoɠɔ GALAGI ʋɛ,wa-ɠoozunɛɛi zu, à guyei loo.5À Ɠɔoɠɔ GALAGI maamusɛ ga papai wooi,à naa ɠɛ papai wooi ʋɔ, ta guye wooiti.6À maamusɛ ga puʋu gooi, ta baala minɛ ʋuʋugi wooi,à ɠoozunɛ Ɠɔoɠɔ GALAGI ɠakala, nii é ga Masagi!7Kpoloɗɛi zikɔ, ta bu aniiti kpein,eteai ta su aniiti kpein ɓalaa.8Ziɛ wolaiti ti yealoɠa,gizeiti ti ɓɔsu, ti guyei loo ga koozunɛɛi9Ɠɔoɠɔ GALAGI ɠakala,mazɔlɔɔ toɠa ʋaazu é eteai lukpɔɠaaleʋe.Toɠa eteai lukpɔɠaaleʋe ga telebodai,ta nuɓusɛiti ga sɔledai.