Read Guyeiti 91

Guyeiti91tod_pbt

Nu lɔɔɠuzu ʋagɔi

¹Zɔi é zeini, nii é Anii-Pɛ-Unda, naa ná-dooɠo bosuʋɛ,naa ɠa looɠosu Zɛbɛi-Pɛ-Maliɠii ná-niinigi wu.²Gè ɠɛ ma: «Ɠɔoɠɔ GALAGI, ɗa ɠa è ga dɔ̀ɔɠuzuʋɛ, ta nà-siɠigi,nà-GALAGI nii gè ɠalivaai ma!»

³Ungo, tɔ ɠa é è unmɔɔsu, é è ɠula balii ɠa tɛai è luɠɔ,ta ɗɔfɔ zeeɓɛi, ta ná-faa zuɠoloɠologiti.⁴Toɠa è maalɔɔɠu koʋegiti bu, ɗa lɔɔɠu kpeɠabuʋɛ,ná-gaamai ɠa ga kɔɔɠɔ zɛpɛgi, kɔɔɠɔ zɔɔlai é è makɛsu.⁵È la lua ani nɔpɛ ba, anɛɛ kpidii zu maalua vai,ɓaa mɛɛin nii é ɠoʋesu ga foloi,⁶anɛɛ ɗɔfɔ zeeɓɛi, nii é ziɛzu kpidii zu,ɓaa pili ma zeeɓɛi, nii é nuiti doɠazu foloi a gaalɔna.⁷Waagila ka loo è ɠobaʋɛ,waapuugɔ (10.000) è yeezazuʋɛ,kɛlɛ tanɔpɛ ge la zeelia è ma.⁸Ɗa ɠaazulaalao nɔ,è zoo è faa ɲɔu ɠɛ nuiti salai ɠa.⁹Ungo, Ɠɔoɠɔ GALAGI, ɗa ga dɔ̀ɔɠuzuʋɛ!Nii é Anii-Pɛ-Unda, è naa ɠɛa ga è-ʋoluzeigi.¹⁰Faa ɲɔu nɔpɛ ge la zeelia è ma,maanɔɠɔ nɔpɛ ge la zeelia ɗa-ʋɛlɛi ma.¹¹Mazɔlɔɔ toɠa devei ve ná-geezuɠeelaiti zea ɗa-vaa zu,ga ti ɓaa è maazu ɗa-ʋeleiti kpein su.¹²Ta è la yeezu,nii a kɛ è-ɠɔɠɔi mina ziɠa kɔtu ʋa.¹³Ɗa ziɛ zalai ta pɛɛɠaalii ma, faa nɔpɛ ge la ɠɛa ga ɗe,ɗa ɠɔɠɔlo zala yiʋoi ta kaali ɲɔi ma.

¹⁴Maliɠii ɠɛ ma: «Tɔɔzei giliʋɛ nɔ̀un ba,nà kizosu, gè makɛ ma, mazɔlɔɔ é kwɛ̀ɛ.¹⁵Toɠa wooɠula mà, nà gooɠaaʋote,ungo, nà ɠɛ tɔun ba, kidaaʋiligi ma ziɛgi zu,nà unmɔɔ, gè bɔɔlɔ.¹⁶Nà sii zuɠooza, daazeeli,gè dɛɛ la, ga nà ga ná-kizo nui.»

Guyeiti 91 / tod_pbt

Nu lɔɔɠuzu ʋagɔi

Guyeiti91tod_pbt