Guyeiti74tod_pbt
Kpee wooi é loGALA sei ʋɛlɛ ɲadegai ɠoloɠolo fai ʋa
1Azafe ná-kidafaawui.Leeni vaa zu, ee, GALA, è ɠɛlɛa gi ʋa ɠɔ?Leeni vaa zu, è yɛsu yiiɠaawanazu gi ma, gɛi gi ga baalagiti, è ga ti makɛ nui?2Ɠizɛ ɗa-nuɓusɛiti su, niiti è ti zeɠeni ʋɛ kaite,è ti unmɔɔ ɓɔɠɔ ʋɛ, bolodai ʋe é ga ɗɔnɔ,ɠizɛ Siyɔn gizei zu, ʋɛ è ɠɛni ná ɠɛɛzu ga è-zeizuʋɛ!3Ʋa lɛɛ, è adaʋɛti pɛtɛ, ti ɠoloɠologai mɛtu.È zili nuiti ti anii pɛ koloɠologa è-zeizu ɲadegai wu.4È zili nuiti ti zɔngɔni ɗa-ada ɲadegai ma,ti poogi ʋilɛni ná, ga ta-vɔnifaamai ma ʋoogi.5Ti pɔgi woni ga ta-yoovɛiti,eɠɛ pɔ bea goyai zu.6Aniiti ti ʋɛlupɛlugai pɛlɛi wu, ti naati koloɠologa,ga zoovɛi, ta maadalagiti.7Ti abui ʋiliga è-zeizu ɲadegai ʋa,ti pu ya zooi ma, ti è-zeizuʋɛ ɓɔɠɔi ɠɔzɔ.8Ti ɠɛni ɠisiɛzu, ti ɗa ɠɛ ma: «Ada ti pɛ koloɠolosu ʋɔɔma!»Ti ada ɲadegaiti pɛ galaa zooi zu.9Ɗa-ɠulakɛlɛmai ma ʋoo ge la mɔ ná,GALA goo wo nu la mɔ ná.Nu nɔpɛ ge la gi zaama, nii é kwɛɛ ga niima vaiti ta yɛsu ɠɛɛzu, eyɛsu yeelɛ.10Ee, GALA, tooma nui ɠa yɛsu maaɲɛɛba ɓɔɛi wosu, eyɛsu yeelɛ?È zili nui ɠa yɛsu ɲɛɛɠulazu è-laaseigi zu, dooɠo ge la ba?11Leeni vaa zu è ɓɔɠɔ zuzosu?Mina yɛ loni ɠana nɔ, ʋa è ti-ma zuwu ɠaaleʋe!12Anɛɛ naa ʋe, ee, GALA, nà-Masagi, kaite wɔlɔwɔlɔ,ɗa ɠa è unmɔɔgi wosu eteai zu.13Ɗa ɠa è ziɛiti zeeɠaaɠwɛɛni su ga è-zɛbɛi,è kpoloɗɛ wu zua wolai nɔungiti golowoloni, ziɛi wu.14Ɗa ɠa è ziɛ wu zua maayikiai naa nɔungiti golowoloni.È kɛ ga daamianigi, è teʋe teʋebai zu zuaiti pɔ.15Ɗa ɠa è pelei ɠulazu ziɛungiti bɛ, ta kɔtuɗɛiti.Ɗa ɠa è ziɛiti fɔɔzu kpaankpaan ti-laazuʋɛti, niiti ti la ɠɛa vɔɔzu kpaan.16Foloi ɠa ga ɗɔnɔ, ta kpidii ɓalaa,ɗa ɠa è alugi ɓɛtɛa, ta foloi.17Ɗa ɠa è zooi ɠwɛgiti kpein daai,è foɠoi ɓɛtɛ, ta samai.18Ɠizɛ nii zu, Ɠɔoɠɔ GALAGI, ga è zili nui ɠa é è ʋoomuni,ɠimalala nuɓusɛiti ta è-laaseigi ʋɛlɛʋilisu.19Ɗa-nuɓusɛiti ti wola nɛai è ʋɛ, mina naati zɛnvui ve dɔɓɔ zuaiti zea,mina yeema ɲɛgɛlɛin maawɔin nuiti zɛnvui ma, ti ga ɗa-nuiti.20Ɠizɛ ɗa-minazeɠegi zu!Mazɔlɔɔ, zooi zu ɠoozamaʋɛti ka ti ga toomai zeizuʋɛti.21Nuiti, ti ti zopele ɲɔu zu, mina va bu, naati ti ʋa ɠale ma ʋolu unfegi zu.Maawɔin nui ta bala nui, ti è-laaseigi lɛbi.22Ee, GALA, wuzeɠe, ɓɔɠɔ maalobo!Ɠizɛ è ʋoomu gooi zu, nii ɠimalala nui bosu folo-o-folo.23Mina yeema è zili nuiti ta-ɓee wooi ma,ti zɔngɔ wooi, é wɔɔlɔzu yeenɔpɛ, ti bosu è laalɔɠɔma.