Read Guyeiti 61

Guyeiti61tod_pbt

Dɔ̀ɔɠu è-ɠoʋegiti bu

¹Guye loo ɠundiɠii nɔnɔi ʋe. É loozu ga kɔnigiti. Davide ná-guyei.

²Ee, GALA, woilo nà-kpee wooi ma,ɠida nà-maanɛɛnɛ wooi wu!³Eteai ɠwɛmaʋɛ ɠa gè wooɠulazu ná è ma, zìiɓɔlɔʋɛ.Lɛ ga ze fasa ɠaaɠoozagi ma, nii gè la zooga gè ʋa zeeli ma ɓɔɠɔ ʋɛ!⁴Mazɔlɔɔ ɗa ga nɔ̀un dɔɔɠuzuʋɛ,pɛlɛ ɠaaɠoozagi siɠigi ma, sìli nui ɠaazu.⁵Nà pɔ gè zei ɗa-zeɠe ʋɛlɛi wu, gè yɛ ná ɠɔ,gè lɔɔɠu è-ɠoʋegiti bu.Lo!⁶Mazɔlɔɔ GALA, ɗa ɠa è woilosu nà-minazeɠe gooiti ma,è poganii ve zèa, nii è feezu naati zea, niiti ti luazu è ʋa.

⁷Gá-masagi zii ma voloiti suɠooza, è ta ɓɔ ti ʋa,ná-konagiti suɠooza yeeɠɛɠalaiti pɛ su!⁸É yɛ zeini GALA kakala, eyɛsu ɠɔ.Va bu, ɗa-wooɠɛɠiladai ta ɗa-ɠaamai, naati ti ɓaa tɔun maazu.⁹Ungo, nà guyei loozu yeenɔpɛ è-laaseigi lɛbi vai zu,gè nà-minazeɠegiti daazeeli folo-o-folo.

Guyeiti 61 / tod_pbt

Dɔ̀ɔɠu è-ɠoʋegiti bu

Guyeiti61tod_pbt