Read Guyeiti 60

Guyeiti60tod_pbt

GALA sɛbɛi zu,gá pilɛ sɔlɔɔ nɔ fai pɛ su

¹Guye loo ɠundiɠii nɔnɔi ʋe. Nii é loozu é zoloo guye wooi ma, nii daa ga: «Bulɛgi ma ʋuaiti». Zeele wooi. Davide ná-guyei, kalagi wosu da.²Siɛgi zu é kɔɔi ʋɛɛni la Siili yooi zu nuiti ba, niiti ti Mezopotami, ta Soɓa. Zoaɓe ɠalesuʋɛ ma, é Edɔme nu waapuugɔ maazu felegɔ (12.000) ʋaani Kpolo Ʋɛtugi zu.

³Ee, GALA, è ɠɛlɛa gi ʋa, è gá-ɠɔɔi ɠoloɠologa.È ɗa-yiiɠaawanai ɠula kɛlɛma, niizu, gi ɓɛtɛna ʋolu.⁴È eteai ɲiikpiga, è bali ga.Galeɠalezuʋɛti kpɛtɛ, mazɔlɔɔ toɠa ɲiikpisu.⁵È ʋoluɠula vaa ɓaa golaiti seiɗa ɗa-nuɓusɛiti ma,è gaazulati dɔɔi loga gi-la.⁶È poo gila fea nuiti zea, niiti ti luazu è ʋa,ti ʋa ʋela ti zili nuiti ta-ɠɔɔɠɔi ʋa.Lo!⁷Gi unmɔɔ ga è-yeezai, gi wooɠaaʋote,naa ɠa a kɛ è nɛɛbɛ nuiti ti unmɔɔ.

⁸GALA ge ɓɔɛni seizu ɲadegai, é ɠɛ ma: «Pilɛ sɔlɔɔ nui ɠa é ga ze!Nà Sikɛme ɠaaɠwɛ su, gè Sukɔte nɛmɛi ɠaaɠwɛ.⁹Galaade ɠa ga nɔ̀nɔ, Manasé ɠa ga nɔ̀nɔ,Efelayime ɠa ga kɔɔɠɔ wɔɔlɔgi ùnba,Zuda ɠa ga nà-masa tukpɔi.¹⁰Moaɓe ɠa ga kokoi, nii gè maagbazu su,nà-saʋala pilisuʋɛ ɠa ga Edɔme yooi.Nà pilɛ sɔlɔɔ kpeei loozu Filisiti nuiti ta-yooi laalɔɠɔma.»

¹¹Ɓɛ ɠa a li ga ze taa wolai zu, nii siɠigi ma?Ɓɛ ɠa a li ga ze Edɔme?¹²Ee, GALA, ɗa laade ɓaa, è ɠɛa ɠɛlɛni gi ʋa?Ee, GALA, siɛgi zu gá-ɠɔɔɠɔ nuiti ti ɠɛni ɠulazu la, è la mɔ ɠɛni ʋilɛsu ti ʋolu.¹³Ɓɔ gi ʋa gi zili nuiti daalɔɠɔma,mazɔlɔɔ nuɓusɛiti ta-ɓɔbai ɠa nɔ ga wafuun faa.

¹⁴Ni GALA ka ade ʋa, ada pilɛ sɔlɔɔ,mazɔlɔɔ tɔ ɠa é ade zili nuiti dɛɛvɛzu.

Guyeiti 60 / tod_pbt

GALA sɛbɛi zu,gá pilɛ sɔlɔɔ nɔ fai pɛ su

Guyeiti60tod_pbt