1Guye loo ɠundiɠii nɔnɔi ʋe. Nii é loozu é zoloo guye wooi ma, nii daa ga: «Mina koloɠolo!» Davide ná-guyei.2Gaamazu, wa tukpɔi ɠaaleʋe ga maaɠɛkpɔgi?Wa nuiti tukpɔɠaaleʋezu nɛi ga sɔledai?3Naa li poun! Wa telebotalai ɠɛɛzu ga kɛɛɠɛɛi!Zooi zu, toomai ɠa wo fazasu ga wo-yeeiti.4Faa ɲɔu ɠɛ nuiti ta yɛsu ti-lee ɠoozu ti ɠaka,zɛɛ nuiti ta ɓɔɠɔ ɠakasu, é zo ta ɠɛna zɔlɔɔga ti ʋa ɠula ti-lee ɠoozu,5ma wanai ɠa ti ʋa eɠɛ kaaliiti,ta woiyeɠei laaɠulusu eɠɛ pɛɛɠaalii goizuɓɔlɔai,6é la woiloga pote nuiti ta-wuye wooi ma,anɛɛ nii gola ɠeleɠelegai.7GALA, ti-ɲiigaiti galeɠale ti-laaʋɛ!Ɠɔoɠɔ GALAGI, zala yiʋoiti kpalɔɠaeiti gale!8Niima nuiti ti ɲɛɛlɛ, eɠɛ ziɛiti ti yeizu!É ná-mɛɛinti pili, ti mina faa ʋaa.9Eɠɛ koe goi é ʋoolozu, a ɠɛna lia luɠɔ,eɠɛ doin saai é ʋa leɠa zɔlɔɔ, ti la ɠaazulaani foloi ma.10Aisa wa-laaɠoli liɠiiti ti ʋa ɓadi ga dɔɓɔ ɠaingiti ma abui,ti ma lɛnugi, ɓaa abui ti ʋa, GALA ka tɔngɔlɔ fiilɛi zei faa ɲɔu ɠɛ nui wu, é lii la!11Toɠa ga koozunɛ telebo nui ʋɛ, a faa ɲɔu ɠɛ nuiti kaana ti ɗa zalai zɔlɔɔ.Toɠa ɠɔɠɔiti maagba ti-ma ɲamai zu.12Nuɓusɛiti ta ɠɛ ma naazu:«Ungo, telebo nui zalai ɠa ná.Ungo, GALA gila kana nii é tukpɔi ɠaaleʋezu eteai zu!»