Read Guyeiti 52

Guyeiti52tod_pbt

Naavolo nu ɲɔi ná-eteai ɠaaɓelagi

¹Guye loo ɠundiɠii nɔnɔi ʋe. Davide ná-kidafaawui.²Siɛgi zu Edɔme nui Dowɛge liini la, é ɠɛ Sayile ma, Davide liiʋɛ Ayimelɛke ná-pɛlɛi wu.

³Ɗɛi è zuɓaai, leeni vaa zu è wasosu ɗa-zuɲɔi zu?Wɛlɛ, GALA ná-wooɠɛɠiladai ɠa ɠulazu kɛlɛma folo-o-folo.⁴Yaavai nɔ ɠa è-nɛgi kpɛtɛzu, kpeka ɠaaligi,ɗa ga yaava nui!⁵Faa ɲɔi nɛɛʋɛ è ʋɛ, é leʋe faa ʋagɔi ʋa,zɛɛ vai nɛ è ʋɛ, é leʋe sɔle kpɔɛi ʋa.Lo!⁶Nu ɠoloɠolo gooiti nɛɛʋɛ è ʋɛ,è-nɛgi yaavaʋɛ!

⁷Naa ɠa é ba, GALA ka è lokasu eyɛsu ɠɔ.Toɠa è zosu ɗa-zeɠe ɠotai wu, é è lɔɔɠula,é è-ma zapei lɔɔɠula fulu nuiti ta-yooi ɠa.Lo!⁸Telebo nuiti ta naa ɠa, dualuagi ti zo,ti ɲɛɛɠula è zu, ti ɠɛ ma:⁹«Wɛlɛ zunui ʋa, nii é la ɠɛni GALA kɛɛni ga makɛ nui,kɛlɛ é ɓɔɠɔ ɠalivaani ná-naavolo wolai ma,é ɗa ɓaa ɓɔɠɔ maazu ga ná-keleɠele ɲɔi!»

¹⁰Nɔ̀un nà, nà GALA ná-pɛlɛi wu eɠɛ wolive wului ma wundui,gè ɓɔɠɔ ɠalivaaʋɛ GALA ná-wooɠɛɠiladai ma eyɛsu ɠɔ.¹¹Nà è maamusɛ eyɛsu ɠɔ, è-ɠɛɛ vai ʋɔ, nii è kɛai.Nà ɠitosu è-laaseigi ʋa, tɔɔzei è ʋagɛ ɗa-wooɠɛɠila nuiti bɛ.

Guyeiti 52 / tod_pbt

Naavolo nu ɲɔi ná-eteai ɠaaɓelagi

Guyeiti52tod_pbt