Read Guyeiti 5

Guyeiti5tod_pbt

Lo tùɠɔ pelei zu

¹Guye loo ɠundiɠii nɔnɔi ʋe. É loozu ga kooleiti. Davide ná-guyei.

²Ɠɔoɠɔ GALAGI, woilo gòoi ma!Kpalagi gè bosu gaaɠa!³Ɠida nà-kpee loligi wu, nà-masagi, nà-GALAGI,mazɔlɔɔ ɗa ɠa gè è valizu.⁴Ɠɔoɠɔ GALAGI, gosui, ɗa ɗa gòoi mɛni,sobui, nà ɗa ʋa è ʋɔ bɛ, gè ɗa è maaɓɔun.

⁵Mazɔlɔɔ è la ga GALAGI, nii faa ɲɔi nɛai bɛ.Faa ɲɔi la zeizu zɔlɔɔga è ɠobaʋɛ.⁶Ɠimalala nuiti ti la zooga ti ʋa lo è ɠaazu,naati wɔin la è ma, niiti ti faa ɲɔi ɠɛɛzu.⁷Ɗa zɛɛ wo nuiti kpein undaaʋili.Nu ʋaa nuiti ta yaava nuiti wɔin la Ɠɔoɠɔ GALAGI ma.

⁸Ɗa-wooɠɛɠilada wolai ʋɔ, nii kpela ge la ba,nà zoo gè lɛ ɗa-ʋɛlɛi wu,è ɠaazuluabai é zèa,nà nɔkɔ è wu, è zei ʋɛlɛ ɲadegai wu.⁹Ɠɔoɠɔ GALAGI, lo tùɠɔ ɗa-lelebodai zu, sìli nuiti maaʋele ma.Ɗa-ʋelei ɠaa ɠɛ sɔli tùɠɔ.

¹⁰Mazɔlɔɔ nu nɔpɛ ge la laa ti-wooiti da,ti ɠoozu ɠisiɛi kpein ka ga faa ɠoloɠologi,ti-ɠɔdayeɠei ɠɛɛʋɛ eɠɛ kabayeɠei daalaogai,ti-nɛgi ɠa ga yaava anii.¹¹Ee, GALA, ti leve ga faa ɲɔu ɠɛ nuiti, è ti zo ɠana!Ti ɠoozu ɠisiɛi ɠɛ ga ti loo zaɓui.Ti ʋili ya ta-lɔ koloɠologiti maaʋele ma, nii gaa la luga.Mazɔlɔɔ ta wuzeɠezu è laalɔɠɔma.

¹²Kɛlɛ niiti kpein ti lɔɔɠuzu è ʋɔ bɛ, ta ɠoozunɛ è ʋɔ.Ta ɠoozunɛ eyɛsu ɠɔ, ɗa ɓaa ti maazu,ta ɠoozunɛ è ʋɔ,niiti è-laaseigi nɛai ti ʋɛ.¹³Mazɔlɔɔ ɗɔun ɗa, Ɠɔoɠɔ GALAGI, ɗa tuya loo telebo nui ʋɛ.Ɗa ɓaa maazu ga ɗa-nuɓɔɠɔlai, eɠɛ kɔɔɠɔ zɛpɛgi.

Guyeiti 5 / tod_pbt

Lo tùɠɔ pelei zu

Guyeiti5tod_pbt