1Ee, GALA, tukpɔi lo bɛ̀!Màalobo ladalala nuɓusɛiti daalɔɠɔma!Ùnmɔɔ, è kùla keleɠele ɲɔu nuiti zea, ti ga yaava nuiti!2Ɗa ɠa è ga nà-GALAGI, màkɛ nui.Leeni vaa zu è pìliga ya?Leeni vaa zu nà nà-eteai ziɛ gaazuɠilii zu,sìli nuiti ta-wɔinzeɠemai zu?3Ɗa-wozakalagi leʋe ta ɗa-ɠaamai!Ti lo tùɠɔ,ti li ga ze ɗa-ɠize ɲadegai ma, è-zeizuʋɛ!4Nà liizu GALA ná-zalaɠa ɠulazuʋɛ,GALA pɔ bɛ, nii é ga nà-koozunɛ wolai.Nà è maamusɛ ga kɔnigi wooi,ee, GALA, nà-GALAGI!5Leeni vaa zu, zìi, è ɲiikpisu,è ɗa kpalagi wo kòozu?Ɠito GALA ba, mazɔlɔɔ nà maamusɛzu ʋolu dɛ,toɠa ga nà-kizogi, ta nà-GALAGI.