Read Guyeiti 42

Guyeiti42tod_pbt

Eɠɛ dopai nii kpɔɔle wɔin ma

¹ Guye loo ɠundiɠii nɔnɔi ʋe. Kolé mavofodaiti ta-ɠidafaawui.

²Ʋelei kpɔɔle wɔin a ɠɛna dopai ma, a ɗa ziɛi ɠaiziɛ la, nii é yeizu,ʋele ɠana zìi è magalasu da, ee, GALA!³GALA wɔin ɠa zìi ma, eɠɛ kpɔɔle wɔin, zɛnvu su ƓALAGI.Siɛgi ɓɛgele ɠa nà lii la, gè ɠula kɛlɛma,gè lo GALA gaazu ná-pɛlɛi wu?⁴Gàazuɗɛiti ti ɠɛa ga kɔ̀nɔgi, folo ʋɛɛ kpidi ʋa,siɛgi zu ti ɠɛɛzu mà la yeenɔpɛ:«Mini ɠa ɗa-ƓALAGI ná?»⁵Anɛɛ naa ʋe, nii gè ɠisiɛzu su, zìi ɗa ɓali kòozu:Gè ɠɛni bɛbɛi luɠɔ, gi ɗa li GALA pɛlɛi ʋɔ pelei,koozunɛ wolai zu, ta faanɛɛ wuuɠwɛɛgai,nuɓusɛi kpein bɛ, niiti ti ɠɛni fɛtii zu.

⁶Leeni vaa zu, zìi, è ɲiikpisu,è ɗa kpalagi wo kòozu?Ɠito GALA ba, mazɔlɔɔ nà maamusɛzu ʋolu dɛ,toɠa ga nà-kizogi ta nà-GALAGI.

⁷Zìi ɠa ɓalizu nà-faa zu,naa ɠa é ba, nà ɠisiɛzu è zu,Zuludɛn yooi zu, gè su,Ɠɛɛlɛmɔn gizei, ta Miseyaal gizei ʋɔ bɛ.⁸Ziɛ zulugi ɠa ɗa taɠili toli,ɗa-ɠɔtuɗɛiti gooiti ma.Ɗa-veinfeingiti ta ɗa-ɗɛ lakpatakpagititi yeini nɔ̀un ma.⁹Foloi, Ɠɔoɠɔ GALAGI ɠa ná-wooɠɛɠiladai ɠɛɛzu bɛ̀,kpidii, ná-guyei ɠa ɗa ʋilɛ pòlu.Nà nà-maanɛɛnɛ wooi laazeelizu GALAGI ma, nii é ga zɛ̀nvui.¹⁰Nà ɗa ɠɛ GALA ma, nii é ga nà-fasai:«Lee vaa zu è yeemaai mà?Lee vaa zu kɛni gè ziɛ gaazuɠilii zu,sìli nuiti ta-wɔinzeɠemai zu?»¹¹Wɛlɛ, gè ɠoloɠologa ɲɛgɛlɛin ga ta-ʋoomugiti,siɛgi zu wɔ̀inzeɠe nuiti ti ɓaaɠulazu mà la.Ta ɠɛna ɠɛa mà yeenɔpɛ:«Mini ɠa ɗa-ƓALAGI ná?»

¹²Leeni vaa zu, zìi, è ɲiikpisu,è ɗa kpalagi wo kòozu?Ɠito GALA ba, mazɔlɔɔ nà maamusɛzu ʋolu dɛ,toɠa ga nà-kizogi, ta nà-GALAGI.

Guyeiti 42 / tod_pbt

Eɠɛ dopai nii kpɔɔle wɔin ma

Guyeiti42tod_pbt